Дивите свињи во Германија се радиоактивни, научниците конечно откриле зошто - Канал 5

Живот

Дивите свињи во Германија се радиоактивни, научниците конечно откриле зошто

Веќе било познато дека дивите свињи во југоисточна Германија имаат високо ниво на радиоактивен цезиум, што често се припишувало на катастрофата во Чернобил во 1986 година.

Дивите свињи во Германија се радиоактивни, научниците конечно откриле зошто

Но, додека нивото на радиоактивност се намалило кај другите животни, поради некоја мистериозна причина тие опстојуваат кај свињите, феномен познат како „парадокс на диви свињи“.

Според најновите истражувања, за овој феномен се виновни и тестовите на нуклеарно оружје извршени во средината на 20 век, односно се чини дека свињите продолжуваат да се контаминираат со радиоактивен материјал преку храната поради катастрофата во Чернобил и нуклеарните тестови, пишува Science Alert.

Радиоактивното загадување кое допира до животната средина по нуклеарна несреќа претставува значајна закана за екосистемите. По катастрофата во Чернобил, која се случи пред 37 години, забележано е зголемување на радиоактивната контаминација со цезиум, особено цезиум-137, кој има полуживот од околу 30 години.

Но, полуживотот на многу постабилниот изотоп (цезиум-135), кој може да се произведе со нуклеарна фисија, трае повеќе од два милиони години. Според претходните истражувања, односот на цезиум-135 и цезиум-137 може да укаже на изворот на самиот цезиум. Високиот сооднос укажува на експлозии на нуклеарно оружје, а низок сооднос укажува на нуклеарни реактори.

Затоа, радиоекологот Феликс Штагер од Универзитетот Лајбниц во Германија и неговите колеги ги анализираа нивоата на цезиум во 48 примероци од месо од дива свиња собрани од 2019 до 2021 година од ловци од 11 региони на Баварија. Нивото на радиоактивен цезиум во 88 отсто од тестираните примероци на месо било повисоко од германскиот законски праг.

Користејќи го соодносот цезиум-135 и цезиум-137, експертите утврдиле дека тестирањето на нуклеарно оружје е одговорно за 12 до 68 проценти од контаминацијата во примероците. Односно, и покрај тоа што Чернобил е главен извор на цезиум кај дивите свињи, околу една четвртина од примероците имале доволно значаен придонес на цезиум од тестирањето на нуклеарното оружје.

Со оглед на тоа што дивите свињи се хранат на специфичен начин, како што е потрагата по тартуфи, тие апсорбирале различни нивоа на контаминација од двата извори, што придонело тие сè уште да бидат „радиоактивни“.

„Оваа студија илустрира дека стратешките одлуки за спроведување атмосферски нуклеарни тестови пред 60-80 години сè уште влијаат на оддалечените природни средини, дивиот свет и човечките извори на храна“, заклучија научниците.

Истражувањето Disproportionately High Contributions of 60 Year Old Weapons-137Cs Explain the Persistence of Radioactive Contamination in Bavarian Wild Boars е објавено во списанието Environmental Science & Technology.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Видео: Наредена итна евакуација на населението, откажани летови

Тајфун се движи кон Јапонија. Се евакуираат 260 илјади луѓе.

Видео: Наредена итна евакуација на населението, откажани летови

На стотици илјади луѓе во југозападен Јапонија им беше наредено да се евакуираат, а денес беа откажани повеќе од 500 летови додека тајфунот „Долфин“, кој се движи бавно, се приближува кон регионот, носејќи силни ветрови, обилни врнежи и високи бранови.

Тајфунот од прва категорија носи ветрови со максимална брзина од 144 километри на час, со удари што достигнуваат и до 198 километри на час, и се приближува кон низата острови меѓу регионот Кјушу и префектурата Окинава, соопшти Јапонската метеоролошка агенција (JMA), пренесува Ројтерс.

Властите издадоа наредби за евакуација на речиси 260.000 жители во префектурите Кагошима и Окинава, додека „Тојота“ денеска го прекина производството во девет фабрики.

Надлежните очекуваат тајфунот Делфин да ја задржи својата јачина додека се приближува кон Окинава, носејќи ризик од ветрови што би можеле да оштетат или урнат одредени објекти.

Јапонската метеоролошка агенција (JMA) предупреди дека може да се формира и линеарен појас на дожд – односно тесен појас на интензивни врнежи и грмотевици – што би можело да предизвика поплави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

До 7 часот и 30 минути денеска на територијата на Македонија се регистрирани вкупно 23 пожари на отворен простор, од кои еден е активен, два се под контрола, а 20 пожари се изгаснати.

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

Информира утрово Центарот за управување со кризи. Активен е пожарот во местото Стојанова населба во село Грешница во општината Македонски Брод, каде што гори ниска вегетација, деградирана шума и грмушки.

Под контрола е пожарот на депонијата во Делчево и пожарот во гостиварското село Паталишта, каде што е зафатена ниска вегетација и нискостеблеста шума.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца мртви, вклучувајќи го и вооружениот напаѓач, во пукотница во училиште во Тајланд

Во пукотница во училиште во Тајланд двајца се убиени, вклучувајќи го и вооружениот напаѓач,, соопштија официјални лица.

Двајца мртви, вклучувајќи го и вооружениот напаѓач, во пукотница во училиште во Тајланд

Еден наставник е убиен, а најмалку четири други лица се повредени од ученик кој отворил оган во училиштето пред да се самоубие, соопштија властите.

Полицијата ги потврди жртвите и рече дека осомничениот вооружен напаѓач извршил самоубиство. Меѓу повредените има еден наставник и четворица ученици, рече тој.инцидентот се случил северно од бангкок. Во февруари во слично вакво пукање еден наставник почина, а еден ученик беше повреден во јужен тајланд, откако вооружен човек отвори оган во училиште .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер