Фудбал

Дискриминацијата во англискиот фудбал се зголемила за 38 отсто

Инцидентите кои вклучуваат различни форми на дискриминација во англискиот професионален фудбал се зголемени за 38 отсто во однос на претходната година.

Тоа го покажува истражувањето на организацијата „Kick It Out“, која си постави за цел да ги елиминира расизмот, хомофобијата и други социјални проблеми во спортот.
Од август до средината на сезоната се потврдени 111 инциденти за дискриминација во првите четири нивоа во англискиот фудбал - 64 во Премиер лигата и вкупно 47 во Чемпионшип дивизијата, Лига 1 и Лига 2. Пред една година тие биле соодветно 40 и 29, пренесоа медиумите на Островот.
Основачот на „Kick It Out“, Херман Оусли изјави дека изнесените податоци треба да влијаат како „аларм за сите во спортот“.
Организацијата пријави уште дека добила над 300 сигнали за 282 инциденти со дискриминација во 2017 година, откако тие се зголемиле за 59 отсто во однос на претходната година. Тие вклучуваат пријавени случаи од професионални и аматерски нивоа во Англија, како и социјални мрежи.
Со најголем удел се инцидентите на расна основа (151). Тие претставуваат 54 отсто од сите инциденти, откако се следат и оние за хомофобија, бифобија и трансфобија со 63 и антисемитизам со 25.
Проблемите со антисемитизмот традиционално привлекуваат внимание во европскиот фудбал. На крајот на март, Лацио беше казнет со 50 илјади евра за транспаренти со ликот на жртвата на холокаустот, Ана Франк. На почетокот на сезоната раководството на Челзи ги замоли навивачите да не пеат песни со антисемитска тематика против Тотенхем, чиј сопственик е Евреин.
- На крајот справувањето со дискриминацијата треба да се случува со заеднички напори. Највисоките органи во општеството и фудбалот, како и навивачите, треба да известуваат за случаи на дискриминација, за да ни помогнат да ја искорениме омразата, пишува на сајтот на „Кick It Out“./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасено мече фатено во стапица на планината Јакупица

На планината Јакупица во велешко спасено е мече фатено во нелегално поставена стапица.

Животното го пронашле ловџии од Ловечкото друштво „Руен“ од Велес.

Тие слушнале силно рикање и го забележале мечето заробено во сајла.

Во близина била и неговата мајка, која го набљудувала настанот. Во акцијата учествувале инспектори, ловџии, еколози, полицајци и ветеринар.

Мечето било пронајдено на локалитетот Чеплес, во близина на рибник Нежилово.

Ветеринар од Скопската зоолошка градина го успал животното за да го прегледа.Стапицата била отстранета, а мечето немало видливи повреди.станува збор за мажјак стар околу три години и тежок 70 килограми.По прегледот, мечето било пуштено назад во природата.за случајот бил известен јавен обвинител од велес.Полицијата ја запленила стапицата за вештачење и поведување кривична постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години.

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години ова беше истакнато на прес-конференција и едукативен симпозиум „Мисли на ретки: препознај и упати“ на здружението на граѓани за ретки болести „живот со предизвици“ Битола, националната алијанса за ретки болести на македонија и здружението на лекари по општа,семејна медицина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Ќофтиња од компир и туна

Во понеделник (12.10.2026) во емисијата гостин ни бeше Дамјан Стојаноски.

Состојки за денешниот рецепт:

3 компири

3 јајца

1 главица кромид

половина морков

половина страк праз

1 голема конзерва туна

3 - 4 чешниња лук

половина китка копар или магдонос

5 лажици лебни трошки

масло

сол, бибер и др. зачини по избор

Прилог

шери домати

млади кромитчиња

соја сос

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.