Дисциплина е второто име на Меланија Трамп, совршената линија ја должи на еден појадок кој секо - Канал 5

Здравје

Дисциплина е второто име на Меланија Трамп, совршената линија ја должи на еден појадок кој секо

Смути од овие намирници ја држи сита дури до ручекот.

Дисциплина е второто име на Меланија Трамп, совршената линија ја должи на еден појадок кој секо

Првата дама на Соединетите Американски Држави, Меланија Трамп (54) со години негува витка линија на која многумина и завидуваат. Тајната на нејзиниот беспрекорен изглед, како што вели, лежи во едноставниот, но хранлив појадок.

Иако многумина претпоставуваа, поради нејзината манекенска кариера, дека таа применува строги диети, вистината е сосема поинаква. Меланија не следи диета, туку се придржува до принципите на здравата исхрана.

- Сакам да појадувам нешто лесно, но хранливо. Смути-то ми дава доволно енергија и ми помага да останам сита до следниот оброк – открила таа во една прилика.

Секое утро го започнува со витаминско смути, додека во текот на денот се труди да изеде најмалку седум различни видови овошје.

Напитокот што Меланија го подготвува содржи:

спанаќ

целер

морков

боровинки

јаболко

свежо цеден сок од портокал

неколку капки сок од лимон

обесмастен јогурт

Овој појадок богат со витамини, на телото му обезбедува есенцијални хранливи материи, вклучувајќи витамини А, Б, Ц и К, како и минерали како што се калиум, железо и магнезиум. Благодарение на овој утрински ритуал, Меланија успева да ја зачува виталноста и енергијата во текот на денот.

Иако се грижи за исхраната, Меланија не практикува строги диети. Кога сака нешто слатко, избира темна чоколада со висок процент на какао, кое е богато со антиоксиданси и здрави масти.

– Мислам дека е важно да го слушаме своето тело и повремено да се почестиме со омилениот десерт, сè додека рамнотежата е клучот на сè – истакнува таа.

Покрај здравата исхрана, нејзиниот младешки изглед е резултат на мирниот начин на живот, како и внимателно одбраните козметички третмани. Без разлика дали е на политички настан или на гламурозен прием, Меланија секогаш предизвикува воодушевување со својот изглед, како поради беспрекорната фигура, така и поради беспрекорниот моден вкус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер