Директорот на „Нвидија“: Вештачката интелигенција мора да научи општествени норми и закони

„Областа на вештачката интелигенција брзо се шири и ќе создаде моќни алатки кои бараат законска регулатива и општествени норми“, предупреди извршниот директор на американскиот технолошки гигант Nvidia, Јенсен Хуанг.

Хуанг е меѓу важните играчи во областа на вештачката интелигенција бидејќи чиповите на Nvidia се користат во најсовремените уреди, како што е суперкомпјутерот што Мајкрософт го изгради за старт-апот OpenAI.

На состанокот во Стокхолм вчера, официјалните лица објавија дека го надградуваат најбрзиот суперкомпјутер во Шведска со алатки Nvidia за, меѓу другото, да развијат „голем јазичен модел“ кој течно ќе зборува шведски.

„Запомнете, ако добро размислите, ќе сфатите дека сè што ви било корисно во животот, ви отворало нови можности или било одлично за општеството, веројатно може да биде и штетно“, предупреди шефот на американската компанија.

Политичарите како Тед Лиу, претставник на демократите од Калифорнија во Претставничкиот дом на САД, веруваат дека САД треба да основаат федерална агенција за регулирање на вештачката интелигенција.

Во авторски текст објавен во понеделникот во Њујорк Тајмс, Лиу предупреди дека системите како софтверот за препознавање лице што го користи полицијата може погрешно да ги идентификува невините луѓе од малцинските групи.

Стандардите за безбедна вештачка интелигенција треба да ги утврдат инженерските комори, по моделот во медицината, смета шефот на Nvidia. Тој, сепак, нагласува дека законите и општествените норми ќе играат клучна улога.

„Која ќе биде општествената норма за употреба на (вештачката интелигенција)? Кои законски норми треба да ги воспоставиме за нејзина употреба?“ Хуанг ги сумираше важните отворени прашања.

Се уште ништо не е дефинитивно утврдено, нагласи тој.

Имало план да се „украде“ Навални од затворот, се знае и зошто пропаднал

Руската ќелија против Путин соопшти дека планирале да го ослободат опозицискиот активист Алексеј Навални од затворскиот логор.

Ова го соопшти „Рускиот волонтерски корпус“ (РДК), ултранационалистичка група на отпор чии членови се борат и против руските војници во Украина. Како што е наведено, борците од РДК, заедно со „приврзаниците од редовите на органите на прогонот“, развиле план за насилно ослободување на Навални, пренесува Билд.

Планот бил борците да го нападнат конвојот кој го превезувал Навални до колонијата ИК-3, позната како Поларен волк, која е оддалечена околу 1.900 километри од Москва.

„Планот беше нашите групи да го извлечат Алексеј Навални од конвојот додека тој се движеше кон колонијата во областа Јамал-Ненец, а потоа веднаш да го префрлиме во граничната област. Требаше да одиме во Украина за да се сретнеме со разузнавачката група на РДК со цел да ја премине границата и да добие азил“, се наведува во соопштението.

Сепак, тие не успеале да го спроведат својот план. Според извештаите, безбедносните мерки на руската тајна служба и затворското обезбедување биле организирани за да се спречи ваквото сценарио и биле многу ефикасни во тој поглед.

Како што е наведено, неколку пати се менувале денот и времето на префрлање во колонијата.

„Кога Навални на крајот беше префрлен во колонијата на Поларните волци, нашата група немаше време да стигне до таа област и да ја спроведе операцијата според планираното“, велат тие.

Во моментот на смртта на Навални, РДК наводно го преиспитувале и го прилагодувале планот на новите околности.

Групата објави и неколку снимки од екранот на кои наводно се гледа Алексеј Навални во казнената колонија каде што бил држен пред да биде префрлен во кампот на Поларните волци.

Едната фотографија го прикажува Навални во затворската шивалница, а на другата е во канцеларијата на затворскиот управник. РДК објави и план за локацијата на казнената колонија како и податоци за вработените во затворот.

За жал, Навални не бил извлечен од злогласната колонија. Тој почина на 16 февруари во колонијата кога, според руските власти, му се слошило по прошетка.

Семејството на Навални и бројни западни функционери директно го обвинија рускиот претседател Владимир Путин за смртта на Навални. Кремљ ги нарече овие наводи апсурдни.

„За жал, не успеавме да го спасиме Алексеј. Но, стотици политички затвореници остануваат во заробеништво. Веруваме и работиме да ги извадиме од канџите на режимот, вака или онака“, се вели во соопштението на РДК.

Борците од екстремно десничарската РДК се приклучиле на украинската армија за да се борат против Русија. Минатата година борците неколку пати влегувале во Русија и воделе битки со руските сили. Ништо не се знае за врските меѓу РДК и организацијата на Навални.

Николовски изврши увид во градежните активности за изградба на браната Речани

Нема стабилно и одржливо земјоделство без редовно наводнување на земјоделските површини. 

Токму затоа изградбата на нови и реконструкцијата на постојните системи за наводнување е приоритет, на кој како министерство посветено работиме сите овие години.

Министерот за земјоделство, шумарство и водостопанство, Љупчо Николовски денеска при работните активности во Кочани изврши увид во градежните активности за изградба на браната Речани.

„Градиме модерни системи за наводнување, обезбедувајќи сигурно земјоделство. Браната Речани е еден од најзначајните капитални проекти што се гради во Кочанското Поле. Проект важен за земјдоелците, за граѓаните од овој регион“ истакна министерот Николовски.

На терен министерот Николовски имаше можност да присуствува на леењето бетон за влезната потална линија од тунелот. Браната Речани се гради на Оризарска Река и предвидува годишна акумулација од 22 милиони м3 вода, која ќе ги задоволи повеќе од една третина од земјоделските површини во овој регион, или наводнување за над 1.500 хектари земјоделско земјиште.

Овој капитален проект е започнат со градба во 2019 година, во вредност од 1,9 милијарди денари. Браната Речани претставува камено-насипна брана со височина од 80 метри, широка 10 метри и во основата долга близу 280 метри.

Покрај стабилно наводнување на земјоделските површини, изградбата на овој хидро систем обезбедува и квалитетно водоснабдување и чиста вода за пиење на граѓаните во регионот на Кочани, Виница, Чешиново-Облешево и Зрновци.

Вложуваме во проекти од интерес на земјоделците и граѓаните, развивајќи го македонското земјоделство. Обезбедуваме можност повеќе за сите земјоделци, соопштуваат од МЗШВ.

Петрушевски и Лефков: Пратениците на СДС и ДУИ нека се откажат од дипломатските пасоши

Ако пратениците на СДС и ДУИ не гласаат за продолжување на важноста за пасошите, нека се откажат од дипломатските пасоши со исто име, за и тие да бидат исти како сите други граѓани, порачаа пратениците на ВМРО - ДПМНЕ, Петрушевски и Лефков. 

Лефков: Се упатуваме на граничниот премин Делчево да провериме дали навистина сме затворени како во конзерва, дали ќе ни дозволат да ја поминеме државната граница и дали ќе можеме да го оствариме нашето уставно загарантирано право за непречено движење и слободно излегување и враќање на територијата на Република Македонија.

На 50-тина метри од нас е границата. Ќе се обиде колегата Бране со обичниот пасош да ја помине границата, а пота има и дипломатски пасош.

Петрушевски: И двата се со Република Македонија.

Без него не можеме да излеземе.

Македонска граница: Не, не, не знам пробајте вие, ние ќе ве пуштиме сега. Тоа се работи за обични пасоши...

Петрушевски: Без него не можеме да излеземе?

Македонска граница: Да да за сите важи тоа за дипломатските немаме посебен акт. Сепак се работи за дипломатски пасоши.

Петрушевски: Со обичниот пасош којшто се уште не ми е сменет и е со Република Македонија не ми беше дозволено да ја напуштиме територијата на Република Македонија, но зачудувачки и изненадувачки за нас беше тоа што кога го приложивме дипломатскиот пасош истите службеници овдека ни рекоа дека немаат никаква инструкција за дипломатските пасоши и дека може да ја напуштиме Република Македонија со дипломатски пасош на кој што стои Република Македонија.

Лефков: Имаме порака до нашите колеги во Собрание веднаш да биде ставен на гласање и да се усвои предлог Законот за измена и дополнување на Законот за патни исправи со кој што ќе се продолжи важењето на пасошите. Имаме 44 гласа во Собрание во секој момент „за“ за овој предлог и ни недостасуваат уште 15. Колеги пратеници од власта, свестете се.

Петрушевски: Доколку колегите од власта, од СДСМ и ДУИ, не сакаат да гласаат за законот со кој што ќе се продолжи важноста на пасошите за сите граѓани во Република Македонија, тогаш би било етички и морално исправно од нивна страна да се откажат од дипломатските пасоши, за да и тие сочувствуваат со граѓаните на Република Македонија кои што се затворени на територија на Република Македонија како во конзерва.

Лефков: Поздрав од Делчево.

Петрушевски: Поздрав.

притисни ентер