Директорот на Фајзер: Бранот со омикрон е последниот во кој ќе имаме вакви ограничувања

Извршниот директор на Фајзер, Алберт Бурла, даде интересно интервју за француската телевизија „BFM“, во кое истакна дека сегашниот бран на варијантата омикрон ќе биде последниот во кој ќе мора да живееме под ограничувања.

Во вчерашното интервју, Бурла вели дека се надева дека сегашниот бран на омикрони ќе биде последен, но веднаш додаде дека најверојатното сценарио е она во кое вирусот ќе циркулира меѓу светската популација во наредните години.

„Можеме да се вратиме во нормален живот ако се држиме до некои работи“

„Најверојатното сценарио, иако не можам да гарантирам дека ќе биде, е она во кое вирусот ќе биде меѓу нас уште многу, многу години. Тоа е вирус кој се шири низ светот, па затоа е многу тешко да се елиминира целосно. Против тој вирус, ниту природниот имунитет ниту имунитетот на вакцината не обезбедуваат особено долготрајна заштита, што значи дека некој што е заразен може повторно да се зарази следната година, си истата или некоја друга варијанта“, вели Бурла.

„Тоа е исто така вирус кој создава многу варијанти. Но, она што е важно за светот не е дека вирусот ќе продолжи да циркулира низ светот во годините што доаѓаат, исто како што прават стотици други вируси, туку дека можеме да се вратиме во нормален живот под услов да се држиме до некои работи “, додава тој.

„За неколку месеци ќе ја имаме вакцината против омикрон“

Тој оптимистички додава, повикувајќи се на ефикасноста на вакцините и лековите за Ковид, дека верува дека бранот со омикрон е „последен со толку рестрикции“.

Бурла вели дека вакцината протоив омикрон ќе биде готова во март и дека компанијата веќе работи на производство на дози од вакцината.

„Ќе имаме ефикасна вакцина во рок од три месеци по откривањето на омикрон, што е многу краток период“, додаде извршниот директор на Фајзер.

Тој повтори дека, што се однесува до општата популација, не може да препорача четврта доза од вакцината бидејќи сè уште нема доволно докази за ефективноста на четвртата доза.

Наместо тоа, вели тој, бустерот, или третата доза, треба да се промовира како многу важен за целосна заштита од потешките последици од инфекцијата со коронавирус.

Повеќе скопски населби утре без струја

Без струја утре од 8:30 до 12:30 часот ќе бидат дел од корисниците од улицата „Божидар Аџија", од Државниот студентски дом „Пелагонија" до улицата „Димо Хаџи Димов" во општина Кисела Вода.

Во периодот од 8.30 до 15:00 часот струја ќе немаат дел од корисниците од село Зелениково, а од 8:40 до 14:30 часот корисниците од улиците „13 Август-Охридски Договор", „1633" и „Роман Каскалиев" во општина Гази Баба.

Без струја утре од 9:00 до 11:00 часот ќе бидат дел од корисниците лоцирани на булевар „Партизански одреди" во општина Карпош, од 9:00 до 13.00 часот дел од корисниците од улицата „Мариовска" во општина Кисела Вода, а од 11:00 до 14:00 часот без струја ќе бидат дел од корисниците од улицата „Ванчо Мицков" во општина Карпош.

Како што соопшти РЦУК-Скопје, прекините се поради технички зафати во електродистрибутивниот систем.

СБ одобри 30 милијарди долари за обезбедување на храна

Светска банка (СБ) соопшти дека ќе стави на располагање 30 милијарди долари за да помогне во снабдувањето со храна, што е отежнато поради руската инвазија врз Украина.

Предвидено е 12 милијарди долари да бидат наменети за нови проекти и повеќе од 18 милијарди долари од постоечките проекти за храна и исхрана кои се одобрени, но сè уште не се исплатени.

– Порастот на цените на храната има катастрофални ефекти врз најсиромашните и најранливите. За информирање и стабилизација на пазарот, клучно е сега земјите да даваат јасни изјави за идното зголемено производство како одговор на руската инвазија врз Украина, изјави претседателот на Групацијата Светска банка, Дејвид Малпас.

СБ најави и дека очекува нови проекти за поддршка на земјоделството и наводнувањето, како и за социјалната заштита, со цел да се ублажат ефектите од повисоките цени на храната врз сиромашните. Повеќето ресурси одат во Африка и Блискиот Исток, Источна Европа и Централна Азија и Јужна Азија.

Тие области се меѓу најтешко погодените од војната во Украина. Земјите како Египет се во голема мера зависни од украинската и руската пченица и се борат за снабдување затоа што Русија го блокираше извозот на украинските земјоделски производи од пристаништата на Црното Море и воведе ограничувања за домашниот извоз.

ВМРО-ДПМНЕ: Дали Џафери во Берлин ќе му каже на германскиот колега дека ги пцуе вработените?

Дали Џафери во Берлин ќе му каже на својот германски колега дека ги пцуе, вреѓа и врши мобинг на вработените во собранието?

Нели му е непријатно на Талат Џафери и Димитар Ковачевски кога одат во земјите од ЕУ и нашите стратешки сојузници, каде моралните вредности се на највисоко ниво, и дали не се срамат дека тие дознале за нивниот примитивизам?

Како се чувствува Џафери кога зборува за човекови права, демократија и етички кодекс, а тој самиот е причина за трауми на десетици вработени во собранието?

Џафери ја срами Македонија, и позицијата која ја држи.

Талат Џафери по доаѓањето од Берлин треба да си поднесе оставка, а доколку тоа не го стори истото од него да го побара Димитар Ковачевски. Доколку и Ковачевски продолжи да релативизира, тој треба да знае дека народот го гледа и него како одобрувач на односот на Џафери, но и отворено ќе се сомнева јавноста дека односот на Џафери, е и однос на Ковачевски со неговите вработени.

Примитивизмот на оваа власт е исто така една од причините зошто ни се потребни предвремени парламентарни избори час поскоро.

Со почит,

Центар за комуникации на ВМРО-ДПМНЕ

притисни ентер