Динев и Нејков од Бугарија победници на меѓународното „Мacedonian trophy“ - Канал 5

Други спортови

Динев и Нејков од Бугарија победници на меѓународното „Мacedonian trophy“

Љубен Динев и Димитар Нејков од Бугаријата се победници на годинашниов втор по ред меѓународен натпревар со џипови, насловен „Мacedonian trophy“ што се одржа викендов на полигонот за екстремни спортови кај Старо Лагово и во околината на Прилеп.

Динев и Нејков од Бугарија победници на меѓународното „Мacedonian trophy“
Тие се победници во најтешката и најекстремна „трофи“ категорија и го повторија резултатот од минатогодишното, прво трофи натпреварување, единствено од ваков вид во Македонија во организација на клубот „Офф роуд Прилеп“.

Второро и тертото место го освоија Пламен Исајев и Кирил Киров го односно Јордан Стајков и Стефан Иванов, исто така од Бугарија. Во категоријата „адвенчр“ годинашни победници се Ивица Јакимоски и Јован Мрда од Македонија.

Возачот и победник на годинашново „Мacedonian trophy“ Љубен Динев рече дека е задоволен од одличните резултати, но и од организацијата и високото ниво на натпреварувањето.

- Со најголемо задовоство учествуваме на македонското трофи. Веќе нивото на организација е многу високо, а и стандардите се меѓународни. Сето ова го доближува натпреварот до балканско трофи и се ќе направиме да влезе и да се бодува во меѓународните натпреварувања, рече Динев.


Панчо Чупаркоски, претседател на клубот „Офф роуд Прилеп“, организатор на македонското трофи натпреварување со џипови вели дека е задоволен како поминаа двата натпреварувачки дена.

- Годинашново македонско трофи натпреварување помина со многу поголем број учесници, но и бројна љубопитна публика. Имавме во двата дена околу 200 натпреварувачи од Бугарија, Грција, Србија и Македонија. Вчера се возеа 30 километри од полигонот во Старо Лагово преку селото Селце и месноста Шаторов Камен. Денеска натпреварувачите во трите категории (трофи, адвенчр и туристичката) возеа по поставената траса на полигонот од околу 4 километри. Задоволство беше што имаше голем број заинтересирани да ги следат натпреварите, многу подобра организација со високи стандарди во споредба со лани. Правилата и условите за натпреварување беа според европските стандарди. Желба и план е ова да прерасне во традиција и ова трофи да се бодува во некој од меѓународните купови, изјави Чупаркоски.

Ова меѓународно натпреварување го посетија и министрите за внатрешни работи Оливер Спасовски и за транспорт и врски Горан Сугарески.

Македонското трофи меѓународно натпреварување ја има подршката од Агенцијата за промоција и поддршка на туризмот во Македонија и според претставникот Живка Цветкоска Андоновска, авантуристичкиот туризам привлекува голем број посетители и е сега светски тренд што е одлично за Македонија зашто, според истражувањата 74 отсто од туристичкиот приход е за локалните заедници./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Карим Бензема се сели во Бундеслигата?

Според германски извори,  некогашниот капитен на Реал Мадрид, Французинот Карим Бензема би можел да ја продолжи кариерата во Бундеслигата, поточно во Баер Леверкузен.

Карим Бензема се сели во Бундеслигата?

Еден од најскапо платените светски фудбалери, Карим Бензема моментално е без клуб, а според германскиот „Билд“, францускиот напаѓач би можел да ја продолжи кариерата во Бајер Леверкузен.

Наводно, Бензема веќе разговарал со поранешниот соиграч Лукас Васкез, како и со Муса Дијаби, со кого играше во Ал Итихад, за да се распраша за состојбата во клубот.

Дополнително внимание привлече и фактот што Бензема неодамна почна да го следи Бајер на Инстаграм.

Сепак, кога „Билд“ стапи во контакт со спортскиот директор на Леверкузен, Симон Ролфес, доби прилично воздржан одговор, па засега нема потврда дека искусниот Французин навистина ќе го носи дресот на германскиот клуб.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сирија гори: Масовни протести (ВИДЕО)

Наглиот пораст на цените на горивото за време на викендот предизвика протести низ цела Сирија – тоа се најголемите демонстрации во земјата по соборувањето на Башар ал-Асад пред речиси две години.

Сирија гори: Масовни протести (ВИДЕО)

Демонстрантите палеа гуми и блокираа главни патишта – вклучително и автопатот што го поврзува главниот град Дамаск со индустрискиот центар Алепо – откако сириската влада во саботата ја зголеми цената на дизелот за 40 отсто. Новата цена изнесува 175 сириски фунти за литар, што е еквивалентно на 1,32 американски долари за литар.

Зголемувањето на цените дополнително го отежна товарот за Сиријците, кои со години се соочуваат со економска криза. Програмата на Обединетите нации за развој проценува дека 90 отсто од Сиријците живеат под прагот на сиромаштија, во споредба со околу една третина од населението пред почетокот на сириската граѓанска војна во 2011 година.

Како дел од најголемото во низата поскапувања воведени од почетокот на војната, владата исто така ги зголеми цените на гасот за домаќинствата и индустријата за 9 отсто, на бензинот со 95 октани за 28 отсто и на бензинот со 90 октани за 26 отсто.

Демонстрантите исто така блокираа конвои со цистерни за нафта кои се упатуваа кон рафинериите во централна Сирија, при што некои од нив бараа смена на министрите за енергетика и економија, како и на шефот на Сириската нафтена компанија.

Портпаролот на Министерството за енергетика, Абдулхамид Салат, во неделата изјави дека зголемувањето на цените е привремена мерка наметната од повисоките глобални трошоци за набавка и големата зависност на Сирија од увоз, додавајќи дека цените може да се зголемат или намалат во зависност од променливите околности. Сирија во голема мера се потпира на руска нафта, увезувајќи околу 60.000 барели дневно оваа година, иако Дамаск му соопшти на Вашингтон дека е подготвен значително да го намали тој увоз.

Тоа снабдување е под зголемен притисок поради украинските напади врз руските рафинерии, кои го намалија производството и ја поттикнаа Москва да го ограничи извозот на бензин и дизел.

Цените ги одразуваат не само трошоците за сурова нафта, туку и недостигот на рафинирани производи и повисоките трошоци за преработка, транспорт и снабдување, рече Салат во изјавата.

Недостигот дополнително се влоши поради тримесечното затворање на рафинеријата Банијас – најголемата во Сирија – заради нејзиниот прв сеопфатен ремонт. По најновото поскапување, цената на бензинот со 95 октани е зголемена за околу 86 отсто од февруари, додека цената на дизелот е повеќе од двојно зголемена. Референтната цена на суровата нафта од типот „Брент“ порасна за приближно 44 отсто, зголемувајќи се од 72,48 на 104,61 долар за барел.

Извор: Б92

Тагови: протести Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џастин и Хејли Бибер играјќи билијард ја прославија годишнината од бракот

-Џастин и Хејли Бибер никогаш не биле повљубени.

Џастин и Хејли Бибер играјќи билијард ја прославија годишнината од бракот

Светскиот џет сет пар Џастин и Хејли Бибер ја прославија својата осма годишнина од бракот.

Музичарот сподели фотографии од опуштена дружба со билијард и емотивна порака до својата сопруга.

Џастин и Хејли Бибер ја прославија својата осма годишнина од брак, а музичарот сподели неколку фотографии на кои парот ужива во заедничкото време – играјќи билијард и натпреварувајќи се пријателски.

Џастин на Инстаграм објави фотографии на кои тој и Хејли уживаат во опуштената атмосфера на еден бар, наизменично играјќи билијард.

Покрај фотографиите, тој напиша: „Од осум години до бесконечност ❤️ НОВИ ПОГЛАВЈА ♾️ Те сакам, љубов моја. Среќна годишнина“.

На една од фотографиите, Џастин го мести стапот и се подготвува за потег, додека Хејли стои до него со својот стап.

На други фотографии, парот се смее и ужива во заедничкото време. Хејли се пошегува и на сметка на своите вештини во билијардот.

„Осум години како сум ужасна во билијард“, напиша таа во коментарот, придружен со емотикони. Осум години од венчавката во Њујорк Годишнината доаѓа осум години откако Џастин и Хејли стапија во брак во септември 2018 година во Њујорк.

Тагови: Џастин Бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер