Македонија

Димовски: Државната лотарија купила апарати за коцкање за 14 милиони евра

Државната компанија за само 20 месеци распишала два тендери и склучила договори за набавка на коцкарски апарти во вредност од 14.000.000 евра.

Првата набавка е направена на 16.04.2018 година и е во висина од 7.422.200 евра.

Втората набавка е направена пред нецел месец, на 02.01.2020 година и е во вредност од 6.548.500 евра.

Вкуната вредност е, како што кажав 14.000.000 евра.

Коцкањето стана главна занимација на оваа Влада.

Откако Владата и СДСМ ги искоцкаа државните и национални интереси, сега се удрија на набавка на машини за коцкање бидејќи очигледно за други работи не се ни способни.

Дражавната видеолотарија, која е фирма со доминантен државен капитал со пари на граѓаните на оваа земја на неполни две години потрошила 14 милиони евра за набавка на машини за коцкање.

Оваа компанија ја раководат партиски кадри на СДСМ и НСДП. Некој за ова трошење на пари за набавка на коцкарски апарати донел политичка одлука.

Двата тендери ги добива една иста компанија, што дополнително фрла сенка и сомнеж за начинот и целта на трошење на овие пари за коцкарски апарати.

Ние немаме дилема дали треба да постои ваква компанија, но сме против трошење на толку големи средства, без обзир кон реалните приоритети на граѓаните.

Додека за заштита од аерозагадувањето не убедуваат дека државата нема доволно ресурси и средства за да се справи, 14 милиони евра се даваат за коцкање.

Државата, која што е должна да помога на своите социјално загрозени граѓани, таа набавува коцкарски машини за 14 милиони евра, па треба да се молиме на хуманоста на овој народ кој што несебично се мобилизира кога се појавуваат семејстава кои што живеат во нечовечки услови и се борат за живот.

За споредба. Сакам да потсетам дека пред почетокот на новата година се донесе Буџетот за 2020 година, а доколку оваа Влада работеше домаќински и на рационален начин ги користеше парите на граѓаните и доколку овие 14 милиони евра не беа потрошени за коцкарски машини немаше да има кратење на пари во многу суштински делови и сфери во Буџетот.

Доколку не се набавеа коцкарски машини ќе имаше повеќе пари за основното образование од кое се скрати, ќе имаше повеќе пари за високото образование на кое му беа скратени 4 милиони евра, ќе имаше пари за реновирање на сите студентски домови, ќе имаше повеќе пари за ученички и студенстки стандарт од кои се скрати, а не да им бидат двојно намалени средствата, а ќе имаше и повеќе пари за науката која што исто така доби помалку пари за 2020 година.

Сега се гледа кои се приоритетите на СДСМ. Според нивното однесување развојот на образованието, науката, културата, капиталните инвестиции не се од приоритетно значење додека 14 милиони евра за коцкарски машини се стратешка инвестиција.

Набавката на коцкарски машини за 14.000.000 евра е најголемата инвестиција на СДСМ.

Тое а пораката што ја испраќа оваа Влада на чело со СДСМ до граѓаните. Не трошете време на образование, дишете загаден воздух и одете да се коцкате.

Илија Димовски, пратеник од ВМРО-ДПМНЕ

Кошарка

Мајк Џејмс се расплака како мало дете по историскиот пораз (ВИДЕО)

Екипата на Монако претрпе пораз во петтиот натпревар пред своите гледачи по продолженијата против Фенербахче, а Мајк Џејмс не можеше да ги задржи солзите по мечот.

Војводите беа поразени со резултат 80:79, па по последниот судиски свиреж, првата ѕвезда на Монако беше видена како плаче додека го напушта теренот.

Несомнено е дека поразот тешко му падна како играч од кого се очекува најмногу.

Овој натпревар донесе нова страница во историјата, бидејќи ова е прва победа на гостинската екипа во петтиот натпревар од плејофот во Евролигата. Досега резултатот беше 0-19, но сега историјата се промени.

Македонија

Битиќи: Одлучив да поднесам оставка од функцијата потпретседател на партијата

Потпретседателот на СДСМ Фатмир Битиќи поднесе оставка од таа позиција.

Почитувани граѓани и граѓанки

Стојам пред вас со благодарност, но и со чувство кое ги надминува резултатите од парламентарните избори. Вашиот глас за листата на пратеници на СДСМ и Коалицијата за европска иднина, на која бев ко-носител во втората изборна единица, не е само бројка – тоа е израз на доверба и верување во нас, за што го изразувам своето големо почитување.

Гласовите кои ги добивме претставуваат и огромна обврска. Обврска да продолжиме со нашата политичка мисија, обврска да го засилиме дијалогот и да ги слушаме потребите на нашите сограѓани. Но, дел од исполнувањето на оваа обврска бара и политичка одговорност, бара промена.

Како потпретседател на Социјалдемократскиот сојуз на Македонија, обврзан на етички и демократски вредности, одлучив да поднесам оставка од функцијата потпретседател на партијата. Мојата оставка комплетно ќе се ефектуира кога останатите мои другари и другарки кои го сочинуваат партиското раководство ќе го направат истото – од првиот до последниот.

Во целата моја политичка кариера барам лична одговорност од сите чинители – и овој акт е токму тоа. А оставката на раководството е неопходен чекор кон враќање на довербата на граѓаните и трасирање на патот кон иден политички успех.

Упатувам апел дека оставката не претставува политички акт на пораз на социјалдемократската идеја, туку порака и предизвик за подобрување и преиспитување на СДСМ.

Прифаќањето на политичка одговорност нема да биде знак на слабост, туку израз на лична и партиска демократска зрелост, како и подготвеност да се промениме и да растеме – и ставаме приоритет на колективниот интерес пред личните амбиции.

Да се вратиме повторно меѓу граѓаните, да го слушнеме нивниот пулс и да ги разбереме нивните потреби и да се вратиме на нашите социјалдемократски вредности. Само на овој начин може да дојдеме до нови идеи, пристапи и енергија кои може да ја зајакнат визијата и стратегијата на СДСМ па да се вратиме со крената глава во политичката арена за да ја добиеме битката за европска Македонија – ветување кое го дадовме на граѓаните и кое им должиме да го исполниме.

И за крај: нека е ова новиот почеток кој ќе ги обедини сите искрени другари и другарки во идејата за социјалдемократија, во идејата за соживот, во идејата за Едно општество за сите каде владее правичноста, солидарноста и еднаквоста.

За силен и единствен СДСМ.

Извор: Фактор

Свет

Бајден ќе воведе построги правила за добивање азил на границата со Мексико

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре.

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре, со цел намалување на илегалните преминувања, изјавија три извори запознаени со ова прашање.

Регулативата ќе бара мигрантите да бидат проценети во почетна фаза од проверката за азил за да се види дали треба да им биде одбиен азил и брзо да бидат депортирани, велат анонимните извори. Мерката се чини дека е ограничена по обем, додаваат тие.

Мигрантите ќе бидат проценети за забрана за барање азил врз основа на криминал и безбедносни закани, изјавија два извори. Белата куќа не одговорила веднаш на барањето за коментар.

Американскиот претседател Бајден, демократ кој бара уште еден мандат, се соочи со рекорден број мигранти фатени додека ја минуваат границата меѓу САД и Мексико откако ја презеде функцијата во 2021 година.

Поранешниот претседател Доналд Трамп, републиканскиот противник на Бајден, го критикуваше актуелниот претседател за повлекување на порестриктивните политики што тој ги воведе за време на неговиот мандат.

притисни ентер