Димитровски: Со ВМРО-ДПМНЕ, Скопје ќе биде град на културата и центар на наука и технолошки развој - Канал 5

Македонија

Димитровски: Со ВМРО-ДПМНЕ, Скопје ќе биде град на културата и центар на наука и технолошки развој

Ја делам истата родителска грижа со вас, ги живеам истите секојдневни предизвици. 

Димитровски: Со ВМРО-ДПМНЕ, Скопје ќе биде град на културата и центар на наука и технолошки развој

Од утринската гужва до училиште, до попладневната потрага по паркинг. Јас сум ваш сограѓанин, еден од вас и затоа стојам овде денес, подготвен да бидам вашиот глас во Советот на Град Скопје, рече во своето обраќање Даме Димитровски, носител на листа за советници на ВМРО-ДПМНЕ за Советот на Град Скопје на денешниот народен митинг во општина Аеродром.

Во рамки на изборната кампањата со слоган „Вистинскиот избор! Со твојот човек! За твоето место! За твојата иднина!“ за изборите во недела на 19 октомври, Димитровски порача додека градоначалникот Дејан Митески, неуморно работи и создава нова вредност во живеењето во Аеродром, каде што општината има забрзан ритам.

„Сите го сакаме живиот дух на Аеродром. Ја сакаме смеата од детските игралишта, музиката од летните тераси, но на сите ни е потребен и мир. Правото на спокој во сопствениот дом. Тоа е прашање на меѓусебна почит, почит кон соседот, кон семејството до нас и Градот треба да помогне да го негуваме тој спокој. Со решенија за бучавата од сообраќајот, со дијалог за баланс меѓу забавата и спокојот. Затоа што квалитетен живот значи и мирен, спокоен живот“, рече Димитровски.

Во својот говор, Димитровски ја претстави изборната програма и порача дека ВМРО-ДПМНЕ има јасен план со девет темели за модерно Скопје.

„Намалување на загадувањето на воздухот, систем за современо управување со отпад, брз и доверлив систем за јавен транспорт, јавни простори за скопјани, велосипедизам и алтернативен превоз до секое ќоше во градот, безбеден сообраќај за нашите деца. Скопје град на културата, Скопје центар на наука и технолошки развој и најважно, отворен Совет и одговорно управување со ресурсите на градот“, порача Димитровски.

Посочи дека бара поддршка за партнерство со Градот Скопје и дека неговата задача во Советот ќе биде јасна, да биде конструктивниот и силен глас на граѓаните, глас што ќе се бори за секоја улица, за секој парк и за секое дете.

„Затоа, да избереме тим што создава иднина. За Аеродром кој е гордост на градот. За Скопје какво што го сакаме, да го направиме вистинскиот избор“, рече Димитровски повикувајќи во недела да се излезе масовно и со заокружување на број 9 да се гласа за кандидатите за градоначалници на ВМРО-ДПМНЕ и советничките листи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пијанист од крузер спасен по девет часа во Тихиот Океан

Пијанист од крузер е спасен откако поминал девет часа во Тихиот Океан, на околу 32 километри од брегот на Калифорнија. 

Пијанист од крузер спасен по девет часа во Тихиот Океан

Мажот, вработен во компанијата „Ројал Карибиан“ (Royal Caribbean), паднал од бродот и пливал сè додека во петокот не го забележале двајца рибари.

Неговиот идентитет сè уште не е објавен, пренесува Би-Би-Си (BBC). Рибарите Грант Герет и Шон Нортон го забележале мажот во близина на островот Каталина. „Си помислив: ’Тоа е човек. Гасете го бродот, повлечете ги сите јажиња‘“, раскажа Герет.

Мажот им кажал дека работи како пијанист на „Овејшн оф д сиз“ (Ovation of the Seas) – крузер со 14 палуби. „Единственото нешто што ни го кажа беше: ’Ви благодарам. Мислев дека ќе умрам‘“, додаде Нортон.

Според американската крајбрежна стража, спасениот пијанист е пренесен во болница и се наоѓа во стабилна состојба.

Крајбрежната стража за Би-Би-Си (BBC) потврди дека ги истражува околностите на инцидентот.

Службите за спасување сметаат дека мажот паднал во морето околу 02:30 часот по полноќ – речиси девет часа пред да биде пронајден.

Адам Јасенда, капетан на спасувачката служба во Њупорт Бич, изјави за Си-Би-Ес (CBS) дека мажот се наоѓал на 25 до 30 километри од брегот – практично среде океанот.

Шон Нортон смета дека пијанистот преживеал исклучиво поради невообичаено топлата вода.

„Ова е година на екстремен ’супер Ел Нињо‘. Човекот веројатно поминал десет часа во водата, а температурата на морето изнесувала 24 степени “, објасни тој.

„Во која било друга година, тој не би имал никакви шанси за преживување.“ Научниците кои го следат Тихиот Океан потврдија дека тековниот климатски феномен „Ел Нињо“ е најсилниот некогаш забележан. Температурите на океанот се за околу три степени Целзиусови над просекот. Компанијата „Ројал Карибијан Груп“ (Royal Caribbean Group) даде коментар за случајот. „Му ја пружаме сета потребна поддршка и помош на нашиот член на екипажот. За да ја заштитиме неговата приватност, не можеме да откриеме дополнителни детали“, изјави портпарол за Би-Би-Си.

Тагови: крузер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Златото и среброто бележат раст на светските берзи

Цените на благородните метали бележат позитивно движење на светските берзи, при што и златото и среброто ја започнаа трговската сесија со раст.

Златото и среброто бележат раст на светските берзи

Фјучерсите на златото со рок на испорака во декември 2026 година достигнаа цена од 4.100,26 долари за унца, што претставува зголемување од 25,36 долари, односно 0,62 проценти. Во текот на тргувањето цената се движеше во распон од 4.062,55 до 4.143,17 долари.

Позитивен тренд бележи и среброто. Фјучерсите за декември се тргуваа по цена од 52,258 долари за унца, со раст од 0,316 долари, или 0,61 процент. Највисоката забележана цена изнесуваше 53,453 долари, додека најниската беше 51,415 долари.

Движењата покажуваат истовремен раст на двата благородни метала, кои традиционално се следат како важни инструменти на меѓународните финансиски пазари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судскиот процес против Ива Михаилова, обвинета за предизвикување сообраќајна несреќа со смртни последици

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Продолжува судскиот процес против Ива Михаилова, обвинета за предизвикување сообраќајна несреќа со смртни последици

Во Основниот суд во Кочани продолжува судскиот процес против Ива Михаилова, обвинета за предизвикување сообраќајна несреќа со смртни последици што се случи во октомври минатата година на експресниот пат Штип–Кочани.

По бегството во Бугарија, по предлог на обвинителство судот донесе решение да и се суди во отсуство и по неа е распишана потерница.

Во Кочани е Михајло Видимлиски, Михајло повели со деталите за денешното судење?

Во видеото погледнете го целиот извештај.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер