Македонија

Димитров: Со убедливото мнозинство „За" должност е да се оди напред

Шефот на македонската дипломатија Никола Димитров истакна денеска дека со убедливото мнозинство граѓани кои излегоа да гласаат на референдумот и дадоа поддршка за Договорот од Преспа, должност е да се оди напред со или без нови избори.

Тој денеска на својот Фејсбук профил објави статус насловен „Факти за референдумот“.

- Да имаше еден, ЕДЕН глас ПРОТИВ повеќе, ќе се поклоневме и ќе креневме раце. Но, со вака убедливо мнозинство „ЗА“, наша должност кон народот е да најдеме начин да зачекориме напред, без или со нови избори, вели шефот на дипломатијата.

Тој во статусот говори за конкретни бројки на референдумот, за реалноста на избирачкиот список, за карактерот на рефрендумот и за неговата вклученост во програмата на опозициската ВМРО-ДПМНЕ...

- Дали е факт дека на референдумот не гласаа повеќе од половината граѓани (903.169) од вкупно запишаните на избирачкиот список (1.806.336)? Да. Дали е факт дека избирачкиот список не е воопшто реален, ако се земат предвид податоците на Фондот за здравствено осигурување? Да. 416.382 се малолетни лица, без право на глас, од вкупно 1.872.466 осигуреници. Дали стотици илјади граѓани ни се иселени? Да. Дали е факт дека референдумот беше консултативен, односно незадолжителен? Да. Дали е факт дека без формална излезност, одлука на народот, одлуката се враќа на институциите? Да. Дали е факт дека со постигната излезност беа потребни само 441.585 гласови ЗА? Да. Дали е факт дека имавме 609.813 гласови ЗА? Да. Тоа значи дека не ни требаа повеќе гласови ЗА, туку повеќе гласови ПРОТИВ. Дали е логично да фалат гласови ПРОТИВ, за резултатот да биде ЗА? Не е, нагласува Димитров.

Тој прави паралела со парламентарните избори во 2016. и локалните во 2017.

- Дали е факт дека 609.813 граѓани се поголемо мнозинство од сите граѓани кои гласале на парламентарните избори во 2016 (1.191.854) и од сите кои гласале на локалните избори во 2017 (1.079.876)? Да, пишува министерот за надворешни работи.

Продолжува со појаснување на успешноста на референдумот во програмата на ВМРО-ДПМНЕ.

- Дали е факт дека во програмата на ДПМНЕ на страна 295 пишува дека референдумот ќе биде успешен доколку го поддржат мнозинство од граѓаните кои ќе ИЗЛЕЗАТ да гласаат, а не мнозинство од запишаните на избирачкиот список? Да. Еве цитат: “ВМРО-ДПМНЕ, како одговорна и народна партија, нема да дозволи кое било решение за спорот кој го наметна Грција, да биде прифатено од страна на политичари поединци, Влада или Собрание, без претходно за тоа да се изјаснат македонските граѓани на референдум, а при тоа мнозинството од граѓаните кои ќе излезат на референ - думот да се согласни со можното решение, пишува Димитров.

Министерот нагласува дека прашањето за референдумско консултирање на граѓаните за прашањето за името било воведено и од сегашната опозиција, која сега, како што напиша решила да „апстинира“.

- Дали е факт дека се плашеа од пораз и решија да не учествуваат (секоја чест на исклучоците) и да се кријат зад иселените, кои решиле да си ја бараат Европа надвор од Македонија? Да. Дали е факт дека ова мнозинство граѓани, кое би победило и на парламентарните во 2016 и на локалните во 2017 сака Македонија да оди напред? Да. Дали Собранието ќе најде сила да го слушне гласот на мнозинството? Гласот на народот? Ќе видиме деновиве, истакна шефот на дипломатијата.

- Да беше лесно, немаше да биде историски. Напред и нагоре! Ќе не’ биде!, дополни тој во својот ФБ статус.

Македонија

УЈП ја објави листата на должници, намален бројот на компании должници, зголемен кај физичките

Управата за јавни приходи ја објави листата на должници за долгови доспеани до 30 септември 2024 година, а неплатени до 31 декември 2024 година по основ на ДДВ, данок на добивка, персонален данок на доход...

Управата за јавни приходи ја објави листата на должници за долгови доспеани до 30 септември 2024 година, а неплатени до 31 декември 2024 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На листата на должници, која е јавно достапна на веб страницата на УЈП, има 1962 правни лица што е помалку за седум должници од претходната листа и 3915 физички лица односно повеќе за 69 од претходната листа.

Вкупно објавениот нето долг изнесува 11.509.677.366 денари, односно за 309.353.404 денари повеќе од претходната листа. Нето-долгот за даноци и придонеси изнесува 11.332.488.139 денари, поточно за 268.957.462 повеќе од претходната листа, додека долгот за царински давачки е 177.189.227 денари или за 40,395,942 повеќе од претходната листа.

Живот

Папата Франциск ги минимизира здравствените проблеми во новата книга: „Добро сум“

Папата Франциск, кој минатиот месец наполни 88 години и поради настинка побара од помошникот да прочита поголем говор, во новата книга вели дека се чувствува здрав и дека не планира да се повлече од функцијата.

„Добро сум“, пишува Папата во автобиографијата што во вторникот излезе во продажба во повеќе од 100 земји. „Реалноста е, едноставно, дека сум стар“, додава тој.

Папата, кој сега често користи инвалидска количка поради болки во колената и грбот, вели: „Со црквата управуваат главата и срцето, а не нозете“.

Франциск, по потекло од Аргентина и првиот папа од Латинска Америка, ја раководи црквата со 1,4 милијарди членови од 2013 година.

Во последните две години неколку пати имал грип. Тој исто така имаше операција во 2021 година за да се справи со болната состојба наречена дивертикулитис, и повторно во 2023 година за хернија.

„Секогаш кога папата ќе се разболи, секогаш изгледа како да дуваат ветрови на конклава“, вели Франциск во книгата, мислејќи на тајната средба на католичките кардинали кои еден ден ќе го изберат следниот понтиф.

„Реалноста е дека ниту на денот на операцијата не размислував да дадам оставка“, вели тој.

Новата книга, насловена „Надеж“, е втора од двете книги на Папата за две години, по мемоарите објавени во март 2024 година.

Мондадори, италијанскиот издавач на книгата, рече дека Франциск првично планирал новата книга да биде објавена по неговата смрт, но сепак одлучил да биде објавена за време на тековната католичка света година, која исто така се фокусира на темата на надежта.

Во книгата од 303 страници, Папата се осврнува на неговиот живот во Буенос Аирес, на неговата епископска кариера во Аргентина и на некои од одлуките што ги донел како поглавар на светската католичка црква.

Македонија

Архиепископот Охридски и Македонски г.г. Стефан ќе го положи Чесниот крст

Архиепископот Охридски и Македонски г.г. Стефан ќе го положи Чесниот крст во водите на Охридското Езеро за Водици.

Архиепископот на Македонската православна црква ОА, неговото блаженство господин господин Стефан ќе раководи со чинот на осветувањето на водите на Охридското Езеро за големиот христијански празник Богојавление.

Архиепископот Стефан ќе го положи Светиот крст во езерото кај Градското пристаниште во Охрид, пред традиционално голем број верници и оние што ќе влезат во студените езерски води.

Празникот Водици традиционално се одбележува на 19 јануари. Чествувањата на Богојавленските празници во Охрид ќе се одбележат со сите црковни обичаи, но ќе има и сенародна веселба во организација на локалната самоуправа.

За добро празнично расположение на Водици се задолжени Сузана Спасовска, Бојана Скендеровски, Миле Кузмановски и групата „Де-Ен-Ка“, со композиции од музичкиот проект „Македонијо во срце те носиме“, додека за утредента кога се празнува Денот на рибарите за забава се ангажирани членови од охридскиот музички еснаф.

притисни ентер