МакедонијаДимитријевиќ: За една година ВМРО-ДПМНЕ ја понижи, осиромаши и изолира МакедонијаГоворејќи за лошите политики на ВМРО-ДПМНЕ, Димитријевиќ нагласи дека за една година ВМРО-ДПМНЕ уништи сè што беше изградено и во секоја област во државата се случува распад.По една година од Владата на ВМРО-ДПМНЕ, ветената горда Македонија е само празен слоган во еден докажано лажен ПР-наратив на ВМРО-ДПМНЕ, гол, популистички памфлет зад кој се крие суровата реалност на нашата држава – Македонија е понижена, порача генералниот секретар на Социјалдемократскиот сојуз на Македонија, Александар Димитријевиќ, на денешната трибина во организација на СДСМ, под слоганот „Македонија понижена – една година влада на ВМРО-ДПМНЕ“. Димитријевиќ во своето обраќање посочи дека за една година колку што ВМРО-ДПМНЕ е на власт, работниците се понижени работници, граѓаните осиромашени, економијата задолжена, се случија еколошки катастрофи, институциите се партизирани институции, правдата е селективна, на улиците се случуваат секојдневни пресметки, има политички реваншизам, нарушен е соживотот, а државата е изолирана. ВМРО-ДПМНЕ, како што кажа Димитријевиќ, со лаги дојдоа на власт, со лаги владеат цела година. „Ветуваа дека работниците ќе бидат горди со европски плати. Но, за една година работниците не само што не се горди, туку нивниот труд е понижен како никогаш во историјата на нашата држава. Македонија е претпоследна во Европа по минимална плата. Со бедни 360 евра минимална плата, македонскиот работник е второ најсиромашен во Европа. Животниот стандард е на дното. Не употребија ниту еден механизам за ставање под контрола на цените кои вртоглаво растат на дневно ниво, а платите стагнираат“, рече Димитријевиќ. Тој потенцираше дека на ВМРО-ДПМНЕ им е поважен сопствениот комодитет и луксуз, па затоа и велат дека државата напредува, што е далеку од реалната катастрофална состојба во државата „Лесно им е од нивна перспектива да нè убедуваат дека државата оди напред и дека добро се живее, дека сме биле четврта економија во Европа. А реалноста е погубна – БДП кое расте само на хартија, сиромашни граѓани со долгови, закочени капитални инвестиции, скапи задолжувања со заеми кои ја туркаат државата во должничко ропство“, рече Димитријевиќ. Говорејќи за лошите политики на ВМРО-ДПМНЕ, Димитријевиќ нагласи дека за една година ВМРО-ДПМНЕ уништи сè што беше изградено и во секоја област во државата се случува распад. „Наместо ефикасна администрација – за една година, имаме гломазно партизирана администрација, со нови министерства за партиски вработувања. Во образованието, наместо револуција како што ветуваа, донесоа хаос. Наставниците демотивирани и понижени, децата збунети, реформите запрени. Во надворешната политика – евроинтеграцискиот процес е закочен. Свесно ја ризикуваат иднината на цели генерации. Сè е разорено, деградирано и претворено во политички инструмент за лични интереси“, рече Димитријевиќ, додавајќи дека СДСМ како вистинска државотворна партија нема да отстапи од борбата да ја вратиме државата на вистинскиот пат. Тагови: СДСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЗапалени две дипломатски возила пред бугарската амбасада во Скопје15:16Опожарени две возила со дипломатски таблички пред бугарската амбасада во Скопје14:10Мицкоски: Започна со работа фабриката за производство на опрема за спортови на вода и ветер, „Брејнчајлд“ во Битола13:09Еврокомесарката за проширување на почетокот на јули доаѓа во посета на Македонија 15:00Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58
Мицкоски: Започна со работа фабриката за производство на опрема за спортови на вода и ветер, „Брејнчајлд“ во Битола13:09
Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58
МетеоНа улиците на Делхи измерени 64°CИндискиот главен град Њу Делхи веќе неколку недели е зафатен од топлотен бран, при што температурите редовно надминуваат 40 степени Целзиусови. Иако апликациите за временска прогноза предупредуваат дека вистинската температура е секогаш неколку степени повисока, реалната ситуација на улиците на градот открива уште подрастична слика. Додека Индискиот метеоролошки оддел (IMD) минатиот вторник регистрираше максимална дневна температура од 43,5°C, термовизиските камери на некои локации покажале површински температури кои достигнувала и до 64°C, објавува BBC. Оваа разлика произлегува од методологијата на мерење. Официјалните податоци од IMD се однесуваат на температурите на воздухот под стандардизирани услови, додека термалните камери ги снимаат температурите на површината. Во топли денови, патиштата, бетонот, возилата и другите изложени површини можат да станат значително потопли од околниот воздух. Високите површински температури ја зголемуваат топлината што ја апсорбира човечкото тело преку зрачење, што може да ги направи урбаните области да изгледаат значително потопли од официјалната температура, особено таму каде што нема сенка или зеленило. Теренски тим на Greenpeace India со термална камера посетил една од најпрометните раскрсници во градот по пладне. Кога истражувачката Нибедита Саха ја насочила камерата кон области под надвозник, отчитувањето било 42°C. Но, кога ја свртела камерата кон мотоциклистите што чекале на семафор на директна сончева светлина, температурата се искачила на неверојатни плус 64°C. На асфалтот на кој стоеле измерена е температура од 61°C, а само три метри подалеку, во сенката на дрво, температурата била „само“ 39,8°C.Тагови: висока температура Индија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
КошаркаЗапочнаа подготовките и на младинската репрезентацијаВо салата „Лазар Лечиќ“ во Скопје, со првиот тренинг официјално започнаа подготовките и на машката младинска репрезентација на Македонија до 20 години за настапот на Европското првенство од Дивизијата „Б“.Селекторот Никола Велев на првиот собир го дочека најголемиот дел од 18. кандидати кои беа избрани по завршувањето на селективните тренинзи Во салата „Лазар Лечиќ“ во Скопје, со првиот тренинг официјално започнаа подготовките и на машката младинска репрезентација на Македонија до 20 години за настапот на Европското првенство од Дивизијата „Б“. Селекторот Никола Велев на првиот собир го дочека најголемиот дел од 18. кандидати кои беа избрани по завршувањето на селективните тренинзи, а воедно беше утврден и планот за работа во подготвителниот период. Младите македонски кошаркари ова лето ќе бидат дел од континенталниот шампионат кој од 10. до 19. јули ќе се одржи во Братислава, каде Македонија ќе настапува во групата „А“. Во рамките на подготовките, стручниот штаб предводен од Велев предвиде вкупно 23 тренинзи преку кои ќе се работи на достигнување на посакуваната форма пред европските предизвици. Во групната фаза нашата селекција ќе се соочи со репрезентациите на Ирска, Шведска, Азербејџан и домаќинот Словачка. На првиот тренинг беа присутни, но не тренираа, Никола Јаничиќ и Димитар Зетов. Подготовките ги започнаа: Даниел Бутемер, Даријан Димовски, Давид Петрушевски, Сергеј Младеновски, Матеј Митревски, Коста Ќириловски, Андреј Стојановски, Амар Грбовиќ, Атанасиј Трајанов, Бојан Димитриев, Горазд Митев, Марко Луканоски, Сергеј Петровиќ, Андреј Чадамов и Максим Трајковиќ. Со стартот на работата на младинската селекција, започна и новиот репрезентативен циклус за македонските млади кошаркари, кои во следниот период ќе се подготвуваат за настапот на европската сцена.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЗапалени две дипломатски возила пред бугарската амбасада во Скопје15:16Опожарени две возила со дипломатски таблички пред бугарската амбасада во Скопје14:10Мицкоски: Започна со работа фабриката за производство на опрема за спортови на вода и ветер, „Брејнчајлд“ во Битола13:09Еврокомесарката за проширување на почетокот на јули доаѓа во посета на Македонија 15:00Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58
Мицкоски: Започна со работа фабриката за производство на опрема за спортови на вода и ветер, „Брејнчајлд“ во Битола13:09
Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58
ЗдравјеТрибина: Органодарителството и значиењето на трансплантацијатаПретставници на здравствени инстутуции, трансплантациски тимови, владини претставници, студенти учествуваат на трибината посветена на органо – дарителството и значењето на трансплантацијата.. Трибината на Медицинскиот факултет ја следи Мирјана Мирчевска Јовановиќ.. Мими, какви пораки произлегоа од собирот.. Во видеото погледнете го целиот извештај. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter