Македонија

Димитриевски го обвини МТСП за притисок врз локалната самоуправа и наметнување решение за избор

Димитриевски го обвини МТСП за притисок врз локалната самоуправа и наметнување решение за избор на директор на градинката „Ангел Шајче“ - Куманово.

Кумановскиот градоначалник, Максим Димитриевски на денешната прес-конференција информираше дека сегашната директорка на кумановската градинка не ги исполнува условите за уште еден мандат, го обвини Министерството за труд и социјална политика за тенденциозно постапување при избор на директорка на градинката „Ангел Шајче“.

Димитриевски рече дека и пред четири години, како што потенцира, под „неразјаснети околности“ ѝ биле одземени ингеренциите на општината и тогаш МТСП повторно ја реизбра директорката за која, рече, дека менаџира со установата 20-тина години.

-Повторно пред два месеци, ова Министерство преку ресорната министерка Јованка Тренчевска изврши одземање на надлежностите на Општина Куманово за избор на директор на Детската градинка врз база на неоснована и тенденциозна постапка. Тоа се потврди со тоа што експресно од страна на Министерството беше поништено решението за одземање на надлежностите и истите ни беа вратени веднаш по нашата реакција. Сакам да ја информирам јавноста дека во продолжување на постапката за именување на директор на ЈОУ „Ангел Шајче“, Општина Куманово има постапено согласно своите законски надлежности, но сепак од Министерството добива второ укажување на определени материјални и процедурални недостатоци во работата, кое е неосновано, тенденциозно, и истото не наведува да постапиме спротивно на законот и статутот на установата, и тоа повторно замислете во нереален рок од вкупно еден ден, изјави Димитриевски.

Тој дополни дека по доставениот предлог во законски рок посочил до Управниот одбор дека кандидатот не ги исполнува условите.

- Ако се земе предвид дека предложениот кандидат 20 години е директор на установата последователно, согласно член 37 од Статутот на установата нема право на повторен избор пред истек на четири години од неговиот последен избор. Воедно, од моја страна како градоначалник на Општина Куманово им е укажано на членовите на Управниот одбор со допис дека умисленото и свесното постапување спротивно на законите и Статутот го исполнуваат битието на кривичното дело злоупотреба на службената положба и овластување, изјави Димитриевски.

Втор пат, УО на градинката го предложил истиот кандидат. Општина Куманово поднесе кривична пријава против членовите на УО.

-Јас како градоначалник на Општина Куманово согласно своите надлежности за запазување на законитоста на постапката и должноста за пријавување на сторени кривични дела не го прифатив предлогот за што го известив Управниот одбор, т.е установата и донесов Решение за именување на вршител на должност директор на ЈОУДГ „Ангел Шајче“ – Куманово, кој согласно закон функцијата ќе ја извршува од 01.06.2023 година до именување на нов директор, т.е избор на нов директор и тоа најмногу во рок од 6 месеци од денот на неговото именување. Очигледно е дека со овие постапувања МТСП се обидува со неоснована постапка да изврши притисок врз локалната самоуправа за да се наметне решение за директор евентуално избрано по партиски клуч, односно да се овозможи на таканаречените „вечни директори“ да продолжат да менаџираат со институциите на локално ниво, штитејќи ги партиските интереси наспроти општите граѓански интерес, кажа Димитриевски.

Градоначалникот на прес - конференцијата повтори дека актуелниот директор веќе 20 години е директор на институцијата и дека по сила на закон по основ на пензионирање му престанува работниот однос за неполни две години, со што не ќе може да ја спроведе понудената четиригодишна програма.

-Евидентно е дека ваквото тенденциозно постапување од ресорните министерства во делот на одземање на надлежностите на локалната самоуправа се зачестена појава во државата во повеќе градови во последниот период и јасно укажува дека државниот апарат се повеќе се користи за остварување на партиските и политички цели, рече Димитриевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Владата веднаш да ги објави анализите - врз кои параметри е одобрена употреба на техничка вода во Гостивар?

Наместо минисерот за здравство, денеска Панче Тошковски - министерот за хиперхлорирање, најави техничка вода во Гостивар.

Но, резултати и анализи за водата не се објавени, Тошковски се повикува на „потврда од експерти“.

Техничката вода се користи за миење улици, наводнување паркови, противпожарни системи и за испирање тоалети.

За туширање и лична хигиена тоа зависи исклучиво од микробиолошките наоди. Врз основа на тие наоди здравствените власти може да препорачаат таа вода дали може или не може да се користи, особено кај деца, постари лица и други ранливи категории граѓани.

Одговори треба да дадат надлежните здравствени институции а не министерот за полиција.

Прашањето е следното:

Врз основа на кои параметри од анализите заклучија дека водата може да се користи како техничка?

И дали граѓаните можат безбедно да ја користат за лична хигиена?

Второ:

За ова не може да зборува инженер од животна средина или раководител на сектор за санитарна контрола од Водовод Скопје.

Институтот за јавно здравје и Марија Андоновска треба да излезат и јасно да објаснат за што точно смее да се користи оваа „техничка“ вода.

Кој стои зад оваа одлука?

Нека Тошковски и владата на Мицкоски го објават официјалниот документ со анализите на водата.

Кој го потпишал?

Кој институт?

Објавете го официјалниот документ.

Граѓаните имаат право да знаат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Преживеан босански планинар од Елбрус, каде му загинаа петмина пријатели: Не бевме неподготвени, прогнозата беше погрешна (ВИДЕО)

Харис Адиловиќ, еден од двајцата преживеани алпинисти од босанско-херцеговската експедиција на Елбрус, ги опиша околностите на трагедијата во која животот го загубија петмина негови колеги.

Во интервју за руските медиуми, тој тврдеше дека несреќата се должи на неточна временска прогноза, а не на недостаток на подготовка.

Неточна прогноза

Адиловиќ за рускиот медиум Известија изјави дека тимот бил добро обучен, но временските услови се покажале потешки од очекуваното. Тој рече дека проблемите започнале уште од самиот почеток на искачувањето.

Групата немала водич, а веќе во почетната фаза еден од учесниците почнал лошо да се замрзнува, па водечкиот тим морал да се врати назад.

„Другиот тим продолжил да се искачува, но по околу 100-150 метри и ние решивме да се откажеме од искачувањето. Кога ги обезбедивме јажињата на дел од рутата и се искачивме повисоко, видовме дека ситуацијата на врвот е уште полоша. Решивме да се вратиме“, се присети тој.

Искуството не беше спорно

Тој нагласи дека сите членови на тимот се искусни и добро се познаваат. Објасни дека во Босна и Херцеговина, алпинистите тренираат речиси секој викенд бидејќи планините се блиску до нив. „Значи, не стануваше збор за недостаток на подготовка.

Алпинистите неколку дена пред искачувањето

Мислам дека главната причина беше неточната временска прогноза“, рече Адиловиќ. Пет алпинисти од Зеница загинаа во трагедијата на Елбрус: Мелиха Чаушевиќ, Алма Окановиќ, Денис Окановиќ, Алмир Кривдиќ и Нермин Талам.

Еден од преживеаните се симнал од планината сам и побарал помош, додека другиот подоцна бил пронајден од спасувачите. Руските спасувачки служби сè уште спроведуваат сложена операција за извлекување на телата, а нивната работа е отежната од снежна бура, силни ветрови и екстремно ниски температури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: За случувањата во Гостивар СДС правилно да ја лоцира одговорноста и да побара оставка и кривична одговорност од Лимани

Не не чудат лицемерието и двојните аршини на СДС, кои со настаните во Гостивар повторно излегоа на површина.

СДС недела дена креира хаос во јавниот медиумски простор, со цел креирање заблуда кај граѓаните за надлежностите и вистинските одговорни лица за загадената вода во општина Гостивар.

Водоводните системи и контролата на квалитет на водата за пиење е под надлежност на локалната власт и тоа СДС многу добро го знаат.

Затоа ги прашуваме, како на СДС до сега не им текна да бараат оставка и кривична одговорност за случувањата во Гостивар од градоначалникот Валбон Лимани, како најповикан и најодговорен за целата ситуација.

Или пак, двојните аршини повторно стапија на сила кога се работи за нивни кадри, лица блиски до СДС или пак поддржани лично од претседателот на партијата, Венко Филипче.

Затоа што, Филипче на последните локални избори силно го поддржаа и ги повика, и така малку останати членови и симпатизери, на СДС да го поддржат Лимани, за на тој начин да станат дел од локалната власт.

Или сега дојде тешкото, па СДС се прават како да имаат амнезија.

Ако сакаат СДС да повикаат на одговорност за Гостивар, ги упатуваме одговорноста да ја лоцираат онаму каде што се наоѓа, а тоа е во нивните редови и во луѓето кои силно ги поддржаа, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.