Економија

Димитриеска-Кочоска: Растот на економијата во 2025 најголем показател дека може да остваруваат резултати

Растот на БДП во четвртиот квартал од 2025 година изнесува 3,8 проценти, со што се заокружува годишната стапка на економски раст од 3,5 проценти во однос на 2024 година, објави Државниот завод за статистика.

Најсилна динамика е забележана во градежништвото, со раст од 14,6 проценти, претежно поради засилените активности во нискоградбата. Министерката за финансии Гордана Димитриеска-Кочоска истакна дека Македонија бележи шести последователен квартал на раст и е трета во Европа по стапка на раст, веднаш зад Малта, Кипар и Полска. Буџетскиот дефицит за 2025 година изнесува 4 проценти од БДП, а јавниот долг е намален на 59,3%. Во однос на најавениот заем од 300 милиони евра пак, Димитриеска- Кочоска најави дека најверојатно ќе се обезбеди преку синдициран заем, при што се разгледуваат понудите на банките за избор на најповолна опција за буџетот.

- И онака како што и до сега во изминатите 20 месеци покажавме како се работи на економски план, така и ке продолжиме. Ќе создаваме мерки и ке креираме политики кои се во интерес на стопанството и на граѓаните, исто времено имајќи ја во предвид со состојбата на меѓународно ниво,- Гордана Димитриевска – Кочоска – министерка за финансии.

Во врска со тензиите на Блискиот Исток, министерката оцени дека следува период на неизвесност и дека е рано за конкретни проценки. Таа нагласи дека засега нема драматичен раст на цените на нафтата и потсети дека законот јасно ги дефинира условите под кои може да се интервенира, вклучително и можноста за намалување на акцизата. Доколку конфликтите се продлабочат и има потреба, вели можно е да се пристапи кон ребаланс на буџетот, при што Владата и Народна банка располагаат со инструменти за соодветна реакција.

- Треба малку да почекаме да видиме како ќе се движат работите, ја следиме на дненвна основа покачувањето на цената на нафтата, да, оди нагоре меѓутоа тоа не е некој драстичен скок што можеби дава сигнали дека ситуацијата ќе се затвори за еден пократок временски период и не би сакала однапред да зборувам, секако да за инфлацијата нормално ако е оваа ситуација продолжи ако почувствуваме дека работите се менуваат тогаш и ние со ребалансот проекциите што ќе ги правиме ќе ги менуваме,- Гордана Димитриевска – Кочоска – министерка за финансии.

И Агенцијата за задолжителни нафтени резерви, во координација со Министерството за енергетика, рударство и минерални суровини, соопшти дека државните резерви на нафта и нафтени деривати се стабилни. Од таму објаснуваат дека како превентивна мерка, државата располага со значителни резерви на нафтени деривати кои се складирани кај овластени компании и редовно се мониторираат.

Тагови: Гордана Димитриоска Кочовска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видо- фото: Најжешката Хрватка се јави од хотел пред дуелот со Португалија

Најпознатата навивачка на хрватската фудбалска селекција Ивана Кнол со порака се јави од хотелот пред натпреварот против Португалија.

Најпознатата хрватска навивачка, Ивана Кнол, се јави од Торонто пред натпреварот меѓу Хрватска и Португалија, закажан за петок во 01:00 часот по македонско време.

Атрактивната Кнол позира во дрес и шорцеви на хрватската репрезентација и им се обрати на своите фанови.

„Здраво на сите, пред стадионот во Торонто сум каде што ќе играат Хрватска и Португалија – и едвај чекам да победиме“, рече таа со широка насмевка, правејќи форма на срце со рацете.

Потоа, таа објави „Инстаграм стори“ од својот кревет.

„Луѓе, во кревет сум, погледнете го погледот. Превозбудена сум, едвај чекам да почне натпреварот“, рече таа, покажувајќи кон „БМО Филд“, кој за Светското првенство во 2026 година ќе биде преименуван во „Стадион Торонто“.

Тагови: Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полицијата изврши претрес во седиштето на Германската фудбалска федерација

Истражителите претресоа повеќе локации низ целата земја поради наводна злоупотреба на билети за ЕУРО 2024.

Германската полиција изврши претрес во седиштето на Германската фудбалска федерација (DFB) во Франкфурт и на неколку други локации низ земјата, како дел од истрагата за наводна корупција поврзана со Европското фудбалско првенство во 2024 година.

Истрагата се однесува на сомневања дека вработените во градовите домаќини на турнирот биле неправилно поканети на натпревари или добиле преференцијален третман при купување билети.

Обвинителството во Бохум и полицијата во покраината Северна Рајна-Вестфалија објавија дека истрагата се фокусира на наводни нелегални придобивки - вклучително и присуство на фудбалски натпревари - што осомничениот, тогаш вработен во еден од градовите домаќини, наводно ги добил од службено лице во рамките на организациското тело, објавува *The Guardian*.

Во соопштението, исто така, се наведува дека службениците од организациското тело наводно им понудиле на градовите домаќини ексклузивни права на прво одбивање при купување билети. Иако во заедничката изјава не е именувана DFB, федерацијата последователно потврди дека нејзиното седиште во Франкфурт било претресено.

„Истрагата не се однесува на DFB како организација, ниту на поединечни вработени или функционери. DFB е вклучен во оваа постапка исклучиво како сведок и целосно соработува со надлежните органи“, соопштија од федерацијата.

Европското првенство се одржа во Германија во јуни и јули 2024 година, а Шпанија ја освои титулата. Турнирот беше организиран од Евро 2024 GmbH, заедничко вложување помеѓу DFB и УЕФА. Властите не прецизираа точно кои други локации беа предмет на претреси, но германскиот весник *Bild* објави дека биле претресени општинските администрации на неколку градови - вклучувајќи ги Берлин, Хамбург, Келн, Штутгарт и Минхен - како и одредени компании.

Според *Bild*, повеќе од 150 полицајци учествувале во утринската операција, а претресите се поврзани со истрага за поткуп во која биле вклучени 66-годишен германски државјанин и 46-годишен француски државјанин.

Весникот објави дека неколку илјади билети за Евро 2024 можеби биле нелегално доделени интерно на привилегирани гости.

Германскиот државјанин, кој во тоа време бил вработен во општинската администрација на Гелзенкирхен - еден од градовите домаќини - е осомничен дека примил билети, патни и хотелски бенефиции во вредност од 2.400 евра, објави *Bild*.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: О. Кавадарци започнува со поставување информативни табли со QR-кодови на колективните станбени згради

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги.

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги. Со едноставно скенирање на QR-кодот, граѓаните ќе можат брзо и безбедно да:

- проверат дали имаат неплатени обврски по основ на данок на имот и комунални такси;

- ги платат своите обврски електронски;

- добијат увид во наплатата на ниво на зграда;

- пристапат до платформата eDanoci.mk, достапна 24 часа дневно.

Деталните информации за даночните обврски ќе бидат достапни исклучиво за сопственикот, по безбедна идентификација и верификација, со целосна заштита на личните податоци.

Со ова современо решение, Општина Кавадарци ја унапредува транспарентноста, ја олеснува комуникацијата со граѓаните и поттикнува навремено исполнување на даночните обврски.

Вашите навремено платени даноци се инвестиција во иднината и развојот на Општина Кавадарци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.