Димитриеска Кочоска: По промена на власта прво треба борба против корупција и криминал - Канал 5

Македонија

Димитриеска Кочоска: По промена на власта прво треба борба против корупција и криминал

Кога се чита Извештајот на Европската комисија за Македонија имам впечаток дека читам извештај за африканска земја, рече Гордана Димитриеска Кочоска, потпретседателка на ВМРО-ДПМНЕ.

Димитриеска Кочоска: По промена на власта прво треба борба против корупција и криминал

Кога се чита Извештајот на Европската комисија за Македонија имам впечаток дека читам извештај за африканска земја, рече Гордана Димитриеска Кочоска, потпретседателка на ВМРО-ДПМНЕ на трибина насловена како „Извештајот на ЕУ за Македонија – Одраз на реалноста“ која е во рамки на кампањата „Важно е! Од тебе зависат промените“, а се одржа вечерва во Радовиш.

Димитриеска Кочоска говорејќи за делот посветен на економијата во Извештајот посочи дека истиот е многу реален.

„Од Брисел во Извештајот велат дека во јавните набавки имаме лимитиран напредок или јас би рекла за да не кажат немате никаков напредок велат треба обука на сите дури и на компаниите кои се дел од тендерите. Велат треба ефективни мерки или контрола, односно велат има корупција и криминал на сите нивоа во цела постапка на тендерите“, рече Димитриеска Кочоска осврнувајќи се на Извештајот и забелешките од истиот, а кои се во контекст на спорниот договор за изградба на делници од Коридорот 8 и 10д.

Димитриеска Кочоска укажа дека нема зошто ЕУ да ни кажува што да направиме, кога нели ние одиме натаму, одиме кон ЕУ и тоа треба да го знаеме и не само тоа туку и да го правиме. Потпретседателката ги спомена и другите забелешки наведени во Извештајот на ЕК.

„Велат да се внимава на критериумите при тендерите и на она што значи конфликт на интереси, а тоа е случај со Коридорите 8 и 10д. Она што го читаме во Извештајот е нешто што ВМРО-ДПМНЕ го кажува како забелешка, го повторува во континуитет какви и кои пропусти се прават и во континуитет ги објавува“, рече Димитриеска Кочоска.

Според Димитриеска Кочоска кога е хаос најлесно е да има криминал и корупција, бидејќи во хаосот никој ништо не гледа.

„Ако ги спроведуваат правилата полесно е да се воочи кој не ги почитува, затоа нема усогласување на правото со европското законодавство, туку има само злоупотреба на европското знаменце при предлагање на законите“, кажа Димитриеска Кочоска.

Потпретседателката Димитриеска Кочоска сумираше и кои се клучни пропусти кои ги прават надлежните, а треба да се надминат.

„Извештајот забележува на реализација на капитални инвестиции и укажува дека нема контрола, дека планот е огромен за овие инвестиции, а реализацијата мала. Ако има правилна реализација на капитални инвестиции, тоа е начин да постигнеме поголем економски раст. Катастрофални сме во делот на човечки ресурси и се вели дека нема практичари, потоа нема инфраструктура во енергетика, нема ништо и во делот на реформа на УЈП, нема никакви иновации или Фондот за иновации не работи како што треба“, изјави Димитриеска Кочоска.

Димитриеска Кочоска заклучи дека по промена на власта прво треба борба против корупција и криминал, а потоа политики за здрав економски раст.


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Неверојатниот Меси повторно ја воодушеви Америка со нова мајсторија и постави нов рекорд

Иако натпреварот во МЛС-лигата меѓу Интер Мајами и Сан Дијего заврши нерешено (2–2), сите погледи повторно беа вперени кон еден од најдобрите светски фудбалери во историјата, волшевникот Лионел Меси. 

Видео: Неверојатниот Меси повторно ја воодушеви Америка со нова мајсторија и постави нов рекорд

Брилијантниот Аргентинец уште еднаш докажа зошто важи за еден од најдобрите специјалисти за прекини во историјата на фудбалот.

Во 23-тата минута, Меси мајсторски погоди од слободен удар и го израмни резултатот за својот тим, постигнувајќи го својот 75-ти гол во кариерата на овој начин.

Со овој погодок, Меси самостојно го зазеде второто место на вечната листа, надминувајќи го легендарниот Бразилец Жаир Роса Пинто.

Сега, единствениот играч пред аргентинскиот волшебник е поранешниот бразилски репрезентативец Марселињо Кариока, кој во текот на својата кариера постигнал 78 гола од слободни удари.

Што се однесува до самиот натпревар, гостите од Сан Диего поведоа преку Андерс Драјер во 12-тата минута, пред Меси да го израмни резултатот со потег на вистинска мајсторија.

Луис Суарез го комплетираше пресвртот за домаќините со гол во 75-тата минута, но одличниот Драјер се погрижи Интер да не стигне до победата; тој го постигна израмнувачкиот погодок во 82-рата минута, спречувајќи ги домашните навивачи целосно да го прослават најновиот историски успех на својот капитен.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Максим Димитриевски до СДСМ: ВНИМАВАЈТЕ ДА НЕ ВИ СЕ ЈАВИ И ЗНАМ 3.0 !

Довербата кај граѓаните се гради со работа и резултати, а се потврдува со отчетност и преземање одговорност.

Максим Димитриевски до СДСМ: ВНИМАВАЈТЕ ДА НЕ ВИ СЕ ЈАВИ И ЗНАМ 3.0 !

Токму на тие принципи, Движењето ЗНАМ го темели своето дејствување, порача претседателот Максим Димитриевски на настанот посветен на отчетот на избраните и именуваните функционери од редовите на ЗНАМ во Скопје.

Димитриевски истакна дека ЗНАМ не е реприза на политичките модели што граѓаните веќе ги имаат видено и дека секој еден функционер мора да биде свесен дека функцијата е доверена од граѓаните и подлежи на нивна оценка.

„Секој еден функционер од ЗНАМ, почнувајќи од сите вас овде во салата, завршувајќи до мене – секој еден е менлив. Граѓаните даваат и граѓаните земаат власт. Но, притоа ЗНАМ не смее да биде една реприза од она што е веќе видено во Македонија.“ - истакна тој.

Осврнувајќи се на обвинувањата од страна на СДСМ, Димитриевски упатувајќи им директна порака, порача дека Движењето ЗНАМ нема да дозволи обидите за политички пресметки да го променат начинот на кој движењето ја гради довербата со граѓаните.

„Се јавил ЗНАМ 1, па сега и ЗНАМ 2.0, па обвинуваат за наводни афери.

Во ЗНАМ афери нема.

Нас не краси чесност, отчетност, одговорност и транспарентност.

И ние сме различни од сите нив останати. Но, притоа ќе им кажам да внимаваат да не им се јави и ЗНАМ 3.0.

Но, на крајот на денот, еден е ЗНАМ – Движење ЗНАМ за НАША МАКЕДОНИЈА и еден ден ќе биде ЗНАМ политичка партија која ќе преземе одговорност да ја води државата.“ - порача Димитриевски.

Отчетот на избраните и именуваните функционери од редовите на ЗНАМ продолжува во повеќе градови низ Македонија до крајот на годината, како дел од континуираниот процес на претставување на сработеното и резултатите од работењето на функционерите на Движењето во изминатите две години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Детски насмевки, долготрајни аплаузи и весела публика на изведбата на „Пинокио“ на Битолски театар во Прилеп

Една сцена, илјадници детски насмевки и едно прекрасно фестивалско утро. 

Детски насмевки, долготрајни аплаузи и весела публика на изведбата на „Пинокио“ на Битолски театар во Прилеп

Вака беше на првиот ден од театарскиот фестивал за деца „Силјан Штркот“ во Прилеп, кој го отвори екипата на Битолскиот театар со претставата „Пинокио“.

„За нас беше огромно задоволство и особена чест што со „Пинокио“, во изведба на НУ Народен театар Битола, го отворивме театарскиот фестивал. Додека нашите актери се подготвуваа зад сцената, пред влезот веќе нè чекаше најубавата публика – дечињата, со љубопитност, возбуда и насмевки на лицата. А кога завесата се крена, започна едно поинакво патување – во светот на Пинокио, фантазијата, музиката и детската магија.

Најголемата награда за секој што создава театар за деца е токму среќата во нивните очи. Благодариме за прекрасниот пречек и за можноста токму ние да го отвориме ова фестивалско патување“, истакнуваат од НТБ.

Оваа е претстава во која Пинокио не потсетува дека секоја голема приказна започнува со детската фантазија. Се работи за приказна што и по повеќе од еден век ни укажува дека патот до тоа да станеш „вистински“ минува низ искушенија, грешки и храброст. Детската претстава не е само забава. Таа е првото место каде што детето учи да препознава чувства, да поставува прашања, да разликува добро од лошо, да верува, да сонува и да ја користи својата фантазија.

„Пинокио“ од Карло Колоди, во режија на Деан Дамјановски, е приказна за растењето, изборите, искреноста, љубовта и патот кон тоа да станеме подобри. Главниот лик го игра Никола Стефанов, а во останатите улоги се: Валентина Грамосли, Марјан Георгиевски, Јулијана Мирчевска, Маја Андоновска Илијевски, Катерина Аневска Дранговска, Александар Димитровски, како и децата од Театарска школа „Бабец“: Ана Анѓелевска, Стефан Доневски, Матеа Василевска, Лина Трампевска, Николина Јанкоска, Ана Марија Каранфиловска, Војдан Мавровски, Николај Илијевски, Марија Јовев, Андријана Мемет, Каја Крстевска.

Композитор е Марјан Неќак, сценографијата е на Сергеј Светозарев, костимографијата на Андреј Ѓоргиевски, изработка на маски Сара Милевска, ментор на театарската школа Бабец Јулијана Мирчевска.

ТФД „Силјан Штркот“ започна со детска радост, а „Пинокио“ со задоволство ја раскажа својата приказна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер