Македонија

Димитриеска Кочоска: По промена на власта прво треба борба против корупција и криминал

Кога се чита Извештајот на Европската комисија за Македонија имам впечаток дека читам извештај за африканска земја, рече Гордана Димитриеска Кочоска, потпретседателка на ВМРО-ДПМНЕ.

Кога се чита Извештајот на Европската комисија за Македонија имам впечаток дека читам извештај за африканска земја, рече Гордана Димитриеска Кочоска, потпретседателка на ВМРО-ДПМНЕ на трибина насловена како „Извештајот на ЕУ за Македонија – Одраз на реалноста“ која е во рамки на кампањата „Важно е! Од тебе зависат промените“, а се одржа вечерва во Радовиш.

Димитриеска Кочоска говорејќи за делот посветен на економијата во Извештајот посочи дека истиот е многу реален.

„Од Брисел во Извештајот велат дека во јавните набавки имаме лимитиран напредок или јас би рекла за да не кажат немате никаков напредок велат треба обука на сите дури и на компаниите кои се дел од тендерите. Велат треба ефективни мерки или контрола, односно велат има корупција и криминал на сите нивоа во цела постапка на тендерите“, рече Димитриеска Кочоска осврнувајќи се на Извештајот и забелешките од истиот, а кои се во контекст на спорниот договор за изградба на делници од Коридорот 8 и 10д.

Димитриеска Кочоска укажа дека нема зошто ЕУ да ни кажува што да направиме, кога нели ние одиме натаму, одиме кон ЕУ и тоа треба да го знаеме и не само тоа туку и да го правиме. Потпретседателката ги спомена и другите забелешки наведени во Извештајот на ЕК.

„Велат да се внимава на критериумите при тендерите и на она што значи конфликт на интереси, а тоа е случај со Коридорите 8 и 10д. Она што го читаме во Извештајот е нешто што ВМРО-ДПМНЕ го кажува како забелешка, го повторува во континуитет какви и кои пропусти се прават и во континуитет ги објавува“, рече Димитриеска Кочоска.

Според Димитриеска Кочоска кога е хаос најлесно е да има криминал и корупција, бидејќи во хаосот никој ништо не гледа.

„Ако ги спроведуваат правилата полесно е да се воочи кој не ги почитува, затоа нема усогласување на правото со европското законодавство, туку има само злоупотреба на европското знаменце при предлагање на законите“, кажа Димитриеска Кочоска.

Потпретседателката Димитриеска Кочоска сумираше и кои се клучни пропусти кои ги прават надлежните, а треба да се надминат.

„Извештајот забележува на реализација на капитални инвестиции и укажува дека нема контрола, дека планот е огромен за овие инвестиции, а реализацијата мала. Ако има правилна реализација на капитални инвестиции, тоа е начин да постигнеме поголем економски раст. Катастрофални сме во делот на човечки ресурси и се вели дека нема практичари, потоа нема инфраструктура во енергетика, нема ништо и во делот на реформа на УЈП, нема никакви иновации или Фондот за иновации не работи како што треба“, изјави Димитриеска Кочоска.

Димитриеска Кочоска заклучи дека по промена на власта прво треба борба против корупција и криминал, а потоа политики за здрав економски раст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Доналд Трамп сака Инфантино да застане на чело на Обединетите нации

Американскиот претседател Доналд Трамп смета дека првиот човек на светскиот фудбал Џани Инфатнито ги поседува вештините за улогата генерален секретар на ОН.

Според американскиот весник „Њујорк пост“, претседателот на САД, Доналд Трамп, наводно сака претседателот на ФИФА, Џани Инфантино, да го наследи Антонио Гутереш на функцијата генерален секретар на Обединетите нации.

Според извори блиски до Трамп, американскиот претседател смета дека Инфантино „ужива почит кај луѓето ширум светот“ и поседува единствена способност да ги обединува различните страни.

Мандатот на актуелниот генерален секретар на ОН се ближи кон крајот, а оваа година треба да се избере нов челник на организацијата. За да ја обезбеди таа функција, на Инфантино би му била потребна поддршката од Советот за безбедност на ОН, кој брои 15 члена, вклучувајќи пет постојани членки со право на вето.

Потоа, за именувањето би била потребна потврда од Генералното собрание на ОН. Сепак, засега не е познато дали Инфантино воопшто размислува за премин во Обединетите нации или дали разговарал за таа идеја со Трамп.

Паоло Ѕамполи, италијанско-американски бизнисмен и специјален пратеник на Трамп за глобални партнерства, ја пофали идејата, тврдејќи дека Инфантино би можел успешно да ја извршува таа улога. „Тој би завршил одлична работа. Луѓето го сакаат, а постојат и одредени сличности меѓу улогите на претседател на ФИФА и генерален секретар на ОН“, изјави Ѕамполи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски повеќе не е кошаркар на Партизан

Српскиот кошаркар Алексеј Покушевски повеќе не е член на Партизан, соопшти белградскиот клуб.

„Во предвидениот рок, клубот одлучи да не ја активира дополнителната година од договорот, со што поранешниот заменик-капитен стана слободен да избере нова средина. Поку, твојот Партизан ти посакува многу среќа и успех во продолжението на кариерата“, се наведува во соопштението на „црно-белите“.

Покушевски има 24 години, а пред доаѓањето во Партизан настапуваше за Олимпијакос, по што беше избран како 17-ти пик на НБА-драфтот и кариерата ја продолжи во Оклахома Сити Тандер. Тој помина две сезони во дресот на Партизан, при што ги освои АБА-лигата и титулата шампион на Србија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градоначалникот Орце Ѓорѓиевски домаќин на делегацијата од Република Индија

Чест е моја, денес да бидам домаќин на претседателката на Република Индија, Драупади Мурму и на претседателката на Република Македонија, Гордана Силјановска-Давкова, на свеченото откривање на бистата на Махатма Ганди во Скопје.

Во името на Град Скопје, на претседателката на Индија ѝ посакав срдечно добредојде во нашиот град.

На овој свечен настан во Музејот на град Скопје, со поставувањето на бистата на Махатма Ганди, Скопје добива траен потсетник на вредностите што тој ги застапуваше - мирот, ненасилството, слободата, вистината и моралната храброст.

Неговото наследство нè потсетува дека најголемите промени започнуваат со почитта кон човекот и со уверувањето дека дијалогот секогаш е посилен од поделбите.

Овој чин има особено силна симболика токму во Скопје, родниот град на Света Мајка Тереза.

Иако нивните мисии биле различни, Махатма Ганди и Мајка Тереза ги обединува една универзална порака дека човечноста, љубовта, сочувството и грижата за другиот се најголемата сила што ја поседуваме.

Скопје е град кој длабоко ја познава вредноста на солидарноста.

По катастрофалниот земјотрес во 1963 година, нашиот град ја почувствува подадената рака од целиот свет.

Токму затоа денес продолжуваме да градиме мостови на пријателство, меѓусебна почит и соработка меѓу народите.

Силно верувам дека овој значаен настан ќе биде уште еден чекор кон продлабочување на пријателството меѓу Македонија и Индија и кон отворање нови можности за соработка во културата, образованието, науката и поврзувањето на нашите народи.

Нека ова спомен-обележје биде траен симбол на вредностите што нè обединуваат и порака дека мирот, човечноста и пријателството немаат граници.

Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.