Димитриеска-Кочоска: Не доцни повратот на ДДВ и нема никаков проблем со Буџетот, проблем се застарените системи на УЈП - Канал 5

Македонија

Димитриеска-Кочоска: Не доцни повратот на ДДВ и нема никаков проблем со Буџетот, проблем се застарените системи на УЈП

Доцнење во повратот на ДДВ нема. Најодговорно тврдам дека апсолутно нема никаков проблем со Буџетот, пробпемот е од техничка природа во УЈП, рече денеска министерката за финансии Гордана Димитриеска - Кочоска.

Димитриеска-Кочоска: Не доцни повратот на ДДВ и нема никаков проблем со Буџетот, проблем се застарените системи на УЈП

Одговорајќи на новинарски прашања во врска со повратот на ДДВ, таа напомена дека клучен проблем се системите во УЈП кои не биле надградени од 2011 - 2012 година.

Според министерката, државата се задолжува во рамки на планираното, а за идната година веќе се анализираат пазарите. Предвидено е издавање еврообврзница, а ќе се користат, како што објасни, различни извори на финансирање за да се затворат најпрво претходно направените обврски и за финансирање на буџетскиот дефицит проектиран за 2026-та.

-Во однос на повратот на ДДВ, во континуитет повторувам дека нема задоцнување освен таму каде што има дополнителни проверки во УЈП. Вие велите девет месеци, а јас можам најодговорно да тврдам дека во Министерството за финансии не постојат налози кои стојат девет месеци. Такво нешто е невозможно. Ако сакате повеќе податоци, да се обратите во УЈП. Ние и во текот на вчерашниот ден разговаравме тука, каде е проблемот. Проблем во Министерството за финансии, најодговорно тврдам, нема. Ако некој мисли дека има, го повикувам Државниот завод за ревизија веднаш да влезе по оваа дискусија и да провери дали во системот стојат налози за „Мој ДДВ“. Технички е проблемот, она што го зборуваме во континуитет - не можете да очекувате седум-осум години да не се надгради ништо во УЈП и наеднаш сега се да биде како што треба. Моите колеги од ИТ постојано ја посетуваат УЈП, таму буквално се е во лоша состојба и сега директорката максимално работи со тие ресурси, со тоа што го има, додека не се направи дигитализација. Но, кога зборуваме за дигитализација, мора да напоменам дека не можеме да дигитализираме, а да немаме поврзувања на основните системи, да сме планирале одредени постапки за навбавка што подразбираат некакви набавки кои во моментот значат „кровот ќе го градиме ама темелите ги немаме“. Јас тоа како министер за финансии не можам да го дозволам и на тоа сега работиме, потенцира Димитриеска-Кочоска на заедничката прес-конференција по средбата со министерот за финансии на Република Словачка, Ладислав Каменицки.

Истовремено, нагласи, се работи со Светска банка на додефинирање на условите за кредитот, но не во насока на каматните стапки, туку на тоа што треба друго да се смени и во однос на типот на кредитирањето.

-Одредени работи треба да бидат повнимателно сработени заради национачната безбедност на државата. Сетоа тоа ќе го затвориме, во завршна фаза сме. Но, повторно ќе кажам, ни треба поврзување на системите кои очигледно не биле чепнати низ годините. Според последните информации, од 2011 - 2012 година нема надградување на системот. Сега тоа прво ни треба и тука е проблемот. Ние работиме на тоа, но тоа не е процес што може да заврши за два масеца, знаеме сите. Кажа и мојот словачки колега како ги решиле проблемите во неговата земја - со воведување е-фактура. Тоа е еден од чекорите. За жал, ние сега ја воведуваме е-фактурата која можеби требаше да се воведе многу поодамна и ако се воведеше многу поодамна, денес немаше да зборуваме дека имаме задоцнувања, дека имаме уште злоупотреби во системот, мораме да проверуваме одредени компании,...., истакна министерката, напоменувајќи дека дигитализацијата може да ги реши сите проблеми кои сега рачно се решаваат, рече министерката.

Таа тврди дека не се прават задолжувања надвор од планираното.

-Се задолжуваме во рамки на планираното за тековната година. Не станува збор дека правиме задолжувања надвор од она што било планирано. Кога го зборувавме Буџетот за 2025 година, на крајот од 2024-та и кога го усвојувавме, што беше предвидено дека ќе биде како задолжување, тоа во суштина го реализираме до крајот на годината, децидна е Димитриеска-Кочоска.

Тагови: Министерство за финансии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер