Димитриеска-Кочоска: Нашата економија е жилава и отпорна на предизвиците кои се случуваат на глобално ниво - Канал 5

Економија

Димитриеска-Кочоска: Нашата економија е жилава и отпорна на предизвиците кои се случуваат на глобално ниво

Растот на БДП од 3,5% во 2025 година, којшто го објави Државниот завод за статистика не е раст само на Владата, туку тоа е заеднички резултат со приватниот сектор и силната довербата помеѓу двете страни. 

Димитриеска-Кочоска: Нашата економија е жилава и отпорна на предизвиците кои се случуваат на глобално ниво

Ова го истакна министерката за финансии Гордана Димитриеска-Кочоска на денешната панел дискусија во Владата на тема „Раст на економијата - економска сигурност на граѓаните“.

„Она што е важно е дека македонските компании функционираат во услови на една глобална неизвесност, којашто во сите земји во Европа создава надолни резултати кога станува збор за БДП, па дури имаме и економски партнери коишто влегуваат во минус. За разлика од тоа, нашата економија покажа дека е стабилна, дека е доста жилава и отпорна на сите овие предизвици, којшто се случуваат на глобално ниво“, рече министерката за финансии.

Таа преку бројки посочи на промените што започнаа со доаѓањето на новата власт во 2024 година. При тоа истакна дека просечниот раст на БДП во периодот на претходната Влада изнесувал 1,9%, во првите два квартала на 2024 година 2,3%, додека во следните два квартала од 2024 година по промената на власта растот на БДП достигна 3,6%. Тоа, според министерката, покажува дека со промената на власта економијата очекува позитивни сигнали од Владата и дека тоа се потврдува низ овој период од година и половина..

Министерката додаде дека клучно за постигнување на ваквите резултати е промената на економските текови. Посочи дека повлекувањето на заемот од унгарската Експорт-импорт банка, наменет за приватниот сектор бил земен во вистински момент и дека веќе се повелечени 224 милиони евра кои имаат имаат придонес во одржувањето на економијата и да додадат вредност, остварувајќи ги стапките на раст. Исто така, потсети и на 250 милиони евра од оваа кредитна линија наменети за општините, каде што, исто така, има сериозна реализација. За министерката влијание врз позитивни резултати во растот на БДП има и растот на корпоративните кредити од 15% што покажува на постоење на едно позитивно економско опкружување.

Министерката на панел дискусијата ја истакна важноста дека раст е забележан во сите дејности, иако во најголема додадена вредност имал нето извозот.

Според министерката, Министерството за финансии во изминатите години одело со реални проекции за раст на БДП.

„Две години по ред се случува она што го остваруваме да е над планираното. Тоа ни обезбеди стабилност, фискална консолидација и постепено намалување на буџетскиот дефицит што повторно кажува дека растот на БДП е поттикнат од тоа што државата поддржува инвестиции, но, клучен е и приватниот сектор без кој се невозможни овие резултати. Како резултат на тоа наше внимателно проектирање и внимателно трошење јавниот долг, закулчно со 31.12.2025 година, е 59,3%.

На панел дискусијата учестуваа и вицепремиерот и министер за транспорт Александар Николоски и министерот за земјоделство, шумарство и водостопанство, Цветан Трипуновски.

Одделение за односи со јавност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Проклетството на „Златната топка“ продолжува! Дембеле без титула како Еузебио, Платини, Кројф, Меси, Роналдо ...

Проклетството на „Златната топка“ продолжува! Дембеле им се придружи на светските фудбалски великани добитници на највредното признание, како Еузебио, Платини, Кројф, Меси, двајцата Роналдовци...

Проклетството на „Златната топка“ продолжува! Дембеле без титула како Еузебио, Платини, Кројф, Меси, Роналдо ...

Тоа е неславно друштво на великани кои, иако во тој момент биле актуелни освојувачи на „Златната топка“, сепак останале без светската титула.

Усман Дембеле нема да има можност да испише историја во светскиот фудбал!

Францускиот репрезентативец и актуелен освојувач на „Златната топка“ не успеа да се пласира во финалето на Светското првенство, откако Франција беше поразена од Шпанија во полуфиналето со резултат 0:2.

Со тоа продолжи она што многумина го нарекуваат „проклетството на Златната топка“. Ниту еден фудбалер кој ја освоил оваа најпрестижна индивидуална награда во годината пред Светското првенство, не успеал истовремено да го подигне и трофејот наменет за светскиот шампион.

Дембеле имаше идеална можност да ја прекине таа неверојатна низа, но неговиот сон згасна во полуфиналето. На тој начин, тој се приклучи на елитното, но неславно друштво на великани кои исто така останаа без светската титула иако во тој момент ја поседуваа „Златната топка“.

Истата судбина пред Дембеле ја доживеаја и легендите: Еузебио во 1966 и Мишел Платини во 1986 година, кои со своите репрезентации беа запрени во полуфиналето на Светското првенство.

Чекор подалеку, но без титула останаа и : Џани Ривера го загуби финалето со Италија во 1970 година, Јохан Кројф со Холандија во 1974, Карл-Хајнц Румениге со Западна Германија во 1982, а Роберто Баџо со Италија во 1994 година; додека Роналдо Назарио да Лима, една година откако ја освои „Златната топка“, го доживеа болниот пораз на Бразил од Франција во финалето на Светското првенство во 1998 година.

На листата на оние што не успеаја да ја прекинат оваа необична клетва се и Лионел Меси и Кристијано Роналдо.

Аргентина, предводена од Меси, беше елиминирана во четвртфиналето во 2010 година, додека Португалија со Роналдо во 2014 година испадна уште во групната фаза, а четири години подоцна го заврши натпреварувањето во осминафиналето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Белгија ќе воведе вињети

Белгија ќе воведе вињети и за домашни и за странски возила од мај 2027 година, се согласија сите три белгиски региони.

Белгија ќе воведе вињети

Возачите ќе можат да купат дигитална вињета преку интернет или на бензински пумпи, а овој вид пропусница ќе биде поврзана со регистарската табличка.

Годишната такса за користење на белгиските автопати и регионални патишта ќе варира во зависност од видот на возилото. Најниската цена ќе биде за електрични автомобили, 90 евра годишно. Постарите бензински и дизел возила ќе треба да платат до 125 евра годишно.

Вињетите ќе бидат достапни и за пократки периоди, од еден ден до два месеци. Мотоциклите и автобусите ќе бидат меѓу возилата ослободени од шемата, се согласија регионите Фландрија, Валонија и Брисел.

Некои детали од планот сè уште не се утврдени, како на пример како ќе се регистрираат возилата за патарини и дали белгиските возачи ќе добијат даночни олеснувања за тоа. Белгија во моментов не наплаќа за користење на автопати.

Тагови: Белгија вињети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воз опкружен со пожар во Канада, машиновозачот снимен како поминува низ пламен (ВИДЕО)

Жртви на шумски пожари беснеат низ делови од Канада, додека рекордно висока топлотна купола ги гори регионите во близина на границата со САД.

Воз опкружен со пожар во Канада, машиновозачот снимен како поминува низ пламен (ВИДЕО)

Снимките од Армстронг, Онтарио, покажуваат товарен воз во пламен, а небото над Монтреал стана жолто во вторник наутро од чадот што се издига од пожарите стотици километри оддалечени во северен Квебек и северозападен Онтарио, објавува „The Telegraph“.

Видео направено од внатрешноста на кабината на возот го покажува пејзажот зафатен од портокалови пламени, а машиновозачот вели: „Ова може да нè проголта, станува малку страшно, по ѓаволите. Сега сме опкружени со пламен.“

Предупредувања за топлина и квалитет на воздух

Издадени се предупредувања за топлина за повеќе од 100 милиони луѓе. Се предвидува температурите да достигнат 38 степени Целзиусови во Отава и Торонто, а влажноста ги прави условите да изгледаат уште потопли. Канадскиот оддел за животна средина и климатски промени предупреди на влошување на квалитетот на воздухот, што може „да резултира со тоа што Индексот за квалитет на воздухот се приближува кон категоријата со висок ризик.“

Метеоролозите очекуваат топлината да се намали во повеќето области до крајот на неделата, иако топлотната купола - област со висок притисок што го заробува топлиот воздух, истиснувајќи облаци и дожд - би можела да се задржи до крајот на месецот.

Топлинскиот бран се шири кон САД

Билингс, град во јужна Монтана, во вторник забележа 44 степени Целзиусови, додека Солт Лејк Сити, Јута, достигна 43 степени. Националната метеоролошка служба на САД соопшти дека најинтензивната топлина ќе го достигне североистокот во среда и ќе се прошири кон средноатлантскиот регион.

Се очекува градовите од Ричмонд, Вирџинија, до Бостон, Масачусетс, да се приближат до 38 степени Целзиусови, заканувајќи се на дневните рекорди.

Научници: Последица од климатските промени

Научниците велат дека настанот одразува климатски систем кој е изменет од децениите емисии на фосилни горива. Марк Алеси, климатолог во Унијата на загрижени научници, рече дека топлотните куполи се природен дел од климатскиот систем, но тој нагласи дека тие сега се однесуваат поинаку поради потопла атмосфера и океан.

„Нашата атмосфера е многу потопла. Нашите океани се многу потопли. Тие испуштаат многу повеќе топлина во атмосферата, а оваа топлинска купола е пример за тоа како изгледаат климатските промени предизвикани од фосилни горива“, рече тој.

Екстремна топлина и улогата на Ел Нињо

Посебна анализа од групата „World Weather Attribution“ покажа дека екстремната топлина и влажност што го погодија Источниот брег околу празникот Четврти јули би биле „практично невозможни“ без климатските промени предизвикани од човекот.

Метеоролозите го следат и развојот на Ел Нињо, бран на океанска топлина што се јавува два до три пати во една деценија и се очекува да ги наруши временските обрасци во Пацификот. Прогнозерите велат дека временскиот феномен, за кој се очекува да достигне врв помеѓу октомври и декември, би можел да биде најсилниот досега забележан.

Извор: Индекс.хр

Тагови: воз канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер