Економија

Димитриеска-Кочоска на средба со претставници на Светска банка: Потврдена поддршката за реформите

Министерката за финансии Гордана Димитриеска-Кочоска оствари средба со регионалната потпретседателка на Светската банка за Европа и Централна Азија Антонела Басани.

Во рамки на Пролетните средби на Светската банка и Меѓународниот монетарен фонд во Вашингтон, министерката за финансии Гордана Димитриеска-Кочоска оствари средба со регионалната потпретседателка на Светската банка за Европа и Централна Азија Антонела Басани, регионалната директорка за Западен Балкан Шиаочин Ју, извршниот директор Јуџин Ругенаат и раководителката на Канцеларијата на Светската банка за Косово и РС Македонија Карол Межеван.

На средбата беше разговарано за досегашната соработка меѓу Македонија и Светска банка, при што беше истакнато дека оваа меѓународна финансиска институција останува еден од најзначајните партнери на земјата во поддршката на развојните политики, институционалните реформи и капиталните инвестиции.

Соговорниците направија осврт на тековното портфолио на активни проекти, кои се насочени кон подобрување на јавните финансии, модернизација на инфраструктурата, енергетска ефикасност, образованието, социјалната заштита и земјоделството.

Посебно внимание беше посветено на реализацијата на Рамката за партнерство со Светска банка за периодот 2024–2028 година, која предвидува значителна финансиска и техничка поддршка за земјата во наредниот период.

Во таа насока беше нагласено дека клучни приоритети остануваат подобрувањето на квалитетот на јавните услуги, создавањето услови за попродуктивен приватен сектор и отворање нови работни места, како и зголемувањето на отпорноста на економијата на климатските предизвици.

Министерката Димитриеска-Кочоска истакна дека Владата останува посветена на спроведување на реформите кои ќе обезбедат одржување на макроекономската стабилност, стабилни јавни финансии и подобрување на животниот стандард на граѓаните. Таа нагласи дека партнерството со Светска банка има важна улога во спроведувањето на структурните реформи и во реализацијата на стратешките инвестиции кои треба да придонесат за долгорочен економски раст и поголема економска конкурентност.

Во разговорите беше отворено и прашањето за идната соработка меѓу државата и Светска банка, при што беа разгледани можностите за поддршка на нови стратешки инвестиции, како и потенцијална буџетска поддршка поврзана со спроведување на реформските процеси. Посебен интерес беше искажан за проекти во областа на енергетиката, инфраструктурата и модернизацијата на јавниот сектор, со цел создавање поодржлив економски раст и поголема отпорност на економијата на надворешни предизвици.

На состанокот беше разговарано и за можностите за користење на нови финансиски инструменти што би овозможиле дополнителна поддршка за реформската агенда на земјата, како и за реализација на проекти кои имаат долгорочно значење за економскиот развој.

Претставниците на Светска банка ја поздравија определбата на Владата за продолжување на реформите и ја потврдија подготвеноста на институцијата и во наредниот период да обезбедува експертска и финансиска поддршка за остварување на развојните приоритети на земјата.

На средбата покрај министерката присуствуваше и гувернерот на Народната банка Трајко Славески.

Одделение за односи со јавност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото „Жешката“ Италијанка„го запали“ Светското првенство и социјалните мрежите

Атрактивната италијанска ТВ водителка Елеонора Инкардона импресионираше на самиот почеток на Светското фудбалско првенство иако нејзината Италија не учествува на 23 Мундијал.

Сексапилната Елеонора со серија фотки го запали социјалните мрежи и сега сите како што минуваат деновите, очекуваат нови изненадувања од неа.

Италијанската водителка Елеонора Инкардона, која многумина ја нарекуваат најубавата Италијанка, објави серија фотографии од Светското првенство, овој пат го следеше натпреварот помеѓу Франција и Сенегал.

Елеонора на мечот се појавила во комплет составен од панталони и топ, во светли нијанси.

Ефективна шминка и само една нараквица дополнително го надополнија целото издание, а Елеонора позираше со насмевка и уживаше во сите комплименти што ги привлече.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар го пропушта и 2 коло на Мундијалот

Ѕвездата на фудбалската селекција на Бразил, капитенот Нејмар го пропушта и дуелот од 2 коло против Хаити на Светскиот шампионат во САД, Канада и Мексико, потврди тамошната Федерација.

Нејмар нема да патува во Филаделфија за натпреварот од второто коло од групната фаза. Тој ќе остане во Њу Џерси, каде што влегува во завршната фаза од процесот на рехабилотација од повредата.

Синоќа Нејмар тренираше за прв пат откако се приклучи на репрезентацијата на Бразил за Светското првенство.

Тој работеше индивидуално во теретаната на хотелот каде што престојува делегацијата. Сè уште му е забрането да учествува во активности што бараат физички контакт.

Тој не одиграл официјален натпревар од 17 мај, а оттогаш е посветен на единствената цел - рехабилитација. Прашањето е дали ќе биде во протоколот за натпреварот против Шкотска на 25 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани.

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.