ДИК: Заврши гласањето на болните, немоќните и затворениците- во дијаспората и натаму се гласа

Со право на глас на Претседателските избори 2024 во Избирачкиот список се запишани вкупно 1.814.317 гласачи.

На 31 гласачко место во дипломатско конзуларни претставништва во странство, 2.569 гласачи кои се пријавиле и чии пријави се прифатени од Државната изборна комисија имаа можност да го остварат своето гласачко право.

Се уште се отворени шест гласачки места каде гласањето ќе трае до 19 часот според временската зона на земјата каде што се гласа.

До 19 часот, според информациите кои ги добиваме од избирачките одбори, вкупната излезност од гласањето во странство изнесува 891 гласачи, односно 35 %. Напоменуваме дека во оваа излезност поради временската зона не се вклучени шест избирачки места каде што сеуште трае гласањето.

14-те гласачки места во казнено поправни установи каде своето гласачко право денеска можеа да го остварат 2.147 гласачи се затворени. Гласањето таму течеше без проблеми, а до 19 часот, според информациите од избирачките одбори, гласаа 1.380 гласачи или 64% од запишаните.

Во текот на денешниот ден своето гласачко право во единствениот центар за внатрешно раселени лица можеа да го остварат и 2 гласачи кои се водат како внатрешно раселени и истите го отвариле своето право. Гласачкото место и во центарот за раселени лица е затворено.

Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени.

Од вкупно 250 гласачи од 7 центри, гласале 208 гласачи или 83%.

Во текот на денешниот ден избирачките одбори во Македонија го спроведуваат и гласањето на лица кои се болни или немоќни, а кои до општинските изборни комисии доставиле известувања со соодветна документација. Во своите домови гласачкото право го остваруваа 6.935 граѓани кои се пријавиле како болни и немоќни. До сега, според информациите од општинските изборни комисии, гласале 6.543 односно 94% болни или немоќни лица.

Потсетуваме дека Државната изборна комисија досега издаде акредитации за набљудување на 915 домашни, 628 странски и меѓународни набљудувачи и 38 странски новинари.

На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, Х, Инстаграм и каналот на Јутјуб. Таму можете да најдете правовремени и точни информации поврзани со изборите.

ДРЖАВНА ИЗБОРНА КОМИСИЈА

Чибишев нов директор на Токсикологија, Меџити на Неврологија

Чибишев нов директор на Токсикологија, Меџити на Неврологија, утре нов директор ќе има и Онкологија.

Андон Чибишев е новиот директор на Клиниката за токсикологија, а утре ќе биде назначен нов директор на Клиниката за онкологија, изјави денеска министерот за здравство Арбен Таравари, кој беше во посета на Здравствениот дом Скопје од каде најави вработувања во здравството.

- Професор Чибишев ќе биде новиот директор на Токсикологија. Исто така се надевам дека утре ќе го назначиме и новиот директор на Онкологија бидејќи таму решението за в.д. директорката е поминато кон средината на јуни. На Неврологија, нов директор е поранешниот министер за здравство д-р Фатмир Меџити, изјави Таравари.

Министерот за здравство потврди дека се сменети организациските директори на девет клиники, меѓу кои и на Токсикологија. Потврди дека се пронајдени неправилности во работењето на економската директорка Бесија Иљази на Токсикологија.

– Најверојатно да, службите го имаат тоа. Секако дека ние одлучивме веднаш да се разреши и да се назначи нов директор. Нема веќе да има економски директори, тоа е целта, рече Таравари.

[Изјава на в.д. претседателот на Алијанса за Албанците, Арбен Таравари по средбата со премиерот Димитар Ковачевски. ]

Многу скоро, како што најави, ќе биде предложен законот за да нема економски директори на клиниките.

– Многу скоро ќе предложам нов закон за здравствена заштита во којшто нема да има економски директори во сите установи. Кај што има, ако не се лажам повеќе од 100 вработени, така е законот, ќе предвидиме да има само професионален еден директор на клиника или болница или јавна здравствена установа, рече Таравари.

Се надева дека што побргу ќе бидат синхронизирани и систематизациите и ќе се донесе нова одлука за спојување на цел Клинички центар во иста установа.

- Истото важи и за здравствените домови и за болниците. Зборувам за помалите градови каде што има општа болница и здравствен дом, ќе бидат споени во едно што ќе се вика општа болница. Нема да има двајца, тројца, четворица директори, туку само еден, како што беше порано, рече Таравари.

На Трамп му беше претставен нов план за мир во Украина

Двајца од клучните советници на Доналд Трамп му претставија план за ставање крај на руската војна во Украина – доколку победи на претседателските избори,.

Што вклучува и соопштување на Украина дека ќе добие дополнително американско оружје само ако влезе во мировни преговори со Русија.

Во исто време САД би ја предупредиле москва дека секое одбивање да преговара ќе резултира со зголемена американска поддршка за Украина, изјави во интервју пензионираниот генерал-полковник кит келог, еден од советниците на трамп за национална безбедност.

Швајцарска донација за ТППЕ Берово

 Општина Берово обезбеди швајцарска донација за  унапредување на системот за противпожарна заштита, информираше градоначалникот на Општината, Звонко Пекевски. 

Тој заедно со делегација од општина Берово престојува во Швајцарија, каде што ја прими донацијата, противпожарна скала, што ќе биде дополнителна опрема за Територијалната противпожарна единица од Берово во борбата со справување со пожарите.

-Преку донација од Швајцарската фирма Chatel-Saint-Denis, го унапредуваме системот за противпожарна заштита во Берово

Новата противпожарна опрема, е од исклучителна важност, не само за опременоста на беровската територијална противпожарна единица, туку и за безбедноста на граѓаните во урбаните и руралните подрачја и за заштитата на животната средина, истакна Пекевски.

Швајцарија како што додаде долги години е поддржувач на Берово, во областа на заштита и зачувување на природата.

- Се надевам дека и оваа донација ќе биде од голема корист во справувањето со елементарни непогоди. Упатувам благодарност за донацијата, која ќе ни помогне во ефикасната противпожарна заштита за зачувувањето на природните ресурси, додаде Пекевски.

Изрази надеж дека ова е само почеток на соработката која во иднина ќе се унапредува.

притисни ентер