Според него постои можност тоа да се направи преку измени во правилникот за кандидатури, а доколку постои политичка воља измените на Изборниот законик со кои се предвидува собирање потписи за независни кандидатури и советнички листи можат бидат изгласани уште утре, но дека тие се блокирани од опозициската ДУИ.

„Усогласен е меѓу политичките партии во Парламенот со исклучок на една која во последен момент се премисли затоа што сакала членот од нивните редови во ДИК да може да стави вето на одлуката на Комисијата и на општинските избирачки одбори. Тоа никаде го нема во светот, такво нешто не постои. Во овој случај одлуката е кај ДИК, има механизам и они можат тоа да го донесат во својот Правилник“– Христијан Мицкоски, претседател на влада .

Државната изборна комисија веќе го стави вон сила Правилникот за регулирање на постапката за собирање потписи за назависни кандидатури. Претседателот на ДИК Борис Кондарко вели дека нема простор за стравување од страна на независните и појаснува дека доколку во предвидениот рок од 10 дена по распишаните избори Изборниот законик не биде донесен во Собранието ДИК ќе го промени Упатсвото за поднесување листи и нема да има потреба од собирање потписи.

„Доколку евентулано собранието не ги донесе измените на Изборниот законик тогаш ДИК уште во наредиве денови на седница ќе изврши прецизирање на упатсвото за поднесување на листи. Значи имаме посебно упатсво за поднесување листи каде што услови за учество не се само бројот на собрани потписи, туку има и повеќе други законски услови кои сите учесници подеднавко треба да ги исполнат. Ќе пристапиме кон промена и прецизирање на упаството за поднесување на листи, а во смисла на примена на членот 60 за поднесување на листи на група избирачи без собирање на потписи, потенцирам без потпици. Така што за ДИК ова прашање е затворено и ДИК целосно ќе го почитува Изборниот закон и ќе ги озвозможи сите права подеднакво на сите учесници во изборите“– Борис Кондарко, претседател на ДИК .

Но и покрај најавите од ДИК дел од граѓанските иницијативи не се откажуваат од идејата да формираат политички партии. Потписи веќе собираат од Зелен хуман град, а најава дека тоа ќе го сторат има и од Независни за Карпош, Шанса за Центар и Зелените од Гази Баба кои ќе собираат пописи за заедничка политичка платформа „Независни заедно“. Очекувањата за предизборната кампањата на премиерот Мицкоски се дека таа ќе биде насочена кон проекти за граѓаните, а не кон теми од минатото. Убеден е дека владината коалиција ќе биде апсолутен победник на локалните избори чии прв круг ќе се одржи на 19-ти октомври, а на опозициката ДУИ и порача да не се обидуват под превезот на лажен патриотизам со теми од пред 20 години. Порача дека граѓаните наесен ќе избираат меѓу два конецепти – за пустошење на земјава или за градење заедничка иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.