Дигитализираниот Мис Стон за петтото издание на „Сезона на класични филмови“ - Канал 5

Култура

Дигитализираниот Мис Стон за петтото издание на „Сезона на класични филмови“

Кинотеката на Македонија со дигиталната реставрација на филмот Мис Стон по четврти пат ќе биде дел од европскиот проект „Сезона на класични филмови“ .

Дигитализираниот Мис Стон за петтото издание на „Сезона на класични филмови“

Кинотеката на Македонија со дигиталната реставрација на филмот Мис Стон по четврти пат ќе биде дел од европскиот проект „Сезона на класични филмови“ што го организира Европската асоцијација на кинотеки (ACE - Association des Cinémathèques Européennes).

Кинотеката сооопшти дека по успешните дигитализации на филмовите Мирно лето (1961), Фросина (1952), Мементо (1967) и реставрираните етнолошки филмови на Вера Кличкова - Русалиски обичаи во Гевгелиско (1957), Велигденски обичаи (1954), Маеиовска свадба (1966), оваа година се работеше на дигитализација и реставрација на филмот Мис Стон на Живорад Жика Митровиќ од 1958 година.

Проекцијата на новата дигитализирана копија на Мис Стон ќе биде одржана на 20 декември (петок) во 20 часот во киносалата на Кинотеката. Филмот истовремено, преку „лајв стриминг“, ќе се прикаже на официјалната Јутјуб страна на Кинотеката, како и на социјалните мрежи на Кинотеката и на Европската асоцијација на кинотеки (ACE - Association des Cinémathèques Européennes).

Филмот „Мис Стон“ е инспириран од вистински настан што се случил во 1901 година – киднапирањето на американската протестантска мисионерка Елен Стоун и нејзината сопатничка Катерина Цилка од страна на четата на Јане Сандански, кои за нивно ослободување бараат откуп што треба да служи за финансирање на македонската револуционерна борба.

Приказната е заснована на вистински настани кои историчарите ќе ги опишат како „Првата модерна американска заложничка криза“. Мис Стон филмската критика ќе го опише како т.н „истерн“ т.е. вестерн филм изработен во „источна“ иконографија.

Своевремено, Мис Стон беше меѓу најскапите и најамбициозни југословенски продукции, прв македонски филм во колор, но и и прв југословенски филм во тоталскоп техника – како што тогаш се снимаа костимираните историски епопеи во филмското студио Чинечитаво во Рим, Италија. Филмот, во режија на тогаш едно од најголемите режисерски имиња во Југославија, Живорад Жика Митровиќ, беше отскочна штица за продуцентската куќа „Вардар филм“, преку која се докажа пред конкурентните, поискусни и подобро екипирани филмски претпријатија на југословенскиот филмски пазар, а во исто време даваше приказ на македонското историското минато за кое дотогаш ретко се истражуваше и јавно пишуваше, и за кое многу малку се знаешe, наведуваат од Кинотека.

Сценариото е на писателот Ѓорѓи Абаџиев и режисерот Трајче Попов, додека пак главните улоги ги толкуваат Олга Спиридоновиќ, Илија Милчин, Марија Тоциноски, Илија Џувалековски, Драган Оцоколиќ, Драги Костовски, Вукан Диневски, и секако, незаборавниот Петре Прличко.

Олга Спиридоновиќ и Петре Прличко за своите улоги – Елен Стон и Манданата – биле наградени со „Златна арена“ за најдобра актерка и најдобар актер на филмскиот фестивал во Пула во 1959 година.

Проектот „Сезона на класични филмови“ (A Season of Classic Films), надоврзувајќи се на успехот од претходните години, и оваа година ќе нуди бесплатни проекции на новореставрирани филмови во кино и онлајн, со цел да се подигне свеста за работата на европските филмски архиви и нивната работа во заштитата и реставрацијата на филмови и кино културата, особено за помладите генерации.

Во досегашните пет изданија, овој проект поддржа реставрација и проекции на повеќе од 170 европски филмови, а за Кинотеката тоа значеше дигитализација и реставрација на три играни и три документарни македонски филмови.

Секоја од институциите која е дел од овој проект ги презентира избраните филмски класици – дигитално или аналогно реставрирани – пред публиката и „он-лајн“ или со проекција во живо, а во придружба на посебно компонирана музика или музичка изведба во живо (доколку станува збор за нем филм), или пак – надополнети со изложба, дискусија, предавање, или друг пропратен настан.

Проектот „Сезона на филмски класици“ е координиран од ACE (Европската асоцијација на кинотеки / Association des Cinematheques Europeennes) и поддржана од програмата МЕДИА на Европската комисија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„iPhone 18 Pro“ ќе биде многу поскап, но дали ќе има ист простор за складирање?

Се чини дека „iPhone 18 Pro“ би можел да биде значително поскап од сегашниот модел, а според новите извештаи, нема да има поголем основен капацитет за складирање.

„iPhone 18 Pro“ ќе биде многу поскап, но дали ќе има ист простор за складирање?

Тајванската истражувачка фирма „TrendForce“ проценува дека цената на компонентите за „iPhone 18 Pro“ ќе биде речиси 40 проценти повисока отколку за „iPhone 17 Pro“. И покрај ова, основниот модел на „iPhone 18 Pro“ наводно ќе има 256 GB внатрешна меморија, што моментално го нуди „iPhone 17 Pro“.

Ова значи дека капацитетот за складирање на моделот „Pro“ би изгледал вака:

• iPhone 16 Pro - 128 GB

• iPhone 17 Pro - 256 GB

• iPhone 18 Pro - 256 GB

„TrendForce“ не го спомена конкретно „iPhone 18 Pro Max“ во извештајот, но „Apple“ ги понуди моделите „Pro“ и „Pro Max“ со ист почетен капацитет за складирање за претходните две генерации, па се очекува дека истото би можело да важи и за новата генерација, објавува „MacRumors“.

Доаѓа повисока цена

Сепак, фактот дека основниот капацитет останува ист не значи дека цената ќе остане иста. Напротив, „TrendForce“ наведува дека зголемувањето на цените за моделот „iPhone 18 Pro“ е практично „неизбежно“, првенствено поради зголемените трошоци за компонентите.

Посебен проблем е меморијата. Цената на „RAM“ меморијата значително се зголеми поради моменталниот недостиг на мемориски чипови, додека се очекува цената на меморијата за складирање и новиот чип „A20 Pro“ исто така да се зголеми.

Според претходните информации, почетната цена на „iPhone 18 Pro“ во САД би можела да биде за 200 до 300 долари повисока од „iPhone 17 Pro“.

Во тој случај, „iPhone 18 Pro“ би можел да започне од дури 1.399 долари, додека почетната цена на „iPhone 18 Pro Max“ би можела да достигне 1.499 долари.

Извор: Б92

Тагови: iPhone 18 Pro

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер