Шоу биз

Диди бара префрлање во друг затвор

Откако беше осуден на четири години и два месеци затвор, контроверзниот рапер и продуцент Шон Диди Комбс се труди најдобро што може да го убеди судијата да дозволи да биде префрлен од њујоршкиот МДЦ Бруклин во друг, помалку строг затвор.

Пи Диди , некогаш еден од највлијателните луѓе во музичката индустрија, беше прогласен за виновен за организирање повеќедневни секс забави во кои учествуваа неговите поранешни партнерки и машки сексуални работници.

Покрај затворската казна, тој ќе мора да плати 500.000 долари и да учествува во програми за ментално здравје и лекување на зависност. Во барањата што ги поднесоа до федерален судија, адвокатите на Комбс тврдат дека престојот на раперот во MDC Brooklyn е неподнослив и дека се плаши за сопствената безбедност.

Поради тоа, Диди бара да го отслужи остатокот од казната во FCI Fort Dix во Њу Џерси - отворен затвор познат по своите терапевтски и образовни програми. Учеството во програми за лекување на зависност, образовни и работни активности би му обезбедиле стабилност и структура за закрепнување - наведе неговиот адвокат во поднесокот, додавајќи дека преместувањето би овозможило и почести семејни посети. Комбс моментално е во специјална единица во MDC Brooklyn.

Единицата е позната по речиси целосна изолација на затворениците и екстремно лоши услови. Во писмо до судијата, раперот го опишал својот секојдневен живот како нехуман, тврдејќи дека во затворот нема чиста вода за пиење и доволно простор за затворениците.

„Го изгубив патот во животот. Поради моите одлуки, ја изгубив слободата, кариерата и угледот. Но, најлошо од сè, ја изгубив самопочитта“, рече Комбс при изрекувањето на пресудата, додавајќи дека затворот го принудил да се соочи со своето минато.

Тој, исто така, забележа дека ова бил неговиот прв подолг период на целосна трезвеност во последните 25 години.

Тагови: Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Вечерва Бела ноќ во Скопје

Вечерва од 19:00 до 03:00 часот, плоштадите, мостовите, галериите, музеите и чаршијата ќе бидат места за нови доживувања и средби што се паметат.

- Има ноќи во кои градот се доживува поинаку. Ноќи во кои улиците стануваат сцена, уметноста ни доаѓа во пресрет, а музиката нè спојува. Скопје повторно ќе живее една таква ноќ, нашата Бела ноќ! Ве поканувам заедно да го исполниме Скопје со љубопитност, насмевки и енергија и да ја почувствуваме неговата креативна сила – истакна Градоначалникот на Град Скопје, Орце Ѓорѓиевски.

Само за „Бела ноќ“, работното време на угостителските објекти на подрачјето на Град Скопје се продолжува за два часа, за дружењето и убавата атмосфера да траат подолго.

За сите полесно да бидат дел од оваа ноќ, превозот со ЈСП ќе биде бесплатен од 18:00 часот на 3 октомври до 05:00 часот на 4 октомври.

Во рамките на „Бела ноќ“, бесплатен ќе биде и влезот во Зоолошката градина Скопје.

Уметноста ве очекува на плоштадот „Мајка Тереза“, на платото пред МОБ, во МКЦ, на Мостот на уметноста, на Боемска улица и во Старата скопска чаршија.

Дел од оваа ноќ ќе бидат и Музејот на Град Скопје, „Аудио Култура“, Домот на градежници, „Мала станица“, ДКЦ „Карпош“, Градската библиотека, Чифте амам, улицата „Македонија“ и Музејот на современа уметност.

Излезете со семејството, повикајте ги пријателите и одберете ја својата прва станица. Дозволете му на Скопје да ве изненади со нешто што досега не сте го виделе, слушнале или почувствувале.

Бела ноќ е покана за сите генерации, за сите што го сакаат овој град и за сите што допрва ќе го доживеат.

Да ги наполниме улиците со живот и да создадеме уште еден убав спомен за нашето Скопје!

Тагови: Бела ноќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на увид на градежни активности на мостот на улица „Љубљанска“ во Карпош

Претседателот на Владата на Македонија, Христијан Мицкоски ќе изврши увид на градежни активности на мостот во изградба на улица „Љубљанска“ во Општина Карпош.

По завршување на увидот предвидено е премиерот да даде изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај во Скопје поради фудбалски натпревар на арената „Тодор Проески“

Вечерва со почеток од 20:45 часот ќе се одржи фудбалски натпревар од Лига на нации помеѓу репрезентациите на Македонија и Шкотска на арената „Тодор Проески“ во Скопје.

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот.

Апел до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Тагови: Посебен режим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.