Девојка загина по напад на ајкула покрај плажа во Австралија, нејзиното момче се бори за живот - Канал 5

Свет

Девојка загина по напад на ајкула покрај плажа во Австралија, нејзиното момче се бори за живот

Девојка загина,  а момче е сериозно повредено откако биле нападнати од ајкула додека пливале на оддалечена плажа во австралиската држава Нов Јужен Велс.

Девојка загина по напад на ајкула покрај плажа во Австралија, нејзиното момче се бори за живот

Полицијата соопшти дека девојката, за која се верува дека имала околу 20 години, починала на местото на настанот, додека момчето, исто така на околу 20 години, бил префрлен со хеликоптер во болница во Њукасл во критична состојба.

Амбулантни возила биле повикани денеска на плажата Кајлс, во Националниот парк Кроуди Беј, околу 300 километри северно од Сиднеј, во раните утрински часови по локално време, соопшти полицијата.

Властите го пофалија минувачот кој употребил импровизирана стега за да го запре крварењето на ногата на младиот човек пред да пристигнат болничарите, што веројатно му го спасило животот.

„Храброста на некои луѓе во овие ситуации е неверојатна. Да се ​​направи нешто такво е херојски чин и ни донесе време да стигнеме до пациентот“, рече началникот на брзата помош Џош Смит.

Властите изјавија дека нападот најверојатно го извршила голема ајкула, соопшти Одделот за примарни индустрии.

Ајкулите бикови, кои живеат и во слатка и во солена вода, се меѓу неколкуте видови кои можат да бидат особено опасни за луѓето, според Австралискиот музеј. Тие се третиот најсмртоносен вид ајкули, според Меѓународниот запис за напади на ајкули. Ајкулите можат да пораснат до 4 метри.

Плажата е затворена и во водата е поставена мамка со куки за да се привлечат ајкулите за да можат да бидат обележани и вратени во морето.

Службата за спасување соопшти дека блиските плажи исто така ќе бидат затворени 24 часа, додека беспилотните летала ќе летаат над областа.

„Ова е ужасна трагедија и изразуваме најдлабоко сочувство до семејствата “, рече главниот извршен директор на службата за спасување, Стив Пирс, повикувајќи ги луѓето да се држат подалеку од водата на блиските плажи и да ги следат упатствата на спасувачите.

Ова е петтиот фатален напад на ајкула во Австралија оваа година. Последниот се случи пред помалку од три месеци, кога еден човек загина во редок напад на ајкула на северните плажи во Сиднеј.

Тагови: Австралија ајкула

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони најави ограничување на бројот на странски ученици и забрана за бурки и никаби во училиштата

Италијанската премиерка Џорџа Мелони најави дека наскоро до владата ќе предложи мерка со који ќе се ограничи бројот на странски ученици во училишните одделенија и ќе се забрани носењето бурки и никаби во училиштата.

Мелони најави ограничување на бројот на странски ученици и забрана за бурки и никаби во училиштата

Мелони ова го соопштила пред младинската организација на нејзината партија „Италијански браќа“, додавајќи и дека со мерката исто така ќе стане задолжително изучувањето на италијанскиот јазик за родителите на странските ученици кои имаат „сериозни тешкотии при интеграцијата во училишниот систем“.

– За нас, секој што доаѓа во Италија и сака да ја гради својата иднина тука, мора да го научи нашиот јазик, да ја разбере нашата култура и да ги почитува нашите правила. Тоа е единствениот сериозен начин да ги пречекаме – изјавила Мелони.

Откако ќе биде одобрена од владата, мерката ќе треба да помине и во парламентот во рок од 60 дена за да стапи на сила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

По драмата околу борбата за децата, Лука Дончиќ ја отвори душата- Каде и да е тато ...

Еден од најдобрите светски кошаркари, НБА ѕвездата на ЛА Лејкерс, Лука Дончиќ повторно ја покажа својата емотивна страна.

По драмата околу борбата за децата, Лука Дончиќ ја отвори душата- Каде и да е тато ...

По драмата околу борбата за децата, еден од најдобрите светски кошаркари, Словенецот Лука Дончиќ ја отвори душата како никогаш досега.

Лука Дончиќ повторно ја покажа својата емотивна страна, а неговата најнова објава на Инстаграм привлече големо внимание во јавноста.

Словенечкиот кошаркарски ас објави серија фотографии од своите ќерки Габриела и Оливија, придружени со порака што кај многумина предизвика солзи во очите.

„Г и О, без оглед на тоа каде во светот се наоѓа тато, не поминува ден а да не сте во моето срце. Каде и да одам, вие сте секогаш со мене. Ве сакам!“ – напиша Лука Дончиќ покрај фотографиите од своите девојчиња.

Овој пост на Лука доаѓа по исклучително бурен период во неговиот приватен живот.

Дончиќ раскина со мајката на Габриела и Оливија, Анамарија Голтес, неговата долгогодишна партнерка и свршеница.

Нивната љубовна приказна со години го привлекуваше вниманието на јавноста, поради што нивното раскинување предизвика бројни реакции. Лука и Анамарија се запознале уште како тинејџери, а нивната врска траела со години.

По бројни подеми и падови, тие се свршиле во 2023 година, а потоа добиле две ќерки. Сепак, нивната љубовна приказна немаше среќен крај.

Тагови: Лука Дончиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Единствена Русија“ на Путун со убедлива победа на изборите

„Единствена Русија“ на Владимир Путин оствари убедлива победа на парламентарните избори во Русија.

„Единствена Русија“ на Путун со убедлива победа на изборите

Со пребројани над 71 отсто од гласовите, како што објавуваат руските новински агенции, Единствна Русија освоила 57,5 отсто, Комунистичката партија и Националистичката либерално демократска партија имале 14 и 8,7 отсто од гласовите..

Според прогнозите на ТАСС, владејачката партија е на добар пат да го задржи двотретинското мнозинство во Државната Дума со 450 места..

Изборите се одржаа и на окупираните териториии во Украина, анектирани од Русија и ова се први избори по руската инвазија во Украина.. Ниту една од партиите кои беа против војната не добија дозвола да влезат во изборната трка..

Вчера на последниот ден од гласањето Украина лансираше беспилотни летала кон Москва, при што загинаа две лица а беше запалена рафинерија за нафта

Русија најави интензивирање на нападите кон Киев, и ја обвини Украина дека се обидела да „ја потисне демократската волја на руските граѓани“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер