Девојка во инвалидска количка добила оригинална покана за матурска вечер (фото и видео) - Канал 5

Забава

Девојка во инвалидска количка добила оригинална покана за матурска вечер (фото и видео)

Сите трпеливо чекале да тргнат, изненадувањето било огромно кога видела кој ја бара! 

Девојка во инвалидска количка добила оригинална покана за матурска вечер (фото и видео)

Снимката на Тикток трогна многумина.

Матурската вечер за многумина е една од најважните вечери во животот. Во западните култури сè уште се практикува момчињата да ги канат девојките за заедно да одат на таа специјална вечер. Иако многумина сè уште одат поединечно или во група од неколку другари, сепак и понатаму се смета дека за дамата е најубаво кога ќе добие официјална покана за матурската вечер. Многу љубовни приказни кои биле крунисани со брак започнале токму вака, а една стана многу популарна на Tикток.

Видеото започнува со слика од паралелката во едно средно училиште, додека во центарот на вниманието е една русокоса девојка која седи и слуша настава. Таа е во инвалидска количка. Часот завршува, а во планот на момчето кое сакало токму неа да ја покани на матруската вечер, се вклучени една професорка и уште неколкумина ученици. Професорката вели дека часот е завршен и секој од учесниците го зема својот лист на кој е напишан збор од реченицата: „Би сакала ли да дојдеш со мене на матурска вечер?“

Момчето кое сакало да ја изненади девојката организирајќи го сето ова, чека со симболичен вештачки цвет што се става на зглобот од раката на партнерката за матурската вечер. Бидејќи е најавен крај на часот, девојката почнува да се пакува. Таа има тажен израз на лицето и делува како да ќе заплаче.

Кога девојката конечно ќе се спакува, и ја врти количката за да се упати кон дома, гледа во групата во која се вклучени и нејзините професори и соучениците држејќи ја пораката. Таа е изненадена, но не знае кој ја кани на матура, бидејќи момчето се крие зад сите нив. Кога видела за кого станува збор, лицето и светнало, но немоејќи да се соземе од шокот едвај успеала да кимне со главата во знак на согласност. Девојката во неверување ја покрива устата со рака и е готова да заплаче од радост.

Видеото на Тикток е прегледано 250.000 пати и е проследено со илјадници коментари.

-Колку е прекрасно ова!

-Мислам дека ова е почеток на прекрасна љубовна приказна...

- Убаво, ми потекоа солзи.

-Оваа девојка засекогаш ќе ја памети таа вечер.

-Тие се толку прекрасен пар!

-И двајцата се преслатки.

@hendersondramaclub_nm Girl in wheelchair get asked to Prom#drama#feelgood#heartwarming#promposal#highschool ♬ original sound - HendersonDramaClub

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Официјално: Мечот на Ѓоковиќ е одложен!

Организаторите на Вимблдон во текот на ноќта потврдија дека четвртфиналниот меч на Новак Ѓоковиќ ќе биде одложен.

Официјално: Мечот на Ѓоковиќ е одложен!

Според распоредот, Ѓоковиќ требаше да игра втор на Централниот терен во вторник, но сепак ќе настапи трет.

Пегула и Коф ќе излезат први на теренот, како што претходно беше планирано, а по нив ќе продолжи дуелот меѓу Зверев и Лехечка, кој претходната вечер беше прекинат поради „полицискиот час“ при резултат 2-0 во сетови и 3:3 во гемови.

Тоа значи дека дуелот меѓу Ѓоковиќ и Оже-Алијасим ќе започне веднаш потоа; почетокот може да доцни околу половина час, но и многу повеќе доколку Чехот го освои третиот сет и ја искомплицира ситуацијата.

Претходно се очекуваше мечот да се одигра околу 16:00 или 16:30 часот... Ситуацијата на Теренот 1 останува непроменета – први ќе играат Синер и Штруф со почеток во 14:00 часот, а по нив ќе настапат Осака и Мухова.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пронајдено тело во близина на Киев; Дали станува збор за атентаторката?

Во близина на Киев е пронајдено безживотното тело на жена. Се претпоставува дека таа е осомничената за обидот за атентат врз украинскиот бизнисмен Вадим Јермолаев во Монако.

Пронајдено тело во близина на Киев; Дали станува збор за атентаторката?

Според украинските медиуми, телото е пронајдено во понеделник, а според неофицијални информации, починатото лице е застрелано. Инаку, на 3 јули Интерпол издаде црвена потерница по Анастасија Березовски, 39-годишна државјанка на Украина, која е назначена за главен осомничен за експлозијата во Монако во која беше ранет украинскиот бизнисмен Вадим Јермолаев вечерта на 29 јуни.

Интерпол исто така објави две фотографии од осомничената, придружени со известување дека таа има тетоважа на десната рака – од рамото до лактот – за која се верува дека прикажува змија.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аморим: Милан е поголем предизвик од Јунајтед

Рубен Аморим призна дека преземањето на Милан претставува уште поголем предизвик од оној со кој се соочи кога го презеде Манчестер Јунајтед. 

Аморим: Милан е поголем предизвик од Јунајтед

Португалскиот тренер официјално ја презеде функцијата шеф на стручниот штаб на италијанскиот гигант на 6 јули; по пристигнувањето во Италија, тој разговараше со медиумите и објасни зошто ја прифатил новата работа, иако претходно изјавуваше дека би избрал помалку захтевен проект.

„Ако погледнете некое мое старо интервју, ќе видите дека ова е клуб што навистина ми значи многу. Тоа е огромен предизвик. По претходниот (Манчестер Јунајтед), си ветив дека ќе изберам помал предизвик. Но, еве ме тука – а предизвикот е уште поголем“, изјави Аморим.

Поранешниот тренер на Спортинг потпиша двегодишен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер