Девојка ужива во кучешки живот: Спие во кафез, водич ја носи на прошетка, јаде кучешка храна - Канал 5

Живот

Девојка ужива во кучешки живот: Спие во кафез, водич ја носи на прошетка, јаде кучешка храна

Популарната  стримерка Меу Дејлин се идентификува како куче и е целосно посветена на животот што го водат крзнените четириножни пријатели.

Девојка ужива во кучешки живот: Спие во кафез, водич ја носи на прошетка, јаде кучешка храна

Спие во кафез и сака да биде наградена со кучешки задоволства за доброто однесување.

Девојката носи крзнени уши и ѓердан, а истакнува дека ја прифатила својата „кучешка енергија“ кога станала независна возрасна личност, пренесува New York Post.

„Сфатив дека штом ќе заработам сама и ќе ја платам киријата, можам да правам што сакам. И јас сакам да бидам куче“, објаснила таа.

Секоја вечер спие во кафез, во кој има ќебе и перници.

„Иако просторот е тесен, се чувствувам безбедно“, рече таа.

На прашањето дали има момче, Меу Далин одговара дека има „водичи“.

„Тие се како тренери на кучиња. Ме хранат, ме носат на прошетки, вежбаме заедно, што ми е една од омилените активности, бидејќи добивам награди“, објаснила таа.

Открива дека најчесто јаде сечкано пилешко или бисквити. Таа тврди дека нејзината исхрана вклучува вистинска храна за кучиња.

Нејзините три „водичи“ ѝ помагаат да го оствари сонот без да мора да плати ништо.

„Не морам никому да плаќам за да поминува време со мене“, рече таа и додаде дека не е во романтична врска со тренерите.

Таа ги смета за пријатели кои делат слични интереси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американец ќе биде јавно погубен пред стрелачки вод, ќе има пренос на ТВ, одобрил Трамп

Американскиот министер за одбрана Пит Хегсет изјави за Би-Би-Си дека погубувањето на Нидал Хасан, кој уби 13 невооружени американски војници во Форт Худ во 2009 година, ќе биде емитувано во живо. 

Американец ќе биде јавно погубен пред стрелачки вод, ќе има пренос на ТВ, одобрил Трамп

Се верува дека тоа е првото јавно погубување во САД по речиси еден век.

„Ќе се погрижиме луѓето да можат да го гледаат и погубувањето да биде јавно. Луѓето треба да разберат дека овие дела имаат сериозни последици“, рече Хегсет.

Но, одлуката не наиде на одобрување од некои во јавноста.

„Одлуката за емитување на погубувањето во живо е преседан во модерната ера и е во правна територија која сè уште не е доволно разјаснета“, рече Џон Милс, адвокат кој ги застапува затворениците осудени на смрт.

Пентагон објави претходно оваа недела дека Хасан ќе биде погубен, што е прво погубување на член на американската војска по повеќе од 60 години.

Хегсет во интервју за конзервативниот „Вистински глас на Америка“ рече дека Хасан ќе биде погубен со стрелачки вод, извршен од војници.

На прашањето дали Хасан имал некои последни барања или се обидел да контактира со претседателот Доналд Трамп, Хегсет даде ладен одговор.

„Не ми е гајле. Ќе се видиме на 3 декември“, рече тој.

Портпаролот на Пентагон изјави дека Трамп ја одобрил препораката на министерот за одбрана. Би-Би-Си побара коментар од Белата куќа за тоа дали претседателот поддржува пренос во живо на јавна егзекуција.

Иако минатата година беа регистрирани повеќе од 2.700 егзекуции во 17 земји, само две земји извршија јавни егзекуции.

Според Амнести Интернешнл, Иран регистрирал 11 јавни егзекуции во 2025 година, а Авганистан уште шест.

Егзекуцијата на Нидал Хасан е закажана за 3 декември во Форт Худ во Тексас, објави во вторник секретарот на американската армија. Тоа ќе биде првата егзекуција со стрелачки вод во американската војска од крајот на Втората светска војна.

Тагови: стрелачки вод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Апелација ја укина ослободителната пресуда за таткото на Вања Ѓорчевска

Апелацискиот суд ги потврди доживотните казни затвор За Љупчо Палевски Палчо, Велобор Манев, Боре Видевски и на Влатко Кешишев, но ја укина ослободителната пресуда за таткото на  Вања, Александар Ѓорчевски.

Апелација ја укина ослободителната пресуда за таткото на Вања Ѓорчевска

Според судиите од Апелација Основниот кривичниот суд скопје не ги ценел доволно доказите на јавното обвинителство против Ѓорчевски

„Нашата препорака е да се изврши преоценка на доказите, со конкретни укажувања, особено на исказите на обвинетите дадени во јавното обвинителство, исказот на мајката на Вања Ѓорчевска и пораките во вибер-комуникацијата“, соопштија на брифинг вчера судиите од Апелација.

Претходно, од кривичниот суд информираа дека по добивањето на пресудата веднаш ќе закажат ново судење за Александар Ѓорчевски.

Вања Ѓорчевска и Панче Жежовски беа убиени во ноември 2023 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Англиски медиуми: Ковачиќ заминува од Манчестер Сити

 Според фудбалскиот портал „Football Insider“, кој се повикува на сопствени извори следното лето по истекот на договорот, хрватскиот репрезенативец Матео Ковачиќ да го напушти Манчестер Сити.

Англиски медиуми: Ковачиќ заминува од Манчестер Сити

Извештаите укажуваат на тоа дека во моментов не се водат преговори за продолжување на договорот на 32-годишниот хрватски фудбалер од средниот ред.

Ковачиќ остана во Сити во текот на летото иако му преостануваше помалку од една година од договорот и се поврзуваше со неколку други клубови.

Тој сакаше да се докаже пред Енцо Мареска по разговорите со претставниците на клубот, но моментално се соочува со тешкотии да обезбеди редовна минутажа.

„Football Insider“ пренесува дека, доколку не дојде до промена на ситуацијата, Ковачиќ ќе го напушти „Етихад“ кога ќе му истече договорот следниот јуни.

На неговата иднина влијае и неизвесната ситуација во Манчестер Сити. Клубот поднесе жалба на одлуката со која беше прогласен за виновен за прекршување на финансиските правила на Премиер лигата, а засега не се знае кога ќе биде донесена одлука по таа жалба. Исто така, не е јасно со какви казни би можел да се соочи клубот.

Ковачиќ му се приклучи на Манчестер Сити од Челзи во 2023 година и оттогаш има одиграно 102 натпревари за клубот.

Минатата сезона настапи само девет пати откако претрпе сериозна повреда на Ахиловата тетива.

„Football Insider“ пренесува дека се очекува неколку големи клубови да покажат интерес за Ковачиќ пред следното лето, кога тој би можел да стане слободен играч. Во моментов, склучувањето нов договор со Сити не се смета за веројатно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер