Девојка почина по одмор во Грција- докторите два пати ја враќале дома: Сѐ се случи набрзина - Канал 5

Свет

Девојка почина по одмор во Грција- докторите два пати ја враќале дома: Сѐ се случи набрзина

Девојка од Велика Британија починала ненадејно откако лекарите два пати ја пратиле дома со лекови против болки.

Девојка почина по одмор во Грција- докторите два пати ја враќале дома: Сѐ се случи набрзина

Џорџија Тејлор, 24, од Велс, почина во раните утрински часови на 21 август по еднонеделниот одмор на грчкиот остров Занте, објави Сан.

Џорџија првично добила осип на некои од прстите во јуни, а нејзиното семејство ја советувало да престане да носи прстени бидејќи се плашеле дека може да има реакција.

Но, до јули, лицето ѝ било отечено и подуено околу очите, а осип се појавил и на раката.

По посетата на матичен лекар во Лондон, на Џорџија ѝ беа дадени антихистаминици и хидрокортизон бидејќи се сметало дека нејзините симптоми се алергии.

Но, отокот не исчезнал и таа не можела да оди на работа поради отеченото лице, објавува Дејли Меил.

Неколку дена подоцна, таа отишла во итната помош откако почувствувала недостаток на воздух. Лекарите „проверија некои резултати“, а потоа Џорџија повторно беше испратена дома - со повеќе антихистаминици.

Семејството отпатувало во Грција на почетокот на август и иако Џорџија изгледала генерално добро, таа почувствувала „ненадејна болка“ во десната потколеница додека се искачувала на рид.

Мајката на Џорџија, Никола, изјави дека нејзината ќерка „едвај можела да оди“ и покрај тоа што лицето повеќе не ѝ било отечено.

Таа изјави за WalesOnline дека семејството ја однело Џорџија во аптека каде што ѝ дале ибупрофен гел и лекови против болки, кои се чинело дека ја ублажиле болката по еден или два дена.

„Таа отпатува дома и беше добро. Ногата веројатно сè уште ја болеше, но таа не го спомна тоа и отиде во Вустер за викендот со пријателите. Се врати дома и следниот ден рече дека ногата многу ја боли, па член на семејството закажа да посети физиотерапевт“, рече мајката.

Семејството рече дека Џорџија отишла на закажаниот преглед околу 18 часот на 20 август, но ѝ пратила порака на мајка си да побрза и да стигне таму бидејќи не се чувствувала добро и требало да оди во болница.

„Отидовме таму и сè се случи многу брзо“, додаде мајката.

Итните служби пристигнале на местото на настанот и ја однеле Џорџија во болница во Велс, каде што починала кратко време подоцна.

Причината за смртта сè уште не е потврдена.

Во времето на нејзините симптоми, се сметало дека немала никакви здравствени проблеми, не земала никакви лекови и „воопшто не била болна“.

Повеќе од 900 луѓе присуствувале на нејзиниот погреб на 25 септември. Семејството отворило страница за собирање средства за добротворната организација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер