Девет теракотни икони од Виничко Кале на изложба во Музејот „Ашмолијан“ во Оксфорд - Канал 5

Култура

Девет теракотни икони од Виничко Кале на изложба во Музејот „Ашмолијан“ во Оксфорд

Девет средновековни теракотни икони од Виничкото Кале идната година ќе бидат дел од големата изложба на Музејот за уметност и археологија „Ашмолијан“ при Универзитетот во Оксфорд. Презентацијата е една од активностите на соработка помеѓу овој британски музеј и Министерството за култура на Република Македонија, за што денеска во Скопје Меморандум потпишаа Пол Робертс, програмски директор во „Ашмолијан“ и министерката Елизабета Канческа-Милевска.

Девет теракотни икони од Виничко Кале на изложба во Музејот „Ашмолијан“ во Оксфорд
Изложбата во која ќе учествуваат и виничките теракоти е насловена „Религиите во големите империи“. Ќе биде отворена во октомври 2017 и ќе трае до јануари 2018 година, а за македонското претставување ќе биде задолжен Археолошкиот музеј на Македонија.

Робертс истакна дека изложбата ќе го прикаже растот на големите религии: христијанството, исламот, јудаизмот, будизмот и хиндиузмот.
- Драго ми е што во прикажувањето на различните религии и периоди покрај Велика Британија и Франција ќе биде вклучена и Македонија и идната година на нашата изложба ќе донесеме девет прекрасни теракотни икони од локалитетот кај Виница. Тие ќе бидат многу важен дел од изложбата затоа што го ислустрираат моментот кога уметноста на христијанството станува цврста, се кристализира, а тие се најдобри примери што го покажуваат тоа. Имате музеј во Скопје и други музеи низ Македонија кои имаат големо богатство за кое луѓето во Велика Британија во моментов не знаат. Но по изложбата следната година, ќе знаат, рече Робертс.

Тој за време на престојот во Македонија посетил неколку музеи и локалитетите Скупи и Стоби. Рече и дека очекува по изложбата догодина да бидат отворени уште многу други можности за соработка со музеите во Македонија, како конференции, изложби, размени...
Министерката Канческа-Милевска, која пред два месеца го посетила „Ашмолијан“, смета дека Меморандумот ќе придонесе македонските музејски институции со него да имаат плодна соработка. Посочи дека оксфордскиот музеј „Ашмолијан“, основан во 1683 година, содржи збирки од разни цивилизации и илјадници предмети кои датираат од 8000 години п.н.е. до денес, дела на ренесансните мајстори Микеланџело, Рафаело, Да Винчи, библиски ракописи, вредни артефакти...

- Од огромно значење е што на големата изложба ќе учествуваме со девет вредни теракотни икони. Тие се сублимирани пораки за најраните христијански догми, придружени со латински натписи изведени во длабок релјеф. Опишуваат сцени или ликови и во нив е вградена концизна теолошка порака. Најчести теми претставени на иконите се од Стариот и од Новиот завет, илустрирани псалми, христолошки претстави и претстави на христијански светители, рече Канческа-Милевска.
За поврзувањето со музејот „Ашмолијан“ таа и заблагодари на проф. Славица Вајт од Фондацијата „Кирил Трајковски“, која е основана пред четири години во спомен на нејзиниот брат и познат археолог.

Вајт истакна дека целта на Фондацијата е делото на нејзиниот починат брат Трајковски да го продолжат преку поддршка на образованието и археологијата во Македонија за, како што рече, познавањето за македонското културно богатство да се прошири во Велика Британија каде што живее таа, но и во други држави низ светот.

- Фондацијата е прилично млада, но досега имаме постигнато многу добри резултати. Воспоставивме постојана размена на професори помеѓу Универзитетот во Оксфорд и Универзитетот „Кирил и Методиј“ во Скопје и минимум четири размени имаме годишно. Освен тоа, дадовме и четири стипендии за дополнително образование во Велика Британија, а сега работиме на организирање постојана археолошка конференција. Првата ќе биде во Британија, а потоа во Македонија..., рече Вајт.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

ФУЕН едногласно ја усвои Резолуцијата на Македонското друштво „Илинден“-Тирана

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Славна убавица не се откажува лесно од бикинито

Светскио топ модел нема така лесно да се откаже од своето бикини – затоа повторно се соблече.

Фото: Славна убавица не се откажува лесно од бикинито

Се чини дека летото сè уште трае за една од најубавите манекенски на светот, екс топ моделот, Алесандра Амброзио и дека таа нема намера толку лесно да се откаже од своето омилено парче облека – костимот за капење.

Иако есента полека, но сигурно се приближува, убавата Алесандра не сака лесно да се „предаде“.

Судејќи според нејзината најнова објава на социјалните мрежи, таа сè уште сака да ужива во сончевите денови и во придобивките од потоплото време.

Таа моментално престојува на Ибица, а за ова свое патување веднаш ги извести своите верни обожаватели на Инстаграм.

Тагови: Алесандра Амброзио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дачија подготвува нов, помал кросовер

Производителот на автомобили од Романија, Dacia се подготвува да предизвика уште еден „земјотрес“ на европскиот пазар на автомобили. 

Дачија подготвува нов, помал кросовер

Романскиот производител, чии модели традиционално постигнуваат одлични продажни резултати, планира да ја прошири својата понуда на компактни кросовери со сосема нов модел.

Ова возило – кое неофицијално веќе го нарекуваат „Baby Duster“ – ќе биде позиционирано веднаш под актуелниот хит-модел Duster, нудејќи им на возачите во Европа уште подостапна опција со теренски способности.

Сè започна со прототипот Renault Bridger, кој првично беше дизајниран исклучиво за пазарите надвор од Европската Унија.

Концептот на возилото беше официјално претставен во март 2026 година, но раководството на компанијата брзо го препозна неговиот огромен комерцијален потенцијал.

Во тек се интензивни подготовки за воведување на овој проект на европскиот пазар под логото на романската марка Dacia.

Со планирана должина од околу четири метри, новиот кросовер ќе биде цели 35 сантиметри пократок од актуелниот Duster, но сепак ќе го задржи препознатливиот, робустен теренски изглед со зголемено растојание од подлогата.

Иако дизајнот засега постои само во форма на шпекулации на француските медиуми, се очекува предниот дел да ги содржи модерните стилски елементи на брендот, додека силуетата ќе остане доволно компактна за градско возење, а сепак забележливо помасивна од онаа на стандарден хечбек.

Пристигнувањето на „Baby Duster“ би можело целосно да ја измени структурата на понудата на романскиот бренд. Неговото лансирање совршено би ја пополнило значителната празнина помеѓу стандардниот Sandero и моделот Duster.

Што се однесува до погонската единица, инженерите разгледуваат неколку докажани опции. Како логична почетна точка се спомнува добро познатиот 1,0-литарски мотор со три цилиндри од моделот „Sandero“. Сепак, се очекува главна ѕвезда во понудата да биде новата генерација на моторот „Eco-G“ со 120 коњски сили, кој користи течен нафтен гас (ТНГ), додека сериозно се разгледува и можноста за модерна хибридна верзија, дизајнирана да ги задоволи строгите европски еколошки стандарди.

Она што несомнено најмногу ќе ги израдува купувачите низ Европа е цената: се очекува почетната цена за овој атрактивен SUV да се движи меѓу 17.000 и 18.000 евра!

Оригиналниот модел „Bridger“ прво ќе се појави на патиштата во Индија следната година, додека европската верзија на „Dacia“ би можела да дебитира многу брзо потоа.

Тагови: Дачија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер