Култура

Девет стихозбирки во конкуренција за наградата „Антево перо" 2021

Пристигнати се 69 авторски ракописи на овогодинешниот Конкурс за наградата „Антево перо", која се доделува за необјавена стихозбирка на македонски јазик и се организира во чест на великанот на македонската поезија Анте Поповски.

Жири комисијата во состав: проф. д-р Венко Андоновски, (претседател) д-р Атина Цветаноска и Жорж Поповски (членови), изрази задоволство и благодарност за нагласената заинтересираност од авторите, кои и оваа година испратија квалитетни и одлични збирки поезија со оценка дека се пристигнати мноштво свежи и успешни поетски остварувања кои со својата тематска и естетска вредност нудат уникатност во поетскиот израз и особена иновативност во поетската експресивност.

Покрај авторите од земјава, за меѓународниот карактер на конкурсот и на целата манифестација, годинава се погрижија и поети од Австралија, Шведска, Турција и Италија, испраќајќи свои стихозбирки, согласно конкурсните пропозииции – на македонски јазик.

-По темелно, разгледување, анализа и дискусија за секое од пристигнатите авторски дела, жири комисијата на својот прв состанок, издвои девет поетски книги, кои се во поширок избор за наградата и тоа: „Ѕвезден часовник" на Димитар Арнаудов, „Хаику дневник" на Васко Марковски, „Небесни разговори" на Братислав Ташковски, „Сите болки станаа мои" на Елизабета Баковска, „Опит", Сузана Мицева, „Чудна пролет ќе ти раскажам" на Емељ Туна, „Божицата што ја фати провев" на Анета Велкоска, „Позлатено распетие" на Ивица Челиковиќ, и „Светец" на Ирена Павлова Де Одорико. Редоследот на номинираните нема вредносно значење, наведуваат организаторите на манифестацијата.

Жири комисијата и оваа година, се посочува, со особено задоволство го нотираше и интересот кај младите автори за учество на конкурсот што го распишува Меѓународната поетско-културна Манифестација „Анте Поповски – Антево перо".

-Од овие причини во поширока конкуренција за наградата „Антев часовник", која е востановена со цел афирмација на македонскиот јазик меѓу млади творци со евидентна книжевно-поетска дарба, стручната комисија издвои пет книги поезија и тоа: „Круг на права линија" на Софија Тодороска, „Сонот на лавовските срца" на Матеа Талеска, „Молитвени дискурси" на Андреј Медиќ Лазаревски, „Твоите далги на брегот на Стикс" на Марија Филипова и „Мечти" на Мартина Даниловска. И во овој случај, редоследот на номинираните нема вредносно значење, наведуваат од меѓународната манифестација и најавуваат стеснување на изборот за наградите на следната средба на комисијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.