Деведесет години од раѓањето на композиторот Кирил Македонски - Канал 5

Култура

Деведесет години од раѓањето на композиторот Кирил Македонски

На иницијатива на академик Никола Здравев во соработка со Македонската академија на науките и уметностите МАНУ ќе се одржи музички настан посветен на композиторот Кирил Македонски, од чие раѓање денеска се навршуваат 90 години.

Деведесет години од раѓањето на композиторот Кирил Македонски
Македонски е композитор на првата македонска опера „Гоце“, а подоцна автор на оперите „Цар Самуил“ и „Илинден“ и режисер на операта „Орфеј“.

За името на Кирил Македонски е поврзана и оркестарската музика, симфониската поема „Танчарка“ како и други пет симфонии, посочува академик Георги Здравев, професор во пензија од Битола, внук на Кирил Македонски, роден на денешен ден 1925 година во Битола каде го завршил основното и средното образование.

- Се сеќавам и вечно ќе ја паметам ноќта на 12 јуни 1965 година кога во Хераклеја, во малата базилика диригирав во операта „Орфеј“ од Глук што во Битола ја постави и режираше Кирил Македонски. Тоа беше професионално подготвена и изведена опера, со одлична идеја на сценографот Петар Ангеловски, со извонреден настап на солистите Милка Ефтимова, Марија Скаловска, Васка Биџова..... на симфонискиот оркестар и хорот, со кои Кирил професионално соработуваше и се дружеше. Сите без исклучок бевме полни со ентузијазам. По завршувањето на операта мене и на Кирил ни беше задоволство во книгата за впечатоци да ги читаме брилијантните впечатоци на публиката, која ја чувам и ден денес... Таа јунска ноќ беше незаборавна како за учесниците така и за публиката, вели за МИА академик Георги Здравев.

На иницијатива на академик Здравев и во соработка со МАНУ, се очекува во текот на оваа јубилејна година, во родната Битола да биде организиран посебен музички настан што ќе биде посветен на Кирил Македонски, кој пишувал музика и за радиодрами, театарски пиеси, краткометражни филмови како и музиката за легендарниот игран филм „Македонски крвава свадба“.

- Кирил Македонски заслужува внимание бидејќи неговите дела, инспирирани од македонската национална историја се изведувани во државата и странство. Музиката на Македонски се слушала во Аргентина, Бугарија, Германија, Данска, Куба, Полска, Романија, САД, Советскиот Сојуз, Франција, Холандија. Тој учествувал и на повеќе симпозиуми и конгреси во Европа и светот каде ги презентирал македонските искуства и постигања, вели академик Здравев.

За својата работа Кирил Македонски добитник е на повеќе меѓународни награди и признанија, а во публикација на УНЕСКО е забележан како работник во областа на музикотерапијата во светот.

Кирил Македонски починал на 4 јуни 1984 година во Скопје. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле.

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Зборувајќи на погребната церемонија за 110 лица убиени во војната меѓу Иран и Ирак во 1980-тите, позната таму како „Света одбрана“, денеска во Техеран, заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле откако сфатил дека неговите агенти и платеници не се способни да се соочат со Исламската револуција, објави Тасним њуз.

Тој рече дека агресорите се обиделе да го распарчат Иран, да го соборат неговиот политички систем, да го лишат од неговите нуклеарни и ракетни капацитети, да го ослабат Фронтот на отпорот и да ги ограбат неговите нафтени ресурси, како што направија во Венецуела, во обид да го понижат иранскиот народ.

Генерал-мајор Езади истакна дека воените капацитети и одвраќањето на Иран достигнале ниво каде што командантите на ракетните линии на фронтот лансираат ракети со боеви глави тешки два тона на растојание од 1.500 километри, со што ги попречуваат непријателските планови насочени кон безбедноста и моќта на земјата.

Тој додаде дека непријателските бази на копно и море биле подложени на разорни напади од страна на иранските борци, истакнувајќи дека стравот од воените капацитети на Иран ги навел самите противници да признаат дека нивните ракетни залихи и ресурси се значително исцрпени.

Заменик-командантот на ИРГК нагласи дека иранските вооружени сили ќе одговорат веднаш и ефикасно на агресијата и ќе ги натераат напаѓачите да се покаат за своите постапки, во случај на каква било закана, без оглед на нејзиниот интензитет или природа. Тие исто така ќе дејствуваат „без никакви географски ограничувања“ за да ги уништат корените на угнетувањето и ароганцијата, додаде тој.

Изјавите дојдоа откако Врховниот лидер на Исламската револуција, ајатолахот Сејед Моџтаба Хосеини Хамнеи, ја нагласи важноста на одржувањето висока борбена готовност и максималното ниво на одвраќање од потенцијални закани. На неодамнешниот состанок со високи воени команданти, Врховниот лидер нареди итен и силен одговор на каква било закана, без географски ограничувања, нагласувајќи дека ако непријателите обноват воени или терористички напади, иранските вооружени сили и народот ќе одлучат кога ќе завршат и под кои услови.

Тагови: Иран боеви глави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

За рекордна сума е продаден светлечкиот меч на Дарт Вејдер (ВИДЕО)

Светлечкиот меч што го користел Дарт Вејдер во филмовите „Империјата го возвраќа ударот“ и „Враќањето на Џедајот“ е продаден на аукција за 4,87 милиони долари, поставувајќи нов рекорд за колекционерски предмети од серијата „Војна на ѕвездите“.

За рекордна сума е продаден светлечкиот меч на Дарт Вејдер (ВИДЕО)

Мечот бил користен во познатиот дуел за време на кој Вејдер му открива на Лук Скајвокер дека е негов татко, изговарајќи една од најпознатите реплики од филмската сага: „Јас сум твојот татко“, објави АП.

Аукциите „Херитиџ“, кои ја организираа продажбата како дел од „Ултимативната аукција на Војна на ѕвездите“, соопштија дека тоа е најскапиот реквизит од серијата што всушност бил користен за време на снимањето.

YouTube video

Претходниот рекорд беше поставен во јули, кога светлосниот меч на Скајвокер, заедно со реквизит што ја претставува неговата отсечена рака, беа продадени за 3,75 милиони долари.

Аукцијата вклучува и 27 други светлечки мечеви од „Војна на ѕвездите“, како и предмети од сите девет епизоди од филмската серија и други филмови и телевизиски продукции.

Тагови: Дарт Вејдер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Експлодира автомобил во Москва- во него бил советникот на поранешниот премиер на Украина (ВИДЕО)

Автомобил „Тојота“ експлодираше во московското предградие Чертаново, на улицата Кировоградска, а во возилото се наоѓал рускиот пропагандист Сергеј Заворотни (72), кој е повреден.

Експлодира автомобил во Москва- во него бил советникот на поранешниот премиер на Украина (ВИДЕО)

Според првичните информации, експлозијата се случила околу 200 метри откако автомобилот го напуштил дворот на зградата, пишува Украинска правда.

Силата на детонацијата го исфрлила возачот од возилото на патот. Се претпоставува дека експлозивната направа била поставена под возачкото седиште и дека била активирана додека автомобилот бил во движење.

Заворотни претрпел повреди на градите и грбот, како и сериозни повреди на нозете. Според достапните информации, тој ја преживеал експлозијата.

Кој е Сергеј Заворотни?

Заворотни е руски публицист и кандидат за историски науки, кој претходно работел во Државната дума, а бил и советник на поранешниот украински премиер Микола Азаров, кој избегал во Москва откако ја напуштил власта.

Во јули 2015 година, тој учествуваше во основањето на „Комитетот за спасение на Украина“, организација основана од Азаров. Заворотни беше познат по својата поддршка за Кремљ и неговите антиукраински ставови. Тој ја нарече Револуцијата на достоинството во Украина државен удар и го обвини Западот за мешање во внатрешните работи на земјата.

Во извештајот на американскиот Сенат за руското мешање во политичките процеси се наведува дека Заворотни бил офицер на руската служба за надворешно разузнавање и учествувал во операции за влијание. Тој бил поврзан и со медиумскиот проект „Антифашист“ и е еден од авторите на книга чија содржина била насочена против Украина.

Експлозијата во Москва се случи еден ден откако автомобил експлодираше во градот Шушари, во областа Пушкин во Санкт Петербург, на чиј волан, според извештајот, возел руски полковник. Тој почина на местото на настанот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер