Култура

Детски фестивал за слика и филм - BUFF 2015

Со проекција на филмската адаптација на бајката „Тајната на рубинот“ во режија на Феликс Фухсштајнер, денеска во Скопје ќе почне 4. Детски фестивал за слика и филм - BUFF.

Во рамки на програмата ќе бидат прикажани филмови за деца и млади, наградени детски филмови од фестивалот Prix-Jeunesse во Минхен, ќе се одржат работилници, а ќе бидат прогласени и победниците на филмскиот натпревар за ученици на тема „Бескрајна приказна“.
- На Фестивалот за слика и филм BUF, минатата година, испративме виртуелно бувче на патување низ Германија. Повеќе од 700 ученици ги нацртаа и насликаа доживувањата на бувчето и ни ги испратија своите слики. Оваа година ѕвезда на нашиот фестивал е вистинско бувче. Тоа се вика Тито, но името не му е дадено по Јосип Броз, туку според латинското име на неговиот вид - Tyto alba, посочуваат организаторите.

Инаку, Тито е дама на возраст од околу шест години која живее со Ана Арсовска во Скопје. Ана многу се ангажира за заштитата на бувовите во Македонија и токму затоа, во рамките на Фестивалот за слика и филм, таа ќе одржи две работилници, на кои ќе биде присутен и Тито.

Во соработка со минхенскиот фестивал „Prix Jeunesse“, ќе се одржи работилница од областа на филмот и телевизијата на тема Пишување сценарија и „Storytelling“ за детски програми. Работилницата ќе ја води Регина Вернер од ZDF, експерт за детска програма.

Фестивалот се одржува во соработка со Канцеларијата на Гете Институтот во Скопје, минхенскиот фестивал „Prix Jeunesse“, невладината ОХО, Здружението за заштита на буфовите и Кинотеката на Македонија. Сите филмови од филмската програма ќе бидат прикажани во Кинотеката на Македонија во оригинал со превод на македонски јазик. Тие се наменети за сите деца кои можат да го читаат преводот или разбираат германски./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Клучен енергетски објект што го снабдува Киев со греење и електрична енергија е погоден од руски балистички ракети

Клучен енергетски објект што го снабдува Киев со греење и електрична енергија е погоден во руски балистички ракетен напад, изјави украинскиот претседател Володимир Зеленски.

Енергетскиот објект и станбена зграда беа погодени во напад за кој претседателот рече дека дошол „без рано предупредување од партнеритe“.

Киев објави повеќе руски напади откако Трамп изјави дека Русија и Украина пред два дена постигнале договор за прекин на огнот во енергетскиот сектор.Утринава властите во Киев ги повикаа жителите да останат во засолништата откако прогласија црвена тревога поради „ракетна закана“.

По нападите во вторникот, Зеленски изјави дека „Украина го поддржа прекинот на огнот на енергетиките објекти . Русија е насочена кон уште една електрана и кон животите на нашите луѓе.“„Ова е апсолутно неправедно: тие ја уништуваат нашата енергетска инфраструктура, а Украина дури и не добива рани предупредувања за лансирање балистички ракети“, додаде тој„ова е втора ноќ по ред Киев да биде погоден од руски ракети, а тоа се случува во време кога Зеленски се подготвува да се сретне со британскиот премиер Енди Барнам на Даунинг стрит денеска , за да разговараат за забрзување на испораките на воздушна одбрана за Киев.

По нападите во понеделникот се шпекулираше дека Америка го прекинала пристапот до клучните разузнавачки информации што ѝ овозможуваат на Украина да ги следи дојдовните закани. Трамп негираше дека тоа е случај.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за трагичниот пожар во дискотеката „Пулс“ во Кочани

Денеска продолжува судењето за трагичниот пожар во дискотеката „Пулс“ во Кочани, каде што одбраната треба да презентира докази во рамки на судската постапка.

Постапката ја води судијката Дијана Груевска-Илиевска, а обвинението го застапува тим од 15 јавни обвинители.

Во пожарот што избувна на 16 март 2025 година за време на настапот на групата ДНК во дискотеката „Пулс“ во Кочани загинаа 63 лица, а повеќе од 200 беа повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби пречекан со овации во Чаир!

Синоќа во Чаир во Скопје грагани се собраа за да го поздрават поранешниот вицепремиер Артан Груби, кој излезе од куќниот притвор определен во рамките на случајот во кој тој е обвинет за проневера на државни пари од лотарија.

Груби се движеше во друштво на пријатели и соработници, придрружен со огномет и запалени факели и чадни бомби.

Од кривичниот суд соопштија дека одлуката за укинување на куќниот притвор е донесена поради истекување на законски дозволениот рок од 60 дена, сметано од денот на поднесувањето на обвинителниот предлог.

Судот не му ја прифати понудената гаранција за барањето да му биде вратен пасошот. Тој има и забрана да го напушта Скопје додека трае судењето. На рочиштата Груби изјави дека не се чувствува виновен. По 14 месеци бегство во Косово, Груби се предаде на Блаце на 23 февруари 2026 и спротивно на досегашната пракса за бегалци од правдата, не остана во притвор туку по неколку часа во затворот во шутка,кажа дека не се чувствувал безбеден во Шутка, па затоа му беше одредена мерката куќен притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.