„Не може одговорноста за смртта на 14 месечното бебе да биде на детската болница „Козле“. Тимот што го примил детето работел според протоколите и детето веднаш било ставено на кислород. Искористен е целиот капацитет и човечки и од медицинска опрема“, вели директорката на болницата „Козле“ Каролина Симоновска за Канал 5.

Откако детето не се подобрувало веднаш било испратено во клиниката за детски болести. Таа потврди дека во болницата немало опрема за интубирање и секогаш децата во состојба за интубирање биле препратени на детската клиника. Симоновска прашува зошто тимот од Клиниката за детски болести детето го вратиле дома на 3 Октомври, а било во тешка состојба? Симоновска вели дека и писмено ќе реагира на забелешките од комисијата составена од министерството за здравство која го испитуваше начинот на кој било лекувано 14 месечното бебе.

Реакцијата на Симоновска доаѓа откако вчера на прес конференција во министерството за здравство каде министерот Таравари и членови од комисијата објаснија дека во целиот процес имало пропусти на лекување од клиниката за детски болести каде детето било вратено и во болницата Козле каде било неправилно третирано во лекувањето. А враќањето во клиниката било несоодветно со возилото и иста така имало пропусти во лекувањето со кадар и опрема. По вчерашниот прес реагираше и семејството на починатото бебе. Тие рекоа дека ќе ја тужат клиниката, нема да им се врати детето, но ќе спасат други деца за да има добар кадар и опрема. Министерот посочи дека извештајот ќе биде испратен и до лекарската комора и дека откако ќе се разгледа ќе бидат превземени мерки. Од Лекарската комора објаснија дека се уште не го добиле извештајот. Од таму велат дека извештајот ќе биде разгледан, а што ќе се превземе понтаму зависи од неговата содржина.

14 месечното бебе почина на 5 Октомври на клиниката за детски болести. Родителите кажаа дека детето било во клиниката но било испратено дома со терапија, а тие заминале во болницата од Козле каде го препратиле на клиниката за детски болести каде почина. Министерот Таравари посочи дека клиниката за детски болести направила пропуст на 3 октомври кога детето било вратено од клиниката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.