Детонации во Каракас: Мадуро е заробен - Канал 5

Свет

Детонации во Каракас: Мадуро е заробен

Жарот кој со месеци тлееше, ноќеска по полноќ се разгоре – САД изврши голем воздушен напад врз Венецуела.

Детонации во Каракас: Мадуро е заробен

Оние кои веќе заспале беа разбудени од силните експлозии, тие пак кои беа затекнати на улиците се дадоа во панично барање на засолниште – неизвесноста ја зголеми и пораката Трамп – „Мадуро е фатен“ – наговестувајќи негово заробување од страна на „Делта форс“ тимовите..

-САД успешно изведе напад од големи размери против Венецуела и нејзиниот лидер, Претседателот Николас Мадуро, кој, заедно со неговата сопруга, беше заробен и изведен надвор од земјата. Оваа операција беше спроведена со органите на САД за спроведување на законот.-Трамп

Сепак, стравот од експлозиите набргу се претвори во славје, апсењето на Мадуро уште од раните утрински часови доведе до големо славје на улиците на Венецуела, каде започна да се уништува и се што го носи ликот на нивниот претседател.

Заменик – претседателката на Венецуела Делси Родригез вели дека не знаат каде се наоѓа нивниот лидер, а од претседателот на САД – Трамп, побараа доказ дека Мадуро е жив.

-Бараме итен доказ дека претседателот Николас Мадуро е жив, како и првата дама Силиа Флорес.- Делси Родригез – Заменик претседател на Венецуела

Набргу по ваквото барање во јавноста пристигна и фотографија – Мадуро помеѓу двајца агенти на ДЕА. Потврдата за апсењето добил и сенаторот на Јута – Мајк Ли од страна на државниот секретар Марк Рубио – а, целта според него била да му се суди во САД.

Во операцијата која Трамп ја нарече брилијантна, таргетирани се повеќе стратешки и воени точка во Венецуела – Форт Тиуна, голема воена база во Каракас, воздухопловната база Ла Карлота, исто така позиционирана во престолнината, како и Хигероте аердоромот во Миранда на северот на државата. Министерот за одбрана на Венецуела – Владимир Падрино порача дека станува збор за варварска инвазија на нивната света земја.

-Го информираме целиот свет, луѓето на венецуела беа цел на најголема криминална агресија од страна на владата на САД. – Владимир Падрино Лопез – Министер за одбрана на Венецуела

Нападот врз Венецуеал наиде на поддршка од партнерите, но и на осуда од страна на политички неистомисленици. Меѓу оние кои го осудија нападот беа, Русија, Колумбија, Иран, како и сенатори од демократската партија во САД.

Иако нападот беше ненајавен, не беше целосно неочекуван - тензиите помеѓу Вашингот и Каракас растеа со месеци. Првично беа ликвидирани лица кои според Трамп шверцувале дрога во САД, па имаше заплена на танкери со нафта, а САД поставија и носачи на авиони во близина на Венецуела. Во меѓувреме Претседателот Мадуро беше под силни санкции на Америка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Јадранот во близина на Чањ: Две жени и четири деца се заглавија меѓу карпите

Синоќа, спасувачката единица на Управата за поморска безбедност безбедно евакуираше група од шест туристи, две жени и четири деца, чиј чамец се заглавил меѓу карпите во близина на Чањ.

Драма во Јадранот во близина на Чањ: Две жени и четири деца се заглавија меѓу карпите

„Операцијата започна веднаш по пријавата, по полноќ. Граѓанин од крајбрежјето ги извести властите дека чамецот со возрасни и деца се заглавил во карпите, по што спасувачкиот брод SAR-1 беше испратен од Бар без одложување. Исклучително тешка операција, со оглед на силниот ветер, кој дополнително го отежнуваше пристапот и евакуацијата во ноќни услови, спасувачите прво, двајца по двајца, извлекоа четири деца на возраст од 11 до 14 години на безбедно, а потоа двајца возрасни, од кои едниот не знаеше да плива“, беше потврдено за РИНА во УПСУЛ.

Тие додадоа дека по пристигнувањето на плажата, сите лица биле предадени на тимот на Итна медицинска помош, кој веќе чекал на брегот. Спасените лица биле неповредени, освен што децата биле премрзнати и биле згрижени со термални обвивки обезбедени од спасувачите.

Порано истата вечер, спасувачкиот тим на Администрацијата беше ангажиран и во друга задача, едрилица со двајца членови на екипажот, која беше надвор од употреба поради дефект на пропелерот, беше безбедно одвлечена од шлепер до пристаништето во Бар.

„Овие случаи покажуваат колку е важна брзата реакција и од граѓаните и од службите. Доколку повикот не беше пристигнат на време, исходот можеше да биде сосема поинаков во овие услови. Затоа Администрацијата за поморска безбедност на Јадранот ги повикува сите да се јават на 129 без двоумење штом ќе забележат пловило или лице во неволја на море. Секоја минута е важна, а брзиот извештај им дава на спасувачките екипи драгоцено време да пристигнат и да помогнат“, истакнува UPSUL.

Тагови: Јадран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со вкупно 77 гласа, од кои 58 „против“  и 19 „за“  во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер