Детоксикација на телото и мозокот? - Канал 5

Здравје

Детоксикација на телото и мозокот?

Еве што се случува по само 16 часа пост

Детоксикација на телото и мозокот?

Постот, или свесното апстинирање од храна или значителното намалување на калориите во одреден временски период, станува сè попопуларно меѓу луѓето кои сакаат да го подобрат своето здравје или да ослабат. Една од попопуларните форми е диетата 5:2, која вклучува нормално јадење пет дена во неделата и ограничено внесување на калории (500 до 600 калории) во другите два дена.

Застапниците на постот наведуваат бројни придобивки, од кои најпозната е губењето на тежината. Според „Џонс Хопкинс Медисин“, постот може да помогне и во контрола на нивото на шеќер во крвта, подобрување на здравјето на срцето и подобрување на физичката издржливост. Сепак, експертите забележуваат дека сè уште се потребни повеќе истражувања на луѓе за научно да се потврдат сите овие придобивки.

Што се случува во телото во текот на првите 48 часа?

Д-р Алан Голдхамер, гостин во популарниот подкаст на Стивен Бартлет, објаснува точно што се случува во телото во раните фази на постот. Клучната промена се случува во рок од 24 до 48 часа кога телото престанува да ја користи гликозата како главен извор на енергија и почнува да произведува кетони со разградување на мастите.

Според него, мозокот, црниот дроб и мускулите постепено се префрлаат од користење на гликоза на користење на кетони, а овој премин зависи од количината на гликоген складиран во телото. Во рок од 16 до 48 часа, телото се префрла и согорува масти, што многумина го препознаваат како почеток на фазата на ефикасно слабеење.

Постот и здравјето на мозокот

Едно од важните соединенија што се формира за време на постот е бета-хидроксибутират (BHB), кој е извор на енергија што телото го произведува кога ќе снема јаглехидрати. Покрај тоа што го поттикнува согорувањето на масти, BHB се поврзува и со подобро здравје на мозокот.

Д-р Голдхамер објаснува дека BHB го стимулира производството на BDNF, неврохемикалија што ги штити нервните клетки од оштетување. BDNF, или невротрофниот фактор од мозокот, игра важна улога во заштитата на мозокот од оксидативен стрес што е поврзан со развојот на болести како што се Алцхајмеровата и Паркинсоновата болест.

Што се случува по часови?

Научниците детално проучувале како телото реагира за време на постот:

Во првите четири часа, телото го завршува варењето на последниот оброк.

По осум часа, нивото на шеќер во крвта почнува да опаѓа, а телото го користи гликогенот од црниот дроб и мускулите за енергија.

По 12 часа, резервите на гликоза се трошат, а црниот дроб почнува да ги разградува мастите и да произведува кетони.

По 16 часа, се активира процесот на автофагија, природен механизам со кој телото ги рециклира оштетените клетки, со што се поттикнува регенерацијата на телото.

Консултирајте се со лекар пред да започнете

Иако постот се покажува како корисен во многу случаи, тој не е погоден за секого. Луѓето со хронични заболувања, особено бремените жени и доилките, треба да се консултираат со својот лекар пред да ја воведат оваа практика. Како и со секоја голема промена во исхраната, важно е да ги следите реакциите на вашето тело и постепено да воведувате нови навики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер