На најновата фотографија од малиот Артур Емануел Битенкур се гледа како тој ги крева палците додека седи во куп смртоносен прав, кој најчесто се користи во градежништвото и земјоделството.

Момчето итно било пренесено во болница, но по пристигнувањето била констатирана смрт. Артур наводно скокал во токсичната прашина на семејниот имот во Ипиранга, Парана, во јужниот регион на Бразил, според Њујорк Пост. Лекарите рекле дека ненадејната смрт на Артур се должи на вдишување прашина, објавија локалните медиуми.

Неговото семејство ја објави неговата последна фотографија на социјалните мрежи како почит, но и како предупредување до другите.

"Оваа фотографија е последна и е направена неколку минути пред неговата трагична смрт, предизвикана од вдишување вар додека си играше. Спомените што ќе ги имам за тебе драго мое дете секогаш ќе бидат најдобри", напишал чичкото на момчето, Ромалдо Битенкур.

Семејството тврди дека не биле свесни за ризиците од изложеноста на вар во прав, а локалната полиција започнува истрага за смртта на момчето. Бразилскиот институт за технолошки истражувања вели дека прашината од вар може да предизвика проблеми со дишењето и ги советува луѓето да носат заштитна опрема доколку работат со неа.

Тие предупредуваат дека варната прашина може да биде канцерогена, особено кога е изложеноста во големи количини, и може да предизвика оштетување на белите дробови.

Опасната честичка кристален силикон, позната и како кварц, е присутна во варта. Кристалниот силициум диоксид, кој лесно се вдишува, доаѓа во честички 100 пати помали од обичното зрно песок. Вдишувањето може да доведе до разни болести, вклучувајќи рак на белите дробови, хронична опструктивна белодробна болест, бубрежна болест и силикоза.

Силикозата предизвикува воспаление и лузни на ткивото на белите дробови, намалувајќи ја способноста на белите дробови да апсорбираат кислород. Состојбата доведува до трајно заболување на белите дробови и може да биде фатално, според Центрите за контрола и превенција на болести. Типично, хроничната силикоза се јавува по повеќе од 10 години изложеност, обично на работното место, но може да напредува многу побрзо со тешка изложеност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.