Детали за страшниот пад на мотоциклистот Хорхе Мартин, го праќаат на операција во Европа(ВИДЕО)

Светскиот шампион во премиер класата на Мото ГП, Хорхе Мартин, доживеа тежок судар на патеката Сепанг во Малезија, каде што неговиот шлем буквално му го спаси животот.

Мартин имаше два несреќи на тренингот за време на предсезонските тестирања. По првиот продолжи да вози без поголеми последици, но вториот беше брутален, па тренингот мораше да се прекине, а Мартин итно е пренесен во болница.

Шпанецот изгубил контрола над мотоциклот и во еден момент „летна“ во воздух, пред болно да слета, удирајќи со главата во асфалтот, а потоа извесно време лежеше неподвижен на патеката.

Од силината на ударот пукна кацигата, а може да се каже дека му го спасила животот, бидејќи падот можел да биде фатален.

Мартин итно бил испратен на детална анализа, каде било утврдено дека има скршеница на раката и ногата. Се испоставило дека ги скршил коските на десната рака, како и три коски на левата нога.

Поради последиците од повредите, Мартин ќе преноќи во болница во Малезија, а потоа ќе биде транспортиран во Европа, каде ќе треба да му биде извршена операција на скршените коски.

Во САД ограбен домот на Жиру

Фудбалерот на Лос Анџелес, Оливие Жиру, бил ограбен во САД, пренесува „TMZ“.

Сопругата на францускиот фудбалер го пријавила грабежот на 5 февруари откако открила скршен прозорец во куќата.

Разбојниците упаднале во домот на 38-годишниот Французин. Штетата се проценува на околу 500 илјади долари. Наводно се украдени неколку вредни предмети, меѓу кои и десет часовници. Крадците не се откриени, а полицијата продолжува да го истражува случајот.

Жиру игра во МЛС од летото 2024 година. На 19 натпревари, постигна два гола и една асистенција.

Фудбалерот му се приклучи на Лос Анџелес во јули 2024 година. Поранешниот француски напаѓач играше и за Арсенал, Челзи и Милан.

Кина се надева дека „сите засегнати страни“ ќе учествуваат во мировните преговори за Украина

Портпаролот на кинеското Министерство за надворешни работи, Гуо Џиакун изјави дека „сите засегнати страни“ во војната во Украина треба да учествуваат во мировните преговори, алудирајќи на средбата на американската и руската делегација во С. Арaбија.

Тој ги поздрави напорите за постигнување мир.

- Истовремено, се надеваме дека сите засегнати страни и сите заинтересирани страни ќе можат во исто време да учествуваат во мировните преговори. Се надеваме дека сите страни ќе можат да работат заедно за да ги решат основните причини за украинската криза, да најдат урамнотежена, ефективна и одржлива безбедносна архитектура и да постигнат долгорочен мир и стабилност во Европа, истакна Гуо.

Штрајк на новинарите во Грција

Штрајкот започна од 5 часот и ќе трае до утре наутро, а во овие 24-часа на телевизиите нема да се емитуваат вести и информативни емисии, а учествуваат и голем дел од информативните портали.

Без вести и информативни емисии, од утрово е Грција, поради 24-часовниот штрајк на новинарите организиран од Грчката федерација на новинарски асоцијации во кој учествуваат сите новинарски здруженија, а главното барање е потпишување на колективни договори во сите медиумски сектори, односно телевизии, весници, списанија, интернет, радија, јави дописничката на МИА од Атина.

Штрајкот започна од 5 часот и ќе трае до утре наутро, а во овие 24-часа на телевизиите нема да се емитуваат вести и информативни емисии, а учествуваат и голем дел од информативните портали.

Освен колективни договори, вработените во медиумите бараат и: почетна плата од 1.250 евра во сите медиуми; зголемување на платите за 10 отсто врз основа на последните колективни договори за работа; загарантирана плата за работа за време на викендите (плус 25 отсто и слободен ден за сабота и плус 100 проценти за недела); зголемување на надоместокот за испраќање на терен вон градот каде што се наоѓаат; дневници од 350 евра за испраќање во воени зони и 250 евра во подрачја погодени од елементарни непогоди.

Дополнително, меѓу барањата се и вклучување на етичките принципи во договорите, договор за регулатива за тужбите (anti-slapps); обврзувачки правила за вештачка интелигенција во медиумите; заштита на авторските права на новинарите итн.

Во 24-часовниот штрајк освен приватните медиуми учествуваат и државната телевизија ЕРТ и државната новинска агенција АНА-МПА.

притисни ентер