Деспотовски: Не ни требаат условени оставки, секој да почне од себе

На нашите членови, поддржувачи денес им е повеќе од потребен консолидиран и свесен СДСМ. Сите се тажни, разочарани, но и уплашени од повторување на некои лоши работи од некои не така далечни минати времиња. 

Силен и реформиран СДСМ може и мора да ги заштити. Силен и реформиран СДСМ ќе биде надеж за сите граѓани.

Вчеравечер пропуштивме огромна шанса да го направиме првиот чекор кој почнува со одговорност, со име и презиме,почнувајќи од врвот. По статутот, тоа ќе отвори веднаш простор за поширока анализа на причините за овој пораз. За одговор на прашањата: Каде исчезна онаа енергија од пред 7 години? Дали ветивме многу работи а малку исполнивме? Каде се стопи довербата и како се загуби сета онаа надеж кај луѓето? Признанието дека имаме огромен проблем е прв чекор за негово надминување.

Како членови на СДСМ носиме огромна одговорност нашата опција, идеја, цел да опстои и да постои и понатаму. Денес сме им потребни на нашите членови и поддржувачи, но и нас самите, ама...веќе утре ќе и бидеме потребни на државата, на сите наши сограѓани. За носење на брзи и квалитетни одлуки ни треба итна сериозна анализа, која не треба да се одолговлекува. Но, за првиот чекор кон овие одлуки треба само храброст кај врвот да се прифати реалноста на овој пораз. Не ни требаат условени оставки кои ќе се ефектуираат доколку и другите си поднесат оставки. Секој да почне од себе без да го чека партискиот другар до него. Само така овој процес на промена нема де трае предолго а штетата нема да стане ненадоместлива.

Јован Деспотовски,

Член на СДСМ

Во Битола одбележан денот на пожарникарството

Општина Битола и Територијалната противпожарна единица, традиционално го одбележаа 20 мај – Денот на пожарникарството во Македонија. 

Општина Битола и Територијалната противпожарна единица, традиционално го одбележаа 20 мај – Денот на пожарникарството во Македонија. По овој повод, пред спомен плочата кај противпожарната зграда, свежо цвеќе положија градоначалникот на општина Битола, Тони Коњановски, градоначалникот на општина Могила, Драганчо Саботковски и претставници на Советот на општина Битола.

Градоначалникот Коњановски, заблагодарувајќи им се за успешната работа на пожарникарите, потсети дека, оваа локална самоуправа започна со реализација на проектот кој е долгогодишна потреба на ТППЕ Битола, а се однесува на изградбата на нов противпожарен дом. Исто така, годинава за првпат беа доделени златни плакети за посебен придонес, посветеност и професионалност во работењето на двајца пожарникари кои заминуваат во пензија и една златна плакета на пензиониран командир за неговиот посебен придонес во развојот и напредокот на ТППЕ Битола.

„ Дозволете во мое лично име и во име на вработените во локалната самоуправа, да го честитам 20 Мај – Денот на пожарникарите на Македонија. Славиме исклучителен јубилеј, 188 години од првата противпожарна единица на Балканот, формирана 1836 година во Битола. Тоа е голем јубилеј и во таа насока како локална самоуправа сакаме да оддадеме почит на сите оние кои се вложиле во чувањето на нашите добра, на нашите животи. Ова е многу значајна институција, во која ние навистина сакаме да дадеме придонес, но и да ги подобриме услоовите за нивното работење. Во таа насока, покрај повеќегодишните напори да се направи нешто во тој однос, за подобрување на стандардот и условите во кои работат овие наши херои, оваа година, веќе отпочнавме со работите на терен за изградба на новата зграда на ТППЕ Битола. Ќе добиеме нов објект, на површина од 1600 метри квадратни, во вредност од над 52.000.000 денари, активностите се веќе започнати и до крајот на годината објектот треба да биде до карабина завршен, при што ќе почне втората фаза за внатрешно уредување, со доволно простор и услови за она што тие го заслужуваат, за овој стар објект во центарот на Битола да добие адекватна замена и нова локација, во нов објект во поранешната касарна. Од друга страна, заедно со општините Новаци и Могила, правиме се и во делот на опремувањето со нова опрема, нови одела, следејќи ги новите стандарди, имаме доволно возила и правиме се што е во нашите можности за да овозможиме достојни услови за работа. Во знак на благодарност за посветеноста и пожртвуваноста, од оваа година воведуваме и нова пракса на доделување на благодарници на пожарникарите кои се пензионираат, а тоа оваа година се Јоше Влинтовски и Марјан Гиновски, но и благодарница во форма на златна плакета за лица кои во својот работен век, со својата посветеност и ангажираност дале посебен придонес во развојот и напредокот на ТППЕ Битола. Оваа година, на предлог на вработените во ТППЕ Битола, таква плакета му доделуваме на Владо Наумовски“, изјави градоначалникот на општина Битола, Тони Коњановски.

Помошник командирот на ТППЕ Битола, Горан Димковски, нагласи дека со нетрпение го очекуваат новиот објект, кој ќе им ги овозможи условите за непречено функционирање.

„После 34 години мое работно искуство, го очекувам тој момент. Се надевам дека ќе успеам да влезам во тој објект кој ќе ни биде од исклучителна важност, зошто е на доста добра локација, која ќе ни овозможи градот да ни биде на располагање да тргнеме во сите 3 страни: кон исток, запад или кон центар на градот. Моментално ТППЕ има 41 вработен, но според стандардите треба на 1500 жители да има 1 пожарникар, што би значело 60-65 пожарникари за да се комплетира. Имаме одлични возила со кои можам да се пофалам, 14 на број, сите се исправни. Имаме добри теренски возила кои ги набавивме од Франција, заедно со градоначалникот, 5 теренски возила кои можат да донесат вода на било која локација од градот“, изјави Димковски.

Украина со шест беспилотни летала погоди руска рафинерија

 Руската нафтена рафинерија во Славјанск, Краснодарската територија, беше оштетена по напад со беспилотно летало кон крајот на минатата недела, изјави денеска безбедносниот претставник на компанијата, Едуард Труднев.

Според локалните власти, шест беспилотни летала ја погодија областа на нафтената рафинерија во Славјанск во раните утрински часови во неделата.

По нападот, рафинеријата престанала да работи. „Причинета е штета. Ќе се утврдат нејзиниот обем и големина“, рече Труднев.

Рафинеријата во Славјанск е приватен објект со капацитет од околу 100.000 барели дневно. Произведува гориво за домашни потреби и за извоз.

Русија бележи зголемување на бројот на украински напади откако нејзините сили отворија ново бојно поле во североисточната украинска област Харков претходно овој месец.

Меѓународниот суд на правдата побара налог за апсење на Нетанјаху и на лидерот на Хамас

Меѓународниот суд на правдата побара налог за апсење на израелскиот премиер Бенјамин Нетанјаху за наводни воени злосторства.

„Постојат разумни основи да се верува дека израелскиот премиер Нетанјаху сноси кривична одговорност за воени злосторства и злосторства против човештвото“, рече обвинителот на Меѓународниот суд на правдата.

Судот бара налог за апсење и на лидерот на Хамас , Јахја Синвар.

притисни ентер