Десничарот Хосе Антонио Каст е нов претседател на Чиле - Канал 5

Свет

Десничарот Хосе Антонио Каст е нов претседател на Чиле

Каст обезбеди убедливи 58 проценти од гласовите во вториот круг пред левичарската кандидатка Жанет Хара, која освои 42 проценти и брзо ја призна победата на својот противник. 

Десничарот Хосе Антонио Каст е нов претседател на Чиле

Хосе Антонио Каст победи на вчерашните претседателски избори во Чиле, искористувајќи ги стравовите на гласачите од зголемувањето на криминалот и миграцијата, а политиката на јужноамериканската земја сега е во најостриот пресврт кон десно од крајот на воената диктатура во 1990 година, јавија британските медиуми.

Каст обезбеди убедливи 58 проценти од гласовите во вториот круг пред левичарската кандидатка Жанет Хара, која освои 42 проценти и брзо ја призна победата на својот противник.

За време на неговата повеќедецениска политичка кариера, Каст беше тврдокорен десничар. Тој предложи изградба на граничен ѕид, испраќање на војската во области со висока стапка на криминал и депортирање на сите нелегални имигранти во земјата.

Неговата победа го означува најновиот триумф на десницата, која се разбуди во Латинска Америка, а во која се приклучија Даниел Нобоа од Еквадор, Наиб Букеле од Ел Салвадор и Хавиер Милеј од Аргентина.

Кампањата беше трета претседателска кандидатура на Каст и ова е втор пат тој да стигне до вториот круг од изборите, откако загуби од левичарскиот претседател Габриел Борик во 2021 година. Многу Чилеанци го сметаа за премногу екстремен, но сега тој ги привлече гласачите кои се повеќе се загрижени за криминалот и имиграцијата.

„Неговата убедлива победа, дури и во делови од Чиле кои традиционално гласаат за левичарски кандидати, веројатно беше мотивирана од фактот што многу гласачи ја отфрлија Хара, сметајќи ја за премногу радикална поради нејзиното членство во Комунистичката партија“, рече политикологот Клаудија Хајс од Универзитетот во Чиле.

Предлозите на Каст вклучуваат формирање полициски сили инспирирани од американската Служба за имиграција и царина за брзо апсење и депортирање на нелегални мигранти во земјата. Тој, исто така, најави масовно намалување на јавната потрошувачка.

Чиле е најголемиот производител на бакар во светот и главен производител на литиум, а очекуваната дерегулација и спроведување на политики поволни за пазарот веќе го зголемија локалниот берзански пазар, пезосот и референтната вредност на акциите.

Меѓутоа, порадикалните предлози на Каст веројатно ќе се соочат со отпор во поделениот парламент. Десничарските партии освоија места во двата законодавни дома на општите избори во ноември, но повеќето од тие места им припаднаа на традиционалните партии.

Сенатот е подеднакво поделен помеѓу левичарските и десничарските партии, додека популистичката Народна партија има мнозинство во Долниот дом на парламентот.

„Каст ќе мора да задоволи широка база на гласачи“, рече политичкиот аналитичар и професор на Универзитетот Валпараисо, Гилермо Холцман.

Тагови: Чиле

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер