Нешто помалку од 3,9 милиони гласачи во Хрватска по втор пат годинава излегуваат на гласање - по претседателските избори, тие гласаат и на парламентарните избори.

Околу 7.000 избирачки места се отворија во 7 часот наутро, а гласањето ќе трае до 19 часот, кога ќе бидат објавени првите проценки на резултатите, затоа што трите најголеми телевизии заедно спроведуваат анкети со гласачите на самото избирачко место.

Хрватскиот парламент брои 151 пратеник чиј мандат трае четири години - четиринаесет пратеници се избираат во десет изборни единици во Хрватска, тројца во дијаспората, додека осум пги ретставуваат националните малцинства.

Како што беше најавено, Државната изборна комисија се очекува да започне со објавување на првите изборни резултати од 21 часот.

Изборите се одвиваат за време на епидемијата на коронавирусот, а на крајот на предизборната кампања, Хрватска забележа рекорден број регистрирани заразени лица.

Иако Државната изборна комисија прво донесе одлука дека граѓаните со потврдена дијагноза на вирусот корона нема да можат да гласаат, по одлуката на Уставниот суд, ставот се смени, па дури и оние што се заразени можат да гласаат - но преку „доверлив човек“.

За другите, ќе има строги правила за носење маски на избирачките места, почитување на физичко растојание и дезинфекција на рацете, како и совети за носење на свое пенкало.

Изборната комисија ги советуваше граѓаните да ја измерат температурата на денот на изборите и да се консултираат со лекар доколку е повисока од 37,2 степени.

Правилата ќе се однесуваат и на членовите на избирачкото место, како и на набљудувачите на изборите.

Тие мора да носат маски и им се препорачува да користат ракавици и редовно да ги дезинфицираат рацете и површините на избирачките места што често ги допираат.

Доколку не носат маски, може да се отстранат од избирачкото место.