Шоу биз

Десетте најдобри резултати на Хрватска на „Евровизија“

На официјалната веб-страница на „Евровизија“ објавени се десетте најдобри резултати на Хрватска на големиот музички натпревар.

Како што се наведува, Хрватска прослави 30 години учество на натпреварот во 2023 година. Годинава, хрватската песна повторно се најде меѓу најдобрите десет во големото финале на натпреварот.

10. Северина - „Моја штикла“ (2006)

„Моја штикла“ на Северина го освои 12. место во 2006 година со 56 поени. Пејачката, како гостинка, изненадно се појави и на „Дора 2024“, каде Хрватска бира песна што ќе ја претставува земјата.

9. Борис Новковиќ и членовите на „Ладо“ - „Вукови умиру сами“ (2005)

Новковиќ замина на „Евровизија“ во 2005, откако ја испушти шансата да го стори тоа 15 години претходно, кога заврши на второто место на „Југовизија“. „Вукови умиру сами“ освои 115 поени во финалето во Киев и го зазеде 11. место.

8. Весна Писаровиќ - „Евритинг ај вонт“ (2002)

Писаровиќ го освои 11. место со 44 поени. Во 2004 година, Писаровиќ ја напиша песната што ја претставува Босна и Херцеговина, „Ин да диско“.

7. Вана - „Стрингс оф мај харт“ (2001)

Со 42 поени, песната на Вана заврши на 10. место.

6. Горан Каран - „Кад заспу анѓели“ (2000)

Каран го освои деветтото место со 70 поени.

5. „Магазин“ и Лидија - „Носталгија“ (1995)

Во 1995, еден од најпопуларните бендови во Хрватска, „Магазин“ ги здружи силите со Лидија Хорват - Дуњко и освоија 91 поен, завршувајќи на шесто место.

4. Данијела - „Нека ми не сване“ (1998)

„Нека ми не сване“ заврши на петтото место со 131 поен. Песната го отвори натпреварот во 1998 година и стана една од омилените на евровизиските фанови. Данијела ја претставуваше Хрватска на „Евровизија“ и во 1995 година, како дел од „Магазин“.

3. Маја Благдан - „Света љубав“ (1996)

Со 98 поени, песната заврши на четвртото место.

2. Дорис Драговиќ - Марија Магдалена (1999)

И во 1999 година, Хрватска заврши на четвртото место, овојпат со 118 поени.

1. Бејби Лазања - „Рим тим таги дим“ (2024)

Пејачот и текстописец Марко Пуришиќ ѝ го даде на Хрватска најдобриот резултат, второ место со освоени 547 поени. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Државниот долг во Еврозоната се зголеми на 88,8 % од нивниот вкупен БДП

Државниот долг во Еврозоната се зголеми на 88,8 % од нивниот вкупен БДП во вториот квартал од 2026 година, соопшти статистичката служба на ЕУ – Евростат.

Во парична вредност, владите во еврозоната должат околу 14,4 трилиони евра.

Италија и се приближува на Грција која е најзадолжената земја-членка со долг од 140% од БДП-то, додека зад нив е Франција чиј долг се искачи на 119%. Според правилата на ЕУ, долгот не треба да надминува 60% од БДП, а годишните буџетски дефицити не треба да надминуваат 3%. Меѓутоа, според Евростат, комбинираниот дефицит на владите во еврозоната е зголемен и изнесува 3,3% од БДП-то во вториот квартал од годинава. Минатата година, 12 земји-членки имаа долг над границата од 60 % утврдена од ЕУ, а 11 земји забележаа дефицити од 3 % или повеќе.

Тагови: Евростат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Следува нов ценовен удар - Мицкоски одбива повисоки плати, граѓаните тонат во сиромаштија

Се најавува нов бран поскапувања и нов удар врз семејните буџети со повисоки сметки за струја и парно од Нова година.

МЕПСО бара зголемување на тарифата за пренос на струјата од јануари 2027 година, се споменува и новото поскапување на парното, трето по ред годинава.

Трошоците за живот од јануари до сега се зголемени за 4.000 денари.

Вкупната потрошувачката кошничка во октомври надминува 70.000 денари, а со кирија достигна над 90.000 денари.

Ниту три плати не се доволни да се покријат основните животни трошоци.

Работниците во Македонија едвај врзуваат крај со крај, со најниски плати во Европа.

Од вкупно 540.000 вработени, околу 180.000 работници земаат плати помали од 31.200 денари месечно. Минималната плата не мрда од 26 илјади денари.

33% од работниците во Македонија земаат плата под прагот на сиромаштијата.

Граѓаните имаат крпен живот - одат на работа, вложуваат труд, а се повеќе осиромашуваат.

До ова дно ги донесе Мицкоски. Одби да ја покачи минималната плата на 600 евра. Ја одби секоја мерка на СДСМ за да им помогне на граѓаните да се справат со овие ценовни шокови.

Наместо да ги зголеми платите арамијата Мицкоски размислува за увоз на економски работници како евтина работна сила. Николовски вели 50.000 економски работници, а Мицкоски зголемува на над 100.000.

Ова е смислена политика, ова е одлука.

И во новиот ребаланс нема повисока минимална плата, нема 600 евра за работниците, нема мерки, нема помош за земјоделците.

Има долгови, високи камати, а сметката ќе ја плаќаат граѓаните и идните генерации.

Прес-конференција на СДСМ, Јована Тренчевска, потпретседателка на СДСМ

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Горан Диновски по повод Меѓународниот ден на операта: „Операта не е создадена за да ни го привлече вниманието за миг, туку да го задржи низ времето“

По повод Меѓународниот ден на операта, Македонскиот центар на ITI/PRODUKCIJA ја објавува македонската аудио-порака на Горан Диновски - оперски пејач (лиричен тенор), едукатор и ментор.

По повод Меѓународниот ден на операта, Македонскиот центар на ITI/PRODUKCIJA ја објавува македонската аудио-порака на Горан Диновски - оперски пејач (лиричен тенор), едукатор и ментор, посветена на трајните вредности на оперската уметност, љубовта, духовноста и културата.

Во своето обраќање, Диновски ја истакнува операта како уметност што ги обединува различните уметнички изрази и ја пренесува исконската човекова приказна за љубовта. Тој ја нагласува и одговорноста на оперските уметници да ја зачуваат живата врска со публиката, како најважен примател на ова уметничко наследство.

„Операта не е создадена за да ни го привлече вниманието за миг, туку да го задржи низ времето, дизајнирана вечно да трае. Каков успех!“ - порачува Диновски.

Неговата порака е потсетник дека гласот, музичкиот театар и културата не се само уметнички изрази, туку и вредности што го поврзуваат човештвото и опстојуваат низ времето.

Со оваа објава, Македонскиот центар на ITI/PRODUKCIJA продолжува да ги промовира уметниците и нивните размислувања за значењето на изведувачките уметности денес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.