Десет скијачи исчезнале, а шестмина се заробени во лавина во Калифорнија - Канал 5

Свет

Десет скијачи исчезнале, а шестмина се заробени во лавина во Калифорнија

Најмалку 10 скијачи се водат како исчезнати, а шест други се заробени и чекаат спасување во тешки снежни услови откако лавина вчера погоди оддалечена патека во планините Сиера Невада во Калифорнија, соопштија властите.

Десет скијачи исчезнале, а шестмина се заробени во лавина во Калифорнија

Часови по несреќата, додека автопатот во близина е затворен поради нулта видливост поради зимската бура, спасувачите сè уште не стигнале до местото на лавината, изјави капетанот Расел Грин од канцеларијата на шерифот на округот Невада.

„Спасувањето ќе биде бавен и тежок процес, бидејќи опасноста од нови лавини останува многу висока“, изјави Грин за KCRA-TV со седиште во Сакраменто.

Лавина го погоди подрачјето Касл Пик во близина на Траки, Калифорнија, околу 16 километри северно од езерото Тахо, околу 11:30 часот по тихоокеанско време, затрупувајќи група од 16 скијачи, се наведува во објава на Фејсбук од канцеларијата на шерифот на округот Невада.

Групата се состоела од четири водичи и 12 клиенти. Најмалку шест лица преживеале и останале на местото на лавината чекајќи спасување, додека останатите се водат како исчезнати, се наведува во соопштението.

Временските услови во Сиера Невада се уште се опасни, а дополнителна активност на лавини се очекува вечер и во сабота, според канцеларијата на шерифот. Гувернерот на Калифорнија, Гевин Њусом, добил извештај за лавината, а државните власти „координирале целосна операција за пребарување и спасување“ во соработка со локалните служби за итни случаи, се наведува во објава на Икс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер