Живот

Десет неочекувани симптоми на менопауза за кои ретко се говори

Менопаузата е природна фаза во животот на жената која обично се јавува на возраст од 45 до 55 години, често се поврзува со налетите на „жешки бранови“, ментална замагленост или нередовен циклус.

Но, покрај овие вообичаени знаци, постојат и помалку познати симптоми кои можат да изненадат многу жени, предупредува платформата Balance.

Менопаузата го означува крајот на репродуктивниот период, предизвикан од падот на нивото на естроген и прогестерон. Додека некои жени минуваат низ постепена перименопауза, други се соочуваат со ненадејни промени. Еве десет необични симптоми кои може да укажуваат на почетокот на оваа фаза.

Ладни бранови

Покрај познатите топли бранови, некои жени доживуваат ненадејни чувства на студ, како треперење, кое трае од неколку секунди до неколку минути. Експертите сметаат дека причината се хормоналните промени во хипоталамусот, делот од мозокот кој ја регулира телесната температура.

Суви очи

Чувството на сувост, печење или заматен вид може да личи на алергии, но често се поврзува со менопауза. Според студија од 2017 година, падот на нивото на тестостерон го намалува производството на солзниот филм, што може да биде особено предизвик за жените кои работат на компјутер.

Кршливи нокти

Ноктите кои стануваат потенки, помеки или лесно се кршат може да го сигнализираат доаѓањето на менопаузата. Ова се должи на намалувањето на кератинот, протеин кој зависи од хормоните како што се естрадиол и прогестерон.

Киселина

Непријатното чувство на печење во стомакот, често придружено со надуеност или лош здив, може да се влоши за време на менопаузата поради хормоналните флуктуации, но и стресот, лошата исхрана или консумирањето алкохол.

Вртоглавица

Покрај менталната магла, многу жени доживуваат повремени вртоглавици, особено за време на туширање со топла вода. Причината може да бидат промените во нивото на хормоните кои влијаат на протокот на крв и рамнотежа.

Променето сетило за мирис

Некои жени забележуваат дека помалку чувствуваат мириси, додека други стануваат преосетливи на одредени ароми. Хормоналните промени влијаат на мозокот, кој ги обработува мирисите и вкусовите.

Зуење во ушите

Тинитус, односно зуење или шум во ушите, може да се појави за време на менопаузата, предизвикувајќи стрес, несоница или тешкотии со фокусирањето. Според истражувањето од 2022 година, 19% од жените во перименопауза или менопауза го пријавиле овој симптом.

Чувство на пецкање во устата

Чувството на пецкање на јазикот, непцата или во внатрешноста на образите, слично на чувството по консумирање врел напиток, може да биде поврзано со пад на хормоните кои го поддржуваат оралното здравје, предизвикувајќи сувост или дури и пародонтални проблеми.

Чешање на кожата

Сува, груба кожа или необјаснето чешање се вообичаени за време на менопаузата. Намалувањето на колагенот поради падот на хормоните може да доведе до потенка кожа и појава на брчки.

Срцебиење

Може да се појави ненадејно чувство на забрзана работа на срцето, кое трае од неколку секунди до неколку минути, се појавува најчесто со топлите бранови, ноќното потење или вртоглавицата, што сигнализира хормонални промени.

Фудбал

Агентот на Клоп негира дека тренерот се согласил да ја преземе Рома

Агентот Марк Косицке, кој ги застапува интересите на поранешниот тренер на Ливерпул, Јирген Клоп, одговори на информациите за можното назначување на неговиот клиент во Рома.

Претходно ова го објави италијанскиот весник „Ла Стампа“.

-Клоп ќе биде тренер на Рома? Ова не е вистина - изјави Косицк за „Winwin“.

Педесет и седумгодишниот Германец го напушти Ливерпул во летото 2024. Тој беше на чело на премиерлигашот од 2015. Пред ова Клоп работеше во Борусија Дортмунд и Мајнц.

Од јануари Клоп е раководител на фудбалскиот оддел во корпорацијата Ред Бул.

Тагови: Клоп

Македонија

СДСМ: Нов скандал со дипломи на повидок, дали Јанев е незаконски назначен на чело на БЈБ?

Нов скандал со безбедносните служби е на повидок. Јавно се објавени сомнежи за незаконско именување на директорот на Бирото за јавна безбедност, Александар Јанев.

Дали директорт на БЈБ, Александар Јанев не ги исполнува условите за функцијата?

Според информации објавени во неколку медиуми, поднесена е анонимна претставка до ДКСК поради основани сомнежи за незаконитост на дипломата за магистерски студии на Јанев, на Универзитетот Скопје.

Оваа диплома е меѓу основните законски услови за да може да биде назначен за директор на БЈБ.Како што е објавено, во неговата официјална биографија објавена на страната на МВР нема точен датум на стекнување на звањето "магистер".

Дополнително, ниту на сајтот на Универзитетот Скопје нема никакви податоци за јавна одбрана на магистерски труд. Не може да се најде ниту запис во електронските системи на универзитетот или Министерството за образование за проверка на плагијат.

Сето ова е законски задолжително.

Според Законот за научноистражувачка дејност, секој магистерски труд мора најмалку 30 дена пред одбраната да биде внесен во системот за проверка на плагијати.

Јанев бил именуван на 28.6.2024 година. Дали е точно дека системот не функцонирал токму во тој период?

Овие сомнежи и овој случај отвора сериозни прашања кои мора да бидат одговорени:

•Дали Владата на ВМРО-ДПМНЕ на чело на БЈБ избрале човек кој не ги исполнува законските услови?

• Дали станува збор за фалсификување документи заради партиски интереси?

• Зошто МВР молчи за овие јавно објавени сомнежи?

СДСМ бара одговори на овие прашања и итна истрага од Јавното обвинителство.

Додека јавноста се уште чека разрешница со директорот на АНБ за неговиот сертификат сега се отвора втор скандал во највисоките безбедносни институции и позиции во државата, Агенцијата за национална безбедност и Бирото за јавна безбедност.

Безбедноста на граѓаните е ставена во канџите на партиски луѓе за кои прашање е дали воопшто ги исполнуваат законските критериуми.

Ова е сериозна безбедносна закана. СДСМ ќе продолжи гласно да го разобличува секој скандал, секој фалсификат и секој обид за окупирање на институциите по незаконски пат.

Функционирањето на безбедосните служби не смее да биде жртва на партиската држава која ја инсталира ВМРО-ДПМНЕ повторно.

Линк до видео: https://youtu.be/0lumG_F-rt8

Прес конференција на СДСМ, Богданка Кузеска – портпаролка

Тагови: СДСМ

Свет

ММФ почна нова ревизија на програмата за помош на Украина вредна 15,5 милијарди долари

Меѓународниот монетарен фонд (ММФ) почна нова ревизија на четиригодишната програма за помош на Украина, вредна 15,5 милијарди долари, договорена во 2023 година.

Станува збор за осми преглед на користењето на средствата од програмата Extended Fund Facility (EFF), која е осмислена да ги стабилизира украинските јавни финансии, тешко погодени од руската инвазија, и да обезбеди гаранција на меѓународните сојузници дека Украина спроведува одговорни економски политики и се бори против корупцијата.

- Таа програма за нас останува клучен елемент на отпорноста, особено во овие времиња, рече гувернерот на Украинската народна банка, Андриј Пишниј.

Од почетокот на руската инвазија во февруари 2022 година, украинската економија претрпе огромни штети: милиони луѓе избегаа, градови и инфраструктура се уништени, а синџирите на снабдување се прекинати.

Во првата година од војната, украинскиот БДП падна за речиси 30 проценти.

Иако економијата сè уште не се врати на нивоата пред кризата, забележан е скромен раст во текот на 2023 и 2024 година.

Целта на редовните ревизии на ММФ е да се осигури дека Украина ја задржува макроекономската стабилност и дека средствата се користат транспарентно, во согласност со поставените цели.

Тагови: ММФ