Десет божиќни традиции во Белгија - Канал 5

Живот

Десет божиќни традиции во Белгија

Божиќните празници во Белгија се чествуваат на различни начини во зависност од регионот и областа, но сепак независно дали е тоа во холандофонската Фландрија или франкофонската Валонија.

Десет божиќни традиции во Белгија

Божиќните празници во Белгија се чествуваат на различни начини во зависност од регионот и областа, но сепак независно дали е тоа во холандофонската Фландрија или франкофонската Валонија, постојат традиционални прослави кои го комбинираат заедничкото наследство со уникатните локални карактеристики.

1. Божиќни панаѓури

Божиќните панаѓури е најзначајната традиција низ Белгија, кои ги оживуваат градовите и населените места со празнични светилки и дрвени штандови.

Во Валонија, најпознати се панаѓурите во Лиеж и Монс, карактеристични со нивниот пријатен рустикален амбиент и понудата на рачно изработени производи.

Во Фландрија, приматот го држат панаѓурите во Бриж, Антверпен и Гент, каде празничниот шарм се комбинира со средновековната градска архитектура.

Панаѓурот во Брисел, Зимски чуда, пак, го одразува двојазичниот идентитет на градот, нудејќи празнични прослави и забава и на холандски и на француски и традиции од двата дела на Белгија. Посетителите на панаѓурите можат да уживаат во варено вино, белгиски вафли и локални деликатеси.

2. Бадникова вечера

Бадник најзначајниот празник во текот на божиќните чествувања во Белгија. Тој се прославува различно од регион до регион, но заедничко за сите чествувања е традиционалната бадникова вечера.

Вообичаени предјадења на секоја бадникова вечера се домашно произведена паштета, чаден лосос, остриги и супи.

Главното јадење го сочинуваат полнета печена мисирка, фазан или гуска, а во некои делови од Белгија се преферира дивеч, пред се дива свиња. Месото вообичаено е гарнирано со зеленчук, како боранија, зеље, пашканат или компири подготвени на различен начин.

За десерт традиционално се послужува божиќен ролат со крем од чоколадо и костени или чизкејк.

Јадењата се „заливаат“ со вино или божиќно пиво, а на крајот на оброкот многу често се служи и топло чоколадо.

3. Полноќна миса

Повеќевековна традиција меѓу католичките заедници во Белгија е присуството на полноќната миса по бадниковата вечера.

На мисата се пеат црковни песни со кои се слави Исусовото раѓање, но и се упатуваат благослови за семејна благосостојба.

По мисата, вообичаено семејствата ги продолжуваат чествувањата во своите домови со слатки или други закуски што траат до доцна во ноќта.

4. Дедо Мраз

За делење на божиќните подароци за децата е „задолжен“ Дедо Мраз, кој во франкофонските делови на Белгија се нарекува Пер Ноел, а во холандските – Керстман. Во Белгија, Дедо Мраз не се меша со Свети Никола, кој се чествува на 6 декември.

Валонските деца му пишуваат писма на Пер Ноел со желби за подароците што сакаат да ги добијат, а тој потоа „им ги остава“ под елката во текот на ноќта меѓу Бадник и Божик. Слична традиција постои и во Фландрија, каде децата му пишуваат на Керстман, но во овие делови на Белгија делењето подароци повеќе се врзува со чествувањето на Денот на Свети Никола.

На овој начин Белгијците имаат изградено двојна традиција на уникатно преклопување, при што Свети Никола се чествува како светител, додека Дедо Мраз како личност која се врзува со Бадник и Божик.

5. Новогодишни елки

Како и во многу европски земји така и во Белгија новогодишната елка има централна улога во божиќниот празничен декор. Елките вообичаено се китат во првата недела од декември и се чуваат до Богојавление по Грегоријанскиот календар, односно до 6 јануари.

Традиционално во Белгија најпопуларни за китење се природните елки, но последниве години тие се повеќе „им отстапуваат простор“ на пластичните елки.

Покрај по домовите, новогодишни елки се китат и на градските плоштади, при што култна е елката на бриселскиот плоштад Гран Плаз.

6. Сцени на Христовото раѓање

Поставувањето на сцени со фрагменти од Христовото раѓање е уште една од божиќните традиции во Белгија. Вакви сцени со фигури од Светото семејство, тројцата мудреци, овчарите и животните можат да се најдат во многу домови и цркви.

Во некои делови од Белгија фигурите во сцените на Христовото раѓање се облечени во локални носии, а во целиот амбиент е вклучена и локалната архитектура.

Оваа традиција се толкува како одраз на католичкото наследство на Белгија.

7. Празнични задоволства и десерти

Белгијците се љубители на кондиторски производи, што особено доаѓа до израз за време на Божиќ. Така, традиционално, особено во Валонија, се прави бриош во форма на бебето Исус, кој често се служи со топло чоколадо или кафе.

Неизбежно за божиќните празници е и познатото белгиско чоколадо, од кои се изработени фигури во различни форми како елки, снегулки, Дедо Мраз, Свети Никола, ѕвончиња, ѕвезди...

8. Празнични пијалаци

Топлите пијалаци, како што се топлото чоколадо и вареното вино, се традиционални напитоци во текот сезоната на божиќните празници низ Белгија, но тука се и специјалните божиќни пива.

Топлото чоколадо се прави само од темно или млечно белгиско чоколадо, кое се потопува и се растопува во врело млеко и по желба може да се прелие со шлаг или бел слез.

Кога станува збор за вареното вино, тоа во франкофонските делови на Белгија е по правило поблаго, додека во Фландрија е појако.

Специјалните божиќни пива, како „Делириум Ноел“ и „Сент Бернардус Кристмас Але“, се произведуваат само за божиќните празници и можат да се нарачаат во угостителските објекти или да се купат во маркетите во текот на декември.

9. Адвент

Периодот од 1 до 24 декември е време на Адвентот, кога се одбројуваат деновите до Божиќ, при што со секој изминат ден на децата им се даваат чоколада, бонбони или помали играчки.

Многу белгиски семејства изработуваат и Адвентски венци, кои содржат четири свеќи како симболи за надежта, мирот, радоста и љубовата и секоја од нив се пали во текот на одбројувањето до Божик.

10. Празнични паради и концерти

Празничната атмосфера пред Божиќ е видлива во сите градови и населени места низ Белгија. Во пресрет на празникот се организираат божиќни концерти, често со хорски настапи, и паради, а градовите се осветлени со разнобојни светилки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Среде ММА борба ѝ испаднале градите, од тоа заработи богатство на OnlyFans (ВИДЕО)

Мексиканската ММА борачка Лусеро Акоста (32) имаше инцидент за време на борбата против Канаѓанката Шенон Кларк на настанот од Лигата на професионални борци (PFL) одржан на 16 октомври во Чикаго. 

Среде ММА борба ѝ испаднале градите, од тоа заработи богатство на OnlyFans (ВИДЕО)

За време на третата рунда, нејзиниот спортски градник се помести, оставајќи ги нејзините гради накратко изложени на телевизиските камери. Видеото стана вирално на социјалните мрежи, а Акоста по борбата објави дека инцидентот ѝ донел дополнителен приход на OnlyFans.

Акоста, позната по прекарот Ла Лоба, го имаше своето деби за организацијата PFL во Чикаго. Таа добро ја отвори борбата, но Кларк постепено ја презеде контролата. Во третата рунда, Канаѓанката ја собори противничката и почна да ја удира додека лежеше на подот.

За време на таа размена на удари, горниот дел од спортската опрема на Акоста се исфрли, оставајќи ја едната нејзина града изложена. Боречката ја продолжи борбата, но судијата ја запре по една минута и 59 секунди од третата рунда, а победата ѝ беше доделена на Кларк со технички нокаут.

Таа откри дека инцидентот ѝ донел профит

По борбата, Акоста се огласи на Инстаграм и објасни дека поради снимката што се прошири на интернет, интересот за нејзиниот профил на платформата OnlyFans, каде што објавува содржина за претплатници, се зголемил. „Дополнителна заработка на OnlyFans затоа што моите брадавици беа видливи за време на преносот во живо на PFL. Слатко. Официјален спонзор“, напиша мексиканската борачка.

Во друга објава, таа ја наведе и бројката од 500.000, за која американските медиуми претпоставуваат дека се однесува на долари, или приближно 446.000 евра. Сепак, Акоста не објасни дали таа сума претставува вкупна заработка, дополнителен приход од претплатници или нешто друго. Таа дури и не понуди доказ за плаќање, па затоа наведената сума сè уште не е независно потврдена.

Таа има повеќе од 500 илјади следбеници

Пред да дојде во PFL, Акоста настапуваше во организацијата Combate Global, каде што стана препознатлива по својот агресивен начин на борба. Пред поразот од Кларк, таа имаше четири победи по ред помеѓу септември 2022 и април 2025 година.

Поразот во Чикаго беше нејзин трет во професионалната кариера и прв со технички нокаут. Нејзиниот моментален сооднос е шест победи и три порази, додека Кларк со оваа победа достигна сооднос од 9:1.

Мексиканката е популарна и надвор од ММА спортот. Таа има повеќе од 500.000 следбеници на Инстаграм, а претходно привлече внимание со видеа од подводен тренинг во бикини. Таа го користи OnlyFans како дополнителен извор на приход, а по последната борба тврди дека бројот на претплатници ѝ значително пораснал.

Тагови: гради ММА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции .

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции кои го зголемуваат ризикот од фатални предозирања, објавува Би-Би-Си.

Иако бројот на смртни случаи од предозирање во САД се намали од врвот од околу 110.000 во 2022 година на околу 70.000 минатата година, експертите предупредуваат дека кризата не е завршена, туку се менува поради зголемената преваленца на синтетички опиоиди и други хемиски супстанции.

Тие не знаат кои супстанции ги земаат

Фентанилот, синтетички опиоид кој е помеѓу 50 и 100 пати посилен од хероинот, често се меша со други супстанции, вклучувајќи синтетички седативи како што се ксилазин и медетомидин.

Ваквите комбинации го отежнуваат уште повеќе лекувањето на предозирањата, бидејќи налоксонот, лек што се користи за враќање на ефектите на опиоидите, не делува на овие седативи.

Според Би-Би-Си, последиците се особено видливи во градови како што се Колумбус, Охајо, и Чикаго, Илиноис, каде што корисниците на дрога честопати не знаат кои супстанции всушност ги земаат.

Скот Сандерс, кој раководи со организација за поддршка на луѓе кои се опоравуваат од зависност во Колумбус, рече дека проблемот се проширил и на корисниците на стимуланси, вклучувајќи крек кокаин, кој може да се меша со фентанил без нивно знаење.

Тој рече дека во округот Франклин, каде што се наоѓа Колумбус, 78 проценти од смртните случаи од предозирање во изминатите 12 месеци биле поврзани со стимуланси.

Дополнителен предизвик за безбедносните служби

Експертите, исто така, предупредуваат за појава на рани и сериозни оштетувања на кожата поврзани со употребата на ксилазин, додека комбинирањето на повеќе синтетички супстанции ја зголемува непредвидливоста на нивните ефекти.

Новите начини за шверцување дрога претставуваат дополнителен предизвик за безбедносните служби. Затворот во округот Кук во Чикаго, еден од најголемите во Соединетите Американски Држави, забележа скок на смртните случаи во 2023 година поврзани со синтетички дроги доставени до затворениците вградени во страниците на книгите и писмата.

Шерифот на округот Кук, Том Дарт, изјави дека затворските службеници морале да ги променат безбедносните процедури, а сега и да ја проверуваат поштата за влага за да откријат хартија натопена во недозволени супстанции.

Дарт верува дека проблемот не може да се реши само со полициски мерки и пресретнување на поштата, туку дека е потребна многу поголема инвестиција во програми за лекување на зависност и закрепнување.

Според него, ширењето на синтетичките дроги го отежнува уште повеќе справувањето со шверцот, бидејќи некои супстанции можат да се произведуваат во импровизирани лаборатории, без потреба од традиционални синџири на снабдување.

Снабдувањето со дрога постојано се менува

Претседателот на САД, Доналд Трамп, ги прогласи нарко-картелите за „терористи“ и ја означи дрогата фентанил, моќен синтетички опиоид, како „оружје за масовно уништување“.

Сепак, снабдувањето со дрога се менува и постојано се дизајнираат нови смртоносни синтетички лекови, вклучувајќи моќен седатив за животни познат на улица како „транк“.

Би-Би-Си известува дека кризата со дрогата во САД се променила во текот на децениите, од хероин и опиоиди на рецепт до фентанил и нови синтетички соединенија, додека експертите предупредуваат дека непредвидливиот состав на уличните дроги претставува зголемен ризик за корисниците.

Покрај борбата против шверцот, организациите што работат со зависници ја нагласуваат важноста на достапниот третман, програмите за превенција и тестирањето за дрога, со цел да се намали бројот на предозирања и да се спасат животи.

Тагови: дрога фентанил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем глад во Авганистан- погодени се 20 милиони луѓе

Се очекува речиси 19,2 милиони луѓе во Авганистан да се соочат со акутна несигурност во исхраната оваа зима поради недостаток на средства, предупреди Канцеларијата на Обединетите нации за координација на хуманитарни прашања (OCHA).

Голем глад во Авганистан- погодени се 20 милиони луѓе

Помеѓу септември и октомври, 15,9 милиони луѓе, или речиси еден од тројца Авганистанци, се соочуваат со акутна несигурност во исхраната на кризно ниво или полошо, изјави Олга Черевко, портпаролка на OCHA во Авганистан, за новинарите во Женева.

Оваа зима, рече таа, пет милиони луѓе би можеле да се соочат со вонредни нивоа на глад.

„Се очекува повеќе од четири милиони деца на возраст од шест месеци до пет години да имаат потреба од третман за акутна неухранетост следната година, вклучувајќи речиси 1,1 милион деца со акутна неухранетост“, рече таа.

20 милиони луѓе се изложени на ризик

Околу една третина од центрите за исхрана се затворени или прекинати со работа, делумно поради намалување на средствата. „Кога овие услуги ќе исчезнат, последиците можат да бидат неповратни, особено за децата“, предупреди Черевко.

И покрај подобрите врнежи од дожд и зголеменото земјоделско производство, милиони луѓе сè уште не можат да си дозволат храна, а годините конфликт, суша и економски тешкотии ја ослабнаа способноста на семејствата да се справат со кризата, рече таа.

„Но, една добра жетва по неколку години суша не може да ја поправи штетата“, додаде таа.

Черевко, исто така, предупреди дека ограничувањата наметнати врз жените и девојчињата ја влошуваат кризата, повикувајќи се на проценките на УНИЦЕФ дека Авганистан би можел да изгуби до 20.000 наставнички и 5.400 здравствени работници до 2030 година ако продолжат сегашните ограничувања.

Таа повика на итна хуманитарна помош пред зимата, со континуирани инвестиции во земјоделството, вработувањето, здравствената заштита и економските можности за жените.

Тагови: Авганистан глад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер