Дерматолог: Повозрасните од 40 години треба да земаат пет додатоци во исхраната - Канал 5

Здравје

Дерматолог: Повозрасните од 40 години треба да земаат пет додатоци во исхраната

Потребите на вашето тело со текот на годините почнуваат да се менуваат.

Дерматолог: Повозрасните од 40 години треба да земаат пет додатоци во исхраната

Хормоналните промени, побавното производство на колаген, намалувањето на мускулната маса како и подолгото време потребно за закрепнување стануваат дел од вашето секојдневие.

Иако балансираната исхрана е секогаш основа на доброто здравје, сепак додатоците во исхраната можат да помогнат во пополнувањето на нутритивните недостатоци. Дерматологот д-р Дорис Деј открива кои додатоци во исхраната без рецепт често им ги препорачува на своите пациенти по 40-тата година, но и на кои не треба нужно да трошите пари.

Витамин Д

„Витаминот Д е нешто за кое дури и не мора да размислувате. Речиси сите мои пациенти имаат ниско ниво на витамин Д, а тоа влијае на изгледот на нивната коса, кожа и расположение. Обезбедува автоимуна заштита, па дури и заштита од рак на дојка“, вели д-р Деј за SheFinds.

Овој витамин, кој телото природно го произведува преку изложување на сонце, е важен за здравјето на коските, апсорпцијата на калциум и имунолошката функција. Бидејќи многу луѓе поминуваат многу време во затворен простор и користат крема за сончање, недостатокот на витамин Д е многу чест по 40-годишна возраст.

Магнезиум

„Магнезиумот е важен за многу луѓе бидејќи често помага при спиење, а кога спиете добро, вашата кожа се обновува и изгледа помладо“, вели дерматологот.

Магнезиумот е минерал кој е вклучен во голем број процеси во телото, вклучувајќи опуштање на нервниот систем, обнова на мускулите и регулирање на шеќерот во крвта. Бидејќи кожата најмногу се обновува за време на спиењето, подобрувањето на квалитетот на сонот може да има забележлив ефект врз нејзиниот изглед.

Кверцетин

„Кверцетинот е биофлавоноид кој се наоѓа во високи концентрации во сокот од портокал и другите агруми. Кога го земате, тој обезбедува одлична антивоспалителна заштита, што е добро за вашата кожа“, вели д-р Деј. По 40-годишна возраст, хроничните воспаленија со ниско ниво стануваат сè почести и може да ги забрзаат видливите знаци на стареење. Кверцетинот е познат по своите антиоксидантни својства и поддршка на имунитетот, а намалувањето на воспалителните процеси може да ѝ помогне на вашата кожа да изгледа посмирено и поздраво.

Омега-3 масни киселини

„Омега-3 масните киселини стануваат сè поважни како што старееме, бидејќи овие есенцијални масти ни помагаат во заштитата на кожата, срцето и воопшто на нашето тело“, вели д-р Деј.

Овие масни киселини најчесто се наоѓаат во рибиното масло и се поврзани со здравјето на срцето, функцијата на мозокот и намалувањето на воспалението. Со намалување на нивото на естроген со текот на годините, кожата може да стане посува и потенка, а омега-3 масните киселини помагаат во одржување на еластичноста на кожата и ја зајакнуваат бариерата на кожата.

Ресвератрол

Ресвератролот е растително соединение кое природно се наоѓа во грозјето и бобинките. Познат е по своите антиоксидантни својства и е поврзан со процеси кои го поддржуваат здравјето на клетките и здравото стареење.

Витамини кои можеби не ви се потребни

Иако додатоците во исхраната можат да бидат корисни, д-р Деј нагласува дека не им се потребни на сите. Можеби нема да ви требаат мултивитамини во високи дози ако вашата исхрана е балансирана, на пример, вишокот витамин А, може да се насобере во вашето тело и да стане токсичен, или мегадози на антиоксиданси без медицински надзор. Пред да земете какви било додатоци во исхраната, клучно е да разговарате со вашиот лекар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Рецептот на Боки

Во четврток (24.09.2026) во емисијата гостин ни бeше Бојан Илиевски.

„Гответе со Дракче“ - Рецептот на Боки

Состојки за денешниот рецепт:

3 парчиња пилешки стек

350 гр. доматно пире

250 гр. кашкавал

малку оригано

масло

сол, сув зачин и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Хаос во Франција повредени повеќе од 600 лица

Повеќе од 600 лица се уапсени за време на акциите за блокирање на средни училишта во Франција, а над сто ученици и полицајци се повредени во судирите со полицијата, изјави францускиот министер за внатрешни работи Лоран Нуњез.

Видео: Хаос во Франција повредени повеќе од 600 лица

Според него, уапсени се 625 лица, а 199 од нив се повредени, од кои 83 се полицајци. Тој ги осуди „нападите врз полицајци, фрлањето предмети и насилството“, како и „урбаното насилство“.

Според него, полицијата интервенирала со „голема воздржаност“ и покренала истраги во врска со повредените студенти.

„Станува збор за малолетници кои се соочуваат со полицијата. Очигледно е дека полицијата пропорционално користи средства како што е солзавецот“, изјави Нуњез. Според „Фигаро“, движењето на средношколците и понатаму е поттикнувано од поединци од левичарската партија „Непокорена Франција“ (LFI) и од поддршката на студентите.

Лидерот на LFI, Жан-Лук Меланшон, претходно во средата ги отфрли обвинувањата на францускиот претседател Емануел Макрон дека партијата поттикнува немири за време на протестите на средношколците низ земјата.

Францускиот министер за високо образование, Филип Батист, ја обвини LFI за поттикнување насилство за време на блокадите на училиштата, кои продолжуваат во неколку градови низ земјата, додека претседателот Макрон изјави дека политичките лидери не треба да бидат меѓу демонстрантите за да „шират страв и да го поттикнуваат најлошото“.

Средношколците низ Франција ги блокираат влезовите на училиштата уште од почетокот на неделата, додека државните службеници стапија во штрајк поради планираните кратења на буџетот и условите за работа.

Протестите се интензивираа во последните денови; во Париз беа блокирани околу десет отсто од училиштата, главно во предградието Сен-Дени, во Лил вчера беа запалени контејнери пред едно средно училиште, додека во Лион дојде до судир меѓу полицијата и учениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега

Рекорден септември на uslugi.gov.mk: 27.345 поднесени барања за еден месец, вкупната бројка надмина 400.000

Националниот портал за електронски услуги uslugi.gov.mk во септември забележа рекордна употреба – во текот на месецот граѓаните и компаниите поднеле 27.345 барања за електронски услуги, што го прави септември убедливо најуспешен месец досега, надвор од услугата за ИКТ ваучерите со која беа услужени над 50 илјади студенти.

Со овој резултат, вкупниот број на барања поднесени преку Националниот портал надмина 400.000 и достигна 405.881 барање.

Континуираниот раст на користењето на порталот е резултат на проширувањето на бројот на достапни електронски услуги, поедноставувањето на постапките и сè поголемата соработка со институциите кои своите услуги ги прават целосно достапни онлајн.

Особено се издвојува одличната соработка со Државниот завод за статистика, со кој во изминатиот период беа дигитализирани и ставени на располагање повеќе услуги, вклучително и услуги наменети за студентите и академската заедница.

Министерот за дигитална трансформација Стефан Андоновски истакна дека бројките покажуваат дека граѓаните сè повеќе ја препознаваат вредноста на електронските услуги.

„27.345 барања за само еден месец е најдобриот резултат од постоењето на порталот. Уште поважно е што вкупно ја надминавме бројката од 400.000 барања. Ова покажува дека кога услугата е едноставна, достапна и целосно електронска, граѓаните ја користат. Нашата цел е сè повеќе постапки да можат да се завршат од дома или од мобилен телефон, без шалтери, без непотребно чекање и без носење документи од една институција во друга“, истакна Андоновски.

Министерството за дигитална трансформација продолжува со институциите да работи на дигитализација на нови услуги, нивно поврзување преку Платформата за интероперабилност и поедноставување на корисничкото искуство на Националниот портал.

Фокусот останува на услуги кои граѓаните и компаниите најчесто ги користат и кај кои дигитализацијата може да донесе најголема заштеда на време и административни трошоци.

Рекордниот септември е уште една потврда дека електронските услуги постепено стануваат стандарден начин на комуникација меѓу граѓаните и институциите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер