Денови на мед во Куманово по 25-ти пат - Канал 5

Живот

Денови на мед во Куманово по 25-ти пат

По 25-ти пат во организација на пчеларското здружение „Пчела“ денеска се одржа манифестацијата „Денови на мед“ во Куманово, поради временските услови во занаетчискиот дом. 

Денови на мед во Куманово по 25-ти пат

На манифестацијата учествуваат претставници на пчеларски здруженија од Македонија. Пчеларите ја оценуваат годината како просечна.

Претставниците од здружението доделија платени на најуспешни пчелари во повеќе категории, а воедно претставници од болницата. Директорот Сашо Стошевски додели плакета на здружението на поранешниот претседател Горан Митевски за поддршката за време на пандемијата кога пчелаирте донираа мед за здравствените работници од општина болница Куманово.

Претседателот на здружението, Бобан Стошевски посака успешна медена година, надевајќи дека наскоро ќе ги постават штандовите на градскиот плоштад и куановци ќе можат да се снабдат со мед.

- Успешно и неуморно работевме на жештините, го чекавме дождот, кој пристигна денеска. „Деновите на мед“ се круна на нашата работа. И очекуваме медена 2026-та година, изјави Стошевски.

Градоначалникот на Куманово Максим Димитриевски кажа дека општината се гордее со членовите на здружението, укажувајќи дека Македонија отсекогаш била позната по квалитетен мед. Тој очекува македонскиот мед да почне да се продава на светските саеми по висока цена, посочувајќи дека дури и во 2009 во Шанагј, македонскиот штанд на мед бил меѓу најпосетуваните.

- Многу ми е драго што има млади луѓе во здружението, но особено ми е драго што достојно ги почитувате повозрасните од кои ви сте учеле, така треба и вашиот систем на вреднувања да го преземе и државата, кажа меѓу другото Димитриевски.

Професорот по пчеларство од средното стручно училиште „Киро Бурназ“, Горан Митевски кажа дека годинава имале просечно производство на мед.

- Климатските промени се гледаат и во самите количини на производство ако пред 25 години било 15 килограми по мед, сега просечно по седум до осум. Сепак, повремено имаме и добри години. Важно е да се преземаат сите мерки, рече Митевски.

„Пчела“ постојано работи во насока на промоција на пчеларството. Во моментов има над сто членови од различни генерации. Поискусните пчелари ги едуцираат помладите колеги и им нудат и менторски услуги. Производителите генерално се задоволни од потрошувачката и од поддршката на надлежното министерство од субвенции, мерки за поддршка и модернизација на производството.

Тагови: МЕД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Експлозија во руско-кинески комплекс вреден 10 милијарди долари

Еден кинески работник загина, а повеќе од сто други се повредени во пожар што избувнал денес во Гасно-хемискиот комплекс „Амур“ (AGCC) на рускиот Далечен Исток. 

Видео: Експлозија во руско-кинески комплекс вреден 10 милијарди долари

Компанијата ја потврди оваа информација.

Комплексот „Амур“, лоциран во близина на градот Свободни во Амурската област, е заеднички проект вреден 10 милијарди долари меѓу рускиот петрохемиски гигант „Сибур“ и кинеската државна компанија „Синопек“.

Објектот е проектиран да стане еден од најголемите погони за производство на полимери во светот, а во моментот на несреќата се спроведуваа завршни испитувања. Почетокот на работата беше планиран за 2027 година.

Според официјално соопштение, пожарот избувнал во помошен дел од постројката за пиролиза, но главната опрема не била оштетена. Деветнаесет работници биле хоспитализирани со повреди кои се движеле од умерени до тешки.

Уште 104 работници добиле медицинска помош за полесни повреди, како што се исеченици и нагмечувања.

Компанијата исто така потврди смртен случај на својата веб-страница. „И покрај брзата медицинска помош, еден повреден работник – кинески државјанин ангажиран од подизведувач – не преживеа“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Директорот Гоце Димовски во работна посета на ТИРЗ Тетово и ТИРЗ Кичево

Во рамки на активната комуникација со сите инвеститори и партнери, директорот Гоце Димовски денес беше во работна посета на ТИРЗ Тетово и ТИРЗ Кичево.

Директорот Гоце Димовски во работна посета на ТИРЗ Тетово и ТИРЗ Кичево

Во рамки на активната комуникација со сите инвеститори и партнери, директорот Гоце Димовски денес беше во работна посета на ТИРЗ Тетово и ТИРЗ Кичево, каде беа остварени средби со приватниот партнер Нормак, менаџментот на компанијата Џаво Отомотив и менаџментот на компанијата Џојсон Сејфти Системс.

Во ТИРЗ Тетово, директорот Димовски оствари средба со генералниот директор на Нормак, Александар Зарков, при што беа разгледани тековните активности во зоната, можностите за понатамошен развој на инфраструктурата, како и мерките за подобрување на условите за работа.

По средбата со Нормак, директорот Димовски се сретна и со менаџментот на Џаво Отомотив. На средбата беа разгледани тековните активности поврзани со реализација на инвестицијата, како и следните чекори во развојот на компанијата во рамки на ТИРЗ Тетово.

Посетата продолжи во ТИРЗ Кичево, каде директорот Димовски се сретна со менаџментот на Џојсон Сејфти Системс. На средбата се разговараше за досегашното работење на компанијата, тековните активности и плановите за понатамошен развој. Притоа, беа разгледани и можностите за дополнителна поддршка од страна на Дирекцијата во насока на олеснување на работењето и реализација на идните развојни планови на компанијата.

Денешната посета на ТИРЗ Тетово и ТИРЗ Кичево е дел од континуираната определба на Дирекцијата за ТИРЗ за директна комуникација со инвеститорите и партнерите и следење на состојбите на терен. Главната цел и натаму останува навремено идентификување на потребите на компаниите, унапредување на условите за работа и создавање предуслови за нови инвестиции и отворање нови работни места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија се соочува со сериозна закана, кажа Мерц откако бил пронајден уште еден вооружен дрон кај аеродромот во Лајпциг

Експлозивни дронови пронајдени во близина на аеродромот во Лајпциг покажуваат дека Германија е под закана, изјави канцеларот Фридрих Мерц откако беше објавено дека бил откриен уште еден ваков уред.

Германија се соочува со сериозна закана, кажа Мерц откако бил пронајден уште еден вооружен дрон кај аеродромот во Лајпциг

„Нападот со беспилотни летала во Лајпциг, меѓу другото, покажува дека се соочуваме со многу реални закани. германија е под зголемен надзор од хибридни напаѓачи“, рече Мерц. Германските власти за борба против тероризмот отворија истрага на 5 август откако еден вработен на аеродромот во Лајпциг пронајде дрон што носел експлозивна направа, на која детонаторот очигледно откажал. Истражителите пронашле уште еден дрон на 14 август во близина на аеродромот во Лајпциг.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер