Денеска е Лазарова сабота, утре Цветници - празници предвесници на Велигден - Канал 5

Живот

Денеска е Лазарова сабота, утре Цветници - празници предвесници на Велигден

 Саботата пред Цветници се вика Лазарова сабота или Лазарица. Православните верници на овој ден си споменуваат за чудесното воскресение на четиридневно упокоениот Лазар извршено од Исус Христос. 

Денеска е Лазарова сабота, утре Цветници - празници предвесници на Велигден

Овој настан бил на шест дена пред предавството и распнувањето на Христос на Голгота.

Според преданието во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата. Според тогашните закони учител можело да биде само лице што наполнило триесет години.

Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител. Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар Марта и Марија го прекориле Исуса велејќи му дека ако дојдел навреме немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“. Преданието вели дека Бог сакал Лазар да умре за врз него да се манифестира силата Божја.

Кога дошол до гробот Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава.

[Православните христијани денеска го слават празникот Цветници познат уште и како Цветоносна недела и Врбица. Цветници секогаш е една недела пред Велигден и се празнува во спомен на влегување]

И пак се упатил кон Ерусалим. Кога стигнал во подножјето на Маслиновата гора Исус пратил двајца свои ученици во Витфагија да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“. Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре? Толкувачите на Светото писмо истакнуваат дека кај источните народи магарето било симбол на мирот наспроти коњите што служеле за водење војни. Магарето мирно му служело на човекот како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на висините“.

Воскреснувањето на Лазар претставува предвесник на Христовото воскресенување, но и праобраз на општото воскресение на сите луѓе при Второто Христово пришествие. Затоа, впрочем и има големо значаење. Со своето воскресение Исус потврдил дека претстои воскресение за сите луѓе. „Значи нема да воскреснат само праведниците, а грешниците да исчезнат, туку сите ќе воскреснат и ќе се претстават пред Страшниот Христов Суд.“ Со Лазарева сабота се поврзани повеќе обичаи и песни познати како лазарски. Од раните утрински часови групи девојчиња облечени во традиционална невестинска облека одат низ населените места и пеат лазарски песни, кои се со оптимистична и духовита содржина и посакуваат здравје, успех и напредок. Именден празнуваат: Лазар, Лазарка, Лазо, Цветан Цвета и сите имиња што произлегуваат од билки: Лилјана, Калина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прв лет на новиот германски воен авион (ВИДЕО)

Сосема нов борбен авион полета за прв пат оваа недела од писта во Баварија, југоисточна Германија. 

Прв лет на новиот германски воен авион (ВИДЕО)

Тоа е првиот воен авион „Еурофајтер Тајфун“ изграден според новиот германски стандард „Транша 4“, кој е произведен како дел од националната програма за набавки што Луфтвафе (германските воздухопловни сили, оп.а.) ја нарекува Проект Квадрига, пишува defense-blog.com.

„Ербас Дифенс енд Спејс“, европската воздухопловна компанија што ги составува германските „Еурофајтер“ во фабрика во Манчинг во близина на Минхен, ја потврди веста во објава на социјалните медиуми. Компанијата додаде дека првите испораки до „Луфтвафе“ остануваат планирани за втората половина од оваа година.

Технички карактеристики и „суперкрстарење“

„Еурофајтер Тајфун“, замислен во 1980-тите и оперативен од 2003 година, е двомоторен суперсоничен борбен авион заеднички развиен од Германија, Обединетото Кралство, Италија и Шпанија. Тој сè уште го формира 'рбетот на неколку европски воздухопловни сили.

Авионот е напојуван од два мотори Eurojet EJ200, секој од нив произведува околу 90 килоњутни потисок. Ова му дава моќ да одржува суперсоничен лет без постојана употреба на таканаречени афтергорумери (т.е. директно вбризгување на гориво што предизвикува авионот веднаш да ја зголеми својата брзина), ретка способност позната како суперкрстарење, која ја поседуваат само неколку борбени авиони во светот.

Германија моментално управува со околу 138 Eurofighters од три претходни производствени стандарди, Транша 1 до Транша 3. Најстариот авион, Транша 1, лета од почетокот на 2000-тите и има значително поограничени сензори и вооружување во споредба со новите модели.

Може да следи повеќе цели истовремено

Авионот е опремен со нов тип на радар со активен електронски скениран низ (AESA). Оваа технологија ги заменува постарите механички ротирачки радарски антени со фиксна плоча составена од стотици мали предаватели. Секој од нив може електронски да го насочува радарскиот зрак во микросекунди, без физички да ротира. Промената му овозможува на авионот истовремено да следи повеќе цели, побрзо да се префрла помеѓу скенирање на небото и земјата и поефикасно да се спротивставува на непријателските попречувања.

Германската верзија на овој радар се нарекува ECRS Mk 1 и ја произведува германската компанија Hensoldt. Првиот авион ќе пристигне со конфигурацијата Step 0, што е во основа претходен стандард за извозен радар со надградена антена. Понапредна верзија, Step 1, треба да следи од средината на 2027 година, според Aviation Week, кој внимателно ја следи програмата за тестирање.

Планови за набавка и поширока побарувачка

Уште во ноември 2020 година, Германија нарача 38 авиони Tranche 4. Според Janes, нарачката вклучува околу 30 едноседи и осум двоседи за обука, а тие се наменети директно да го заменат истиот број на најстарите авиони Tranche 1.

Берлин не застана тука, па на крајот од минатата година потпиша посебен договор за дополнителни 20 Tranche 5 Eurofighter. Со ова, вкупниот број на нови нарачки за Германија се искачи на 58 авиони, чија испорака е планирана до 2030-тите. Сето ова се случува во контекст на пошироко зголемување на побарувачката за Eurofighters, што резултираше со дополнителни нарачки од Шпанија и Италија, додека Турција се придружи како нов клиент.

Тагови: воен авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска- Давкова: Постои моментум за проширување во ЕУ, подготвена сум да иницирам средба за национален консензус

Претседателката Сиљановска Давкова препознава моментум во Европската Унија во однос на проширувањето, а подготвена е и да иницира средба за да се изгради национален консензус..

Сиљановска- Давкова: Постои моментум за проширување во ЕУ, подготвена сум да иницирам средба за национален консензус

Во вечерашното Само Интервју, таа оцени дека клучен ќе биде крајот на септември, кога Европската Унија ќе ја презентира стратегијата за проширување..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Невреме со дожд и град се приближува кон Битола и Преспа

Од УХМР соопштуваат дека од северозапад се приближува невреме со пороен дожд, грмежи и суградица кон Преспа и Битола.

УХМР: Невреме со дожд и град се приближува кон Битола и Преспа

Време 14:16 часот

Невреме со пороен дожд и грмежи во Кичево!

Време 18:02 часот

Нестабилност во планинските предели северозападно од Скопје проследена со пороен дожд и грмежи! Нестабилност има и во Полошкиот регион, Овче Поле и западно од Струга!

Време 18:16 часот

Невреме проследено со пороен дожд, грмежи и засилен ветер има северно од Штип, Гостивар и Македонски Брод! Правецот на движење е од север кон југ!

Време 18:39 часот

Невреме со пороен дожд и грмежи во Гостивар и северно од Македонски Брод! Правецот на движење е кон југоисток!

Време 19:19 часот

Од северозапад се приближува невреме со пороен дожд и грмежи кон Гевгелија и Кичево! Слаб до умерен дожд има и во Скопје, Охрид, Ресен, Македонски Брод и во северозападните делови на Македонија!

Време 19:52 часот

Невреме со пороен дожд и грмежи во Прилеп, Гевгелија, Крушево и Македонски Брод! Слаби до умерени врнежи од дожд на повеќе места во западните и централните делови на Македонија!

Време 20:03 часот

Невреме со пороен дожд и грмежи во Ресен!

Време 20:32 часот

Од северозапад се приближува невреме со пороен дожд, грмежи и суградица кон Преспа и Битола!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер