Денес е Света Петка – Летна: Чуда се случуваат на овој ден - Канал 5

Живот

Денес е Света Петка – Летна: Чуда се случуваат на овој ден

Култот кон света Петка- Римјанка, кај нашиот народ е многу раширен. Таа се смета за заштитничка од разни несреќи, но и од многу болести. 

Денес е Света Петка – Летна: Чуда се случуваат на овој ден

Култот кон света Петка- Римјанка, кај нашиот народ е многу раширен. Таа се смета за заштитничка од разни несреќи, но и од многу болести. Во православниот каландар постојат три личности со исто име света Параскева – Петка, поради што кај народот најчесто се мешаат и се мисли дека се работи за иста личност. Првата е света Петка – Римјанка, втората света Петка од Иконија и третата света Петка Епиватска, позната и како Трновска.

Многу лековити извори се поврзани со нејзиното име и се наречени Петочни води. Петковден како домашен празник со служби посветени на св. Петка, со чекање гости и со други обичаи и свечености го празнуваат голем број македонски семејства.

Најпозната меѓу нив е третата на која празникот, познат под името Петковден и со домашни слави се празнува на 27/14 октомври. Поради тоа и другите две се идентификуваат со неа. Ефтим Спространов во записите на обичаи и верувања од Охрид сведочи дека се правело разлика меѓу Петковден, празникот во октомври и света Петка од 26 јули (стар стил). Тој уште сведочи дека на овој ден од градот и од селата оделе на манастирот посветен на света Петка во близината на Охрид. Овие личности името го добиле поради тоа што се родени во петок, а петокот бил ден за подготовка поради тоа што кај Евреите во претхристијанскиот период саботата била празник.

Оттука Параскева значи подготовка. Првата света Петка е преподобната маченица Параскева Римјанка. Во нејзиното житие се вели дека нејзините родители биле Римјани, дека биле христијани и дека таа како единствена ќерка им се родила по долги и искрени молитви. Уште од мала била воспитувана во христијански дух, а и самата влијаела врз луѓето да се однесуваат христијански. Рано ѝ умреле родителите, а таа целиот имот го раздала на сиромаси и се замонашила. Како монахиња со уште поголема жар го проповедала христијанството иако во тоа време оваа вера била забранувана и најжестоко прогонувана од римската власт. Пакосните Евреи први ја наклеветиле кај императорот Антониј Пиј, кој најпрвин со ласкања се обидел да ја придобие да се откаже од својата вера. Но кога во тоа не успеал ја подложил на жестоки измачувања ставајќи и на главата вжештен шлем.

Но и од овие страдања на чуден начин се спасила, побегнала од Рим и продолжила да ја проповеда вистинската вера Христова. Уште на два пати, односно уште во два града Параскева била измачувана, но пак на чуден начин се спасила, неверојатно брзо излечувајќи се од раните. На нејзиното мачење присуствувал и самиот император, а кога била фрлена во котел со врело масло и со катран, таа останала неповредена, а од течноста му прснало на императорот во очите по што тој ослепел. Параскева се помолила на Господа и тој оздравел. Гледајќи ги нејзините страдања, но и чудата што се случувале многумина ја примиле христијанската вера. За да ја скријат вистинската причина за нејзиното брзо оздравување, паганите нејзините чуда ги објаснувале со маѓии, а оздравувањето му го припишувале на нивниот Бог. Но самата Параскева еднаш на мачителот му рекла: „Не ме излекуваа твоите Богови, туку мојот единствен Бог Исус Христос.“ Најпосле, некој кнез по име Тарасиј ја исекол со меч. Тоа се случило во II век. Подоцна моштите ѝ биле пренесени во Цариград. Култот кон света Петка кај нашиот народ е многу раширен. Таа се смета за заштитничка од разни несреќи, но и од многу болести. Со нејзиното име се поврзани и чудотворни икони и многу лековити води наречени петочни води. Оттука и празнувањето на петокот како посебно тежок ден во неделата. Според некои записи од минатото во некои наши краишта (на пр. Мариово) петокот се празнувал повеќе од неделата.

Тагови: МПЦ -ОА празник Света Петка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски од Брвеница: Денеска Македонија е подобро место за живеење од пред три години

Јас не велам дека е сè идеално. Јас не велам дека денеска ние сме најпрекрасното и економски најразвиеното место на светот, но велам дека е најубавата земја во светот. 

Мицкоски од Брвеница: Денеска Македонија е подобро место за живеење од пред три години

Да, си ја сакам, тоа е мојата татковина Македонија, исто како што вие си ја сакате таа истата наша заедничка Македонија.

Денеска Македонија е подобро место за живеење од пред три години, кога пред очи им играа фудбалчиња и баскет партии во канцеларии, наместо да работат и да испорачуваат проекти.

И да, има проблеми и сигурен сум дека и за три години од денеска ќе биде подобро место за живеење од денес, рече претседателот на ВМРО-ДПМНЕ и премиер Христијан Мицкоски во Брвеница .

Пред Брвеница денес стои сериозна обврска. Започнатото да продолжи, а општината да остане сплотена и насочена кон работите што им се важни на жителите на оваа преубава општина. Треба да се избере човек што ја познава општината.

Токму од таа одговорност тргнавме кога ја донесовме одлуката Стојанчо Радически да ја преземе кандидатурата. Стојанчо или Цоки, како што многумина го знаат, е човек што е постојано присутен овде. Ги познава луѓето и секојдневието на Брвеница. Знае дека градоначалничката позиција не е позиција од која се гледа општината оддалеку, туку работа што секој ден те носи помеѓу луѓето.

Оваа кампања сакам да биде без навреди, без поделби, да биде чесна трка во која зборуваме за нашата општина и нејзината иднина, објави Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски на средба со францускиот амбасадор Ле Риголер: Нови обуки и продлабочување на полициската соработка со Франција

Министерот за внатрешни работи Панче Тошковски денеска оствари средба со амбасадорот на Република Франција, Н.Е. Кристоф Ле Риголер, придружуван од полициското аташе Михаел Жано.

Тошковски на средба со францускиот амбасадор Ле Риголер: Нови обуки и продлабочување на полициската соработка со Франција

На средбата беше истакната долгогодишната соработка меѓу двете земји во областа на внатрешните работи, која трае повеќе од две децении, како и заедничката определба таа да продолжи преку конкретни активности, обуки и размена на искуства.

Амбасадорот Ле Риголер информираше за новата обука која започнува на Меѓународниот аеродром „Скопје“, а ја реализираат француски експерти од Жандармеријата за воздушен транспорт на Република Франција. Обуката е насочена кон размена на експертиза и практични знаења во областа на сигурноста и безбедноста на аеродромите и унапредување на професионалните капацитети на полициските службеници и лицата задолжени за обезбедување.

„Соработката со Република Франција има долгогодишен континуитет и за нас е особено значајно што таа се преточува во конкретни активности и обуки. Размената на знаење и искуство со француските експерти директно придонесува за унапредување на професионалните и оперативните капацитети на македонската полиција“, истакна министерот Тошковски.

На средбата беа најавени уште две обуки до крајот на годината – за спречување перење пари и за разузнавачки активности и работа во казнено-поправните домови.

Соговорниците разговараа и за можностите за проширување на соработката со Центарот за обука на МВР, преку креирање и реализација на обуки согласно потребите на идните полициски службеници.

Двете страни изразија задоволство од досегашната соработка и подготвеност таа дополнително да се продлабочува во областите од заемен интерес, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Зајакнати акциски контроли на возачи на електрични тротинети – констатирани 167 прекршоци

На 28.09.2026 година, во периодот од 17:00 до 22:00 часот, на подрачјето на целата држава, Секторот за сообраќајни работи при Министерството за внатрешни работи спроведе зајакната акциска контрола насочена кон возачите на лесни електрични возила.

Зајакнати акциски контроли на возачи на електрични тротинети – констатирани 167 прекршоци

При спроведената контрола констатирани се вкупно 167 прекршоци. Најголем дел прекршоци, се однесуваат на неносење рефлектирачки елек при управување со електричен тротинет во ноќни услови и неносење заштитен шлем.

Од страна на Мобилната единица за безбедност на сообраќајот на патиштата констатирани се 81 прекршоци, на подрачјето на СВР Охрид 26, а на подрачјето на СВР Битола 23 прекршоци, додека останатите прекршоци се констатирани на подрачјата на другите сектори за внатрешни работи.

Во рамки на контролата, одземени се два електрични тротинети.

За сите констатирани прекршоци преземени се соодветни мерки и изречени се санкции согласно законските прописи.

Во текот на контролата констатирани се и 206 прекршоци од друг вид.

Министерството за внатрешни работи продолжува со зајакнатите сообраќајни контроли со цел зголемување на безбедноста на сите учесници во сообраќајот,соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер