Балкан

Дендиас: Во 2026 година започнуваме со доброволно служење воен рок за жени

Дендиас објасни дека дополнително треба да се создаде „инфраструктура, но и перцепција и култура, така што, ако некогаш биде потребно, жените да можат да служат рамо до рамо со мажите во грчките вооружени сили“.

Во 2026 година почнуваме со доброволно служење воен рок за жени. Ќе започнеме со создавање на единица од 100 до 150 доброволки, за да можеме жените уште повеќе да ги поврземе со армијата, бидејќи во редовниот професионален состав сме во добра состојба, 17 отсто од кадрите во грчките вооружени сили се жени, што е приближно на светскиот просек, посочи министерот за одбрана на Грција Никос Дендиас за време на учеството на конференцијата на весникот „Нафтемборики“, јави дописничката на МИА од Атина.

Дендиас објасни дека дополнително треба да се создаде „инфраструктура, но и перцепција и култура, така што, ако некогаш биде потребно, жените да можат да служат рамо до рамо со мажите во грчките вооружени сили“.

Во однос на учеството на Турција во европската програма САФЕ за финансирање одбранбени проекти, за кое грчкиот премиер на неколку пати има повторено дека сè додека постои „casus belli“, односно закана за војна, Атина нема да даде зелено светло за Анкара, Дендиас објасни дека регулативата не поставува услов за едногласност од САФЕ, но „сепак, постои обврска од Комисијата дека ќе го донесе овој договор со предлог да биде едногласно изгласан“.

- Мислам дека тоа што го кажува премиерот е логично и е очигледно: Како ќе учествува во европски финансиски инструмент една земја што има издадено закана за војна против земја-членка на Европската унија? И земја што окупира дел од друга држава, има и други незаконски активности, итн.? Знаете, никој од нас не е „мразач на Турци“, ниту некој што не посакува добри односи со Турција, но за да постојат добри односи треба да бидат искрени, а искрени односи значи едниот да ги почитува законските права на другиот, посочи Дендиас.

Тагови: Дендиас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Од март се враќа задолжителниот воен рок во Србија, најави Вучиќ

Претседателот на Србија, Александар Вучиќ, најави дека во март следната година повторно ќе се воведе задолжителниот воен рок.

Претходно, актуелната власт најави враќање на задолжителното служење на воениот рок во Србија во траење од 75 дена за мажи до 30 години.

Армијата на Србија, со одлука на претходните власти, официјално стана професионална војска на 1 јануари 2011 година, кога стапи на сила собраниската одлука за укинување на обврската за служење воен рок.

Редовното служење на воената обврска тогаш беше заменето со доброволно служење, а војската почна да се пополнува со професионални војници и офицери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив

Иран и Соединетите американски држави постигнале договор за прекин на последниот бран меѓусебни судири во Персискиот залив и да ги продолжат разговорите согласно меморандумот за разбирање што неодамна го потпишаа двете страни, потврдил американски функционер за неколку светски медиуми.

Веста за постигната согласност за прекин на непријателствата, како што наведуваат медиумите, ги зголемува надежите дека привремениот мировен договор меѓу Вашингтон и Техеран може да опстане и покрај меѓусебните вооружени судири во последните денови. Американскиот новински портал „Аксиос“, повикувајќи се на неименуван висок американски функционер, објави дека разговорите меѓу претставиците на Вашингтон и Техеран треба да продолжат утре, во главниот град на Катар, Доха.

Засега не е познат ставот на Техеран во врска со наводите кои доаѓаат од страна на извори од американската администрација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со грант од еден милион евра од Светска банка ќе се прави проект за реформи во Железницата

Со еден милион евра грант од Светската банка ќе се прави проект за реформа во железничкиот сектор.

Договорот за грант го потпишаа вицепремиерот Александар Николоски и директорката на Светска банка за Македонија, Керол Межеван.

Договорот како што најави вицепремиерот Николоски треба да даде поддршка во реформата во преструктурирање на Македонски железници – транспорт со цел создавање на функционално претпријатие.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.