Деми Мур се појави во впечатлив црвен фустан на премиерата во Лос Анџелес (ВИДЕО) - Канал 5

Шоу биз

Деми Мур се појави во впечатлив црвен фустан на премиерата во Лос Анџелес (ВИДЕО)

Деми Мур (61) привлече внимание на премиерата на филмот The Substance во Лос Анџелес.

Деми Мур се појави во впечатлив црвен фустан на премиерата во Лос Анџелес (ВИДЕО)

Актерката на црвениот тепих се појави во впечатлив црвен фустан со интересен дезен. Таа на премиерата дојде со ќерките Рамер, Скаут и Талула, кои се насмевнаа и им позираа на фотографите.

Фановите често го фалат изгледот на актерката. Деми се појави на насловната страница на септемвриското издание на магазинот Interview, а многумина истакнаа дека актерката изгледа одлично на фотографиите. Во интервјуто, Деми го коментираше вниманието кое нејзиното бикини тело го привлече кога имала 40 години и глумела во Чарлиевите ангели.

"Работев на филмот Charlie's Angels и многу се зборуваше за познатата бикини сцена. Сѐ беше многу нагласено и многу се зборуваше за мојот изглед. Не се чувствував како да не припаѓам. Беше повеќе како - не сум во моите 20-ти или 30-ти, но сè уште не бев она што тие го сметаа за „мајка““, објасни таа.

"Холивуд е суров кон жените на таа возраст бидејќи нема повеќе сценарија или улоги кои им одговараат. Или си мајка, или си доволно возрасна за да не те сметаат за секси", рекла Деми.

Во The Substance играат Деми Мур, Маргарет Квали и Денис Квејд. Филмот беше премиерно прикажан на овогодинешниот филмски фестивал во Кан, каде што ја освои публиката.

„Супстанција“ е научно-фантастичен хорор филм на режисерката и сценарист Корали Фаргит. Приказната ја следи телевизиската ѕвезда и инструктор по аеробик Елизабет Спаркл (Мур), која е отпуштена на нејзиниот педесетти роденден бидејќи нејзиниот шеф (Квеид) мисли дека е премногу стара.

Кога се враќа дома, мистериозна лабораторија ѝ испраќа на Елизабета пакет што содржи хемикалија наречена „супстанција“, која може да ја трансформира во помлада и поубава верзија на себе (Куали). Но - има проблем. За да може хемикалијата да работи, мора да има рамнотежа, што значи дека помладите и постарите верзии на Елизабет треба да се менуваат секоја недела.

YouTube video

The Substance ги воодушеви критичарите, а некои дури тврдат дека улогата на Елизабет Спарклс е една од најкомплексните улоги во кариерата на Деми Мур.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пет лица лишени од слобода, со едно извршен службен разговор, вкупно осум пријави за семејно насилство во последното деноноќие

На 30.06.2026 во 21:30 часот во Прилеп, полициски службеници од ОВР Прилеп го лишија од слобода З.Д.(38) од Прилеп бидејќи упатувал закани кон неговиот татко. 

Пет лица лишени од слобода, со едно извршен службен разговор, вкупно осум пријави за семејно насилство во последното деноноќие

Според пријавеното, додека се заканувал, си нанел и повреда со стаклен предмет. Се преземаат мерки за расчистување на настанот.

На 30.06.2026 во 20:10 часот во Тетово, полициски службеници го лишија од слобода Ф.А. (28) од Тетово, постапувајќи по претходна пријава дека во 19:25 часот, физички ги нападнал неговата снаа и неговиот брат. По целосно документирање на случајот, против Ф.А. ќе биде поднесена соодветна пријава.

На 01.07.2026 во 01:15 часот во СВР Скопје, 44-годишна жена пријави дека на 21.06.2026 во семејниот дом на подрачјето на Карпош, била физички нападната од нејзиниот сопруг Ц.С.(45), додека на 30.06.2026 се обидел да ја избрка од домот. Се преземаат мерки за целосно расчистување на случајот.

На 01.07.2026 околу 03:40 часот во СВР Скопје 22-годишна жена пријави дека на 30.06.2026 на подрачјето на Карпош била физички нападната од нејзиниот партнер Н.М.(32). Се преземаат мерки за расчистување на случајот.

На 30.06.2026 во 19:00 часот во скопско, полициски службеници од СВР Скопје го лишија од слобода М.Н.(68), по претходна пријава дека во домот упатил закани кон неговиот 40-годишен син и неговото семејство, при што со тврд предмет се обидел да го нападне неговиот малолетен внук. По целосно документирање на случајот, ќе следува соодветен поднесок.

На 30.06.2026 во 16:50 часот во Полициската станица Гази Баба полициски службеници од СВР Скопје извршија службен разговор со Ј.Ф.(27) од Скопје, по претходна пријава дека во домот физички го нападнал неговиот 62-годишен татко. Се преземаат мерки за целосно расчистување на случајот.

На 30.06.2026 во 15:30 часот во Струмица, полициски службеници од СВР Струмица го лишија од слобода А.В.(59) од Струмица, постапувајќи по пријава дека во семејниот дом агресивно се однесувал кон неговата сопруга и кон мајката на сопругата. Лицето е задржано во Полициската станица Струмица и за настанот е запознаен јавен обвинител од Основното јавно обвинителство Струмица. По документирање на случајот ќе биде поднесена соодветна пријава.

На 30.06.2026 во 19:30 часот во струмичко село, полициски службеници од СВР Струмица лишија од слобода 22-годишен жител на тоа село, постапувајќи по претходна пријава дека околу 03:00 часот во село Банско физички нападнал 26-годишна девојка, со која бил во љубовна врска. Лицето е задржано во Полициската станица Струмица и за настанот е запознаен јавен обвинител од Основното јавно обвинителство Струмица. По документирање на случајот ќе биде поднесена соодветна пријава.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна Цесна во Велика Британија: Двајца загинаа

Две лица загинаа откако лесен авион се урна на поле во Есекс, соопшти британската полиција.

Се урна Цесна во Велика Британија: Двајца загинаа

Двоседниот авион Цесна се урна вчера попладне, кратко по полетувањето од аеродромот Норт Вилд на планирано „кратко патување“, објави Скај њуз.

Идентитетите на жртвите сè уште не се објавени.

Тагови: Велика Британија Цесна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Поради силното невреме, кризниот штаб и екипите на јавните претпријатија се на терен

Градоначалникот на Град Скопје, Орце Ѓорѓиевски соопшти дека поради силното невреме, кризниот штаб и екипите на јавните претпријатија се на терен.

Ѓорѓиевски: Поради силното невреме, кризниот штаб и екипите на јавните претпријатија се на терен

„Почитувани граѓани,

Поради силното невреме кое во текот на денешниот ден го зафати Скопје, Кризниот штаб на Град Скопје, заедно со службите и јавните претпријатија, е целосно мобилизиран и подготвен за брза интервенција на терен, доколку има штети, поплави или потреба од итна реакција.

🫡 Во постојана координација сме со ЦУК, МВР, ЕВН, Противпожарната бригада на Град Скопје и сите надлежни институции.

Сите капацитети се ставени во функција, со една цел навремена заштита на граѓаните и спречување на поголеми последици.

Екипите на Град Скопје ќе бидат на располагање во текот на целата ноќ и ќе интервенираат секаде каде што ќе биде потребно.

Не можеме да го запреме невремето, но можеме организирано, одговорно и заеднички да спречиме поголеми штети.

Ги повикувам граѓаните на внимателност, смиреност и соработка со надлежните служби.

Службите се на терен.

♥️ Граѓаните не се сами.“- соопшти скопскиот градоначалник.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер