Деловите од вселената сепак не се празни: Воочена нова планета близу Сончевиот систем? - Канал 5

Живот

Деловите од вселената сепак не се празни: Воочена нова планета близу Сончевиот систем?

Научниците идентификувале објект со ширина од околу 700 километри, лоциран во замрзнатите надворешни делови на нашиот Сончев систем, кој би можел да се квалификува како џуџеста планета.

Деловите од вселената сепак не се празни: Воочена нова планета близу Сончевиот систем?

Објектот бил забележан додека се движел по многу издолжена орбита околу Сонцето и е опишан како еден од најоддалечените видливи објекти во Сончевиот систем. Ова откритие укажува дека огромните делови од вселената надвор од Нептун и Кајперовиот појас можеби не се празни, како што долго време се мислело.

Кајперовиот појас е исполнет со бројни ледени тела.

Објектот, наречен 2017 OF201, припаѓа на категоријата транснептунски објекти и има потреба од околу 25.000 години за да направи една орбита околу Сонцето – наспроти Земјината орбита која трае 365 дена. Бил откриен со телескопски набљудувања во Чиле и на Хаваи во период од седум години.

Астрофизичарот Сихао Ченг од Институтот за напредни студии во Принстон, Њу Џерси, кој ја водел студијата со колегите Џијашуан Ли и Еритас Јанг, изјави:

„Потенцијално е доволно голем за да се класифицира како џуџеста планета. Има многу широка и ексцентрична орбита, што укажува на интересна миграција низ историјата.“

Проценките велат дека објектот е нешто помал од Церера – најмалата од петте официјално признати џуџести планети – која има пречник од околу 950 км. 2017 OF201 има маса околу 20.000 пати помала од Земјината и 50 пати помала од Плутоновата. Неговиот состав сè уште не е познат, но се претпоставува дека е сличен на другите ледени објекти.

Откритието е објавено од страна на Центарот за мали планети на Меѓународната астрономска унија и е детално опишано во студија објавена на платформата за отворени научни трудови arXiv. Студијата сè уште не е рецензирана.

Петте официјално признати џуџести планети се: Церера (во појасот на астероиди), Плутон, Хаумеа, Макимаки и Ерис – последните четири орбитираат надвор од Нептун, пренесува Б92.

Тагови: вселената планета Сончевиот систем

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Американските авиони-танкери се повлекоа од Бугарија

Два американски авиони-цистерни ја напуштиле бугарската воздухопловна база Безмер, речиси еден месец откако нивното распоредување во Бугарија предизвика остри реакции од Иран.

Американските авиони-танкери се повлекоа од Бугарија

Информацијата ја потврдил бугарскиот министер за одбрана Атанас Стојанов. Американските авиони биле привремено распоредени во Бугарија на барање на САД, врз основа на договорот со кој се регулира заедничкото користење на воените објекти.

Распоредувањето на авионите предизвика реакција од Техеран. Иран тогаш предупреди дека нивното присуство во Бугарија би можело да претставува учество во, како што го нарече, „агресија и воени злосторства“. По информациите дека Иран разгледувал можни напади врз американски воени цели во југоисточна Европа, Бугарија ги засили безбедносните мерки во базата Безмер.

Тагови: Бугарија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Насилник газеше луѓе со кола по ливада во Херцеговина, тројца се повредени (ВИДЕО)

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Трамп повторно објави мапа: „Нова територија на САД“

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер