Свет

Делхи како гасна комора, прогласена вонредна состојба (ВИДЕО)

Во индискиот главен град е прогласена вонредна состојба , откако загадувањето на воздухот ги достигна до сега највисоките вредности.

Оваа недела, квалитетот на воздухот нагло се влоши во градот со дваесет милиони жители, поради што агенцијата за загадување денеска соопшти дека е воведена „санитарна криза“ што ќе „има фатални санитарни ефекти врз сите, особено децата“.

Властите решија да ги затворат училиштата и градилиштата до вторник. Забрането е употреба на петарди во текот на целата зима.

Густиот кисел чад кој со денови го прекрива Делхи, главно се создава од горење на остатоци по бербата на земјоделските култури во околината и ветрот го носи чадот во главниот град, кој е еден од најзагадените во светот.

Со горењето, што не е дозволено со закон, земјоделците ги расчистуваат оризовите полиња за да ги подготват за ново сеење. Деновиве, сателитските снимки на НАСА покажаа илјадници активни пожари во државата Пенџаб, северозападно од главниот град.

Секоја година, на почетокот на зимата, студениот ветер и човечката активност (горење на полињата, индустриски и автомобилски емисии на чад, печки за греење) го претвора Делхи во „гасна комора“, како што честопати го нарекуваат неговите жители.

Пред сезоната на загадување, градските власти забранија употреба на дизел генератори и воведоа возење пар-непар од 4 до 15 ноември. Локалната самоуправа објави минатиот месец дека ќе им подели на учениците 5 милиони заштитни маски.

Во 2017 година, 1,2 милиони луѓе предвреме починаа од загадување на воздухот во Индија, според студијата објавена минатата година во „Лансет“.

Живот

По 12 дена љубов, сфатил дека невестата му е маж, но и тоа не е нејчудното (ВИДЕО)

Млад Индонезиец го доживеал својот животен шок откако дознал дека се оженил со маж, по што во паника повикал полиција.

Локалните медиуми ги објавија деталите за бизарната приказна која има вистински филмски пресврт, пренесува Oddity Central.

Сѐ започнало на интернет, каде А.К.(26) ја запознал Адина Канза Азахрај. По некое време, бил договорен состанок, а момчето признало дека веднаш се заљубил.

Не му пречело тоа што Адина го крие лицето, користејќи хиџаб или превез. Всушност, нејзината срамежливост уште повеќе го заинтригирала, па решил да ја запроси.

Адина прифатила, но рекла дека не сака свадба бидејќи „нејзината мајка починала“ и „не била во контакт“ со нејзиниот татко. Тврдела дека нема семејство да го покани на свадбата.

Парот се одлучил за дискретна церемонија одржана во нивното село и тогаш работите станале уште почудни.

Имено, Адина сепак не го симнала превезот, одбила да се дружи со семејството и пријателите, како и да го „конзумира бракот“.

Младиот човек им се пожалил на своите роднини, кои решиле да ја истражат историјата на жената, па токму тогаш почнала да се расплетува приказната. Го пронашле таткото, кој објаснил дека има син, а локалните медиуми ги објавиле само иницијалите Е. С. Х.

Штом слушнал дека се оженил со маж, А.К. повикал полиција.

„Е.С.Х.(26) признал дека барал пари од оштетениот. Секогаш кога барал, добивал. Нему ќе му биде поднесена кривична пријава и ќе се соочи со четири години затвор“, изјавил полициски извор.

Понатаму се наведува дека уапсениот по шминкањето имал „женски изглед“, што му овозможило да ги измами луѓето.

Забава

Најпознатиот светски Јутјубер подарува 26 Тесли, една е посебна

Најпознатниот Јутубер на светот, MrBeast, објави дека по повод неговиот 26-ти роденден на своите следбеници им подарува 26 автомобили Tesla.

"Го славам мојот 26-ти роденден, па на моите следбеници им подарувам 26 Тесли! Лајкнете ја оваа објава и означете двајца пријатели во коментар за да учествувате. Следете ме за да ви испратам порака ако освоите Тесла. Победниците ќе да бидат објавени за седум дена. Споделете го ова на вашата приказна и помогнете им на вашите пријатели да освојат Тесла“, напишал тој.

На овој линк е објавен и документ со сите детални правила на надградувачот на MrBeast.

Потсетуваме дека Џејмс Стивен Доналдсон, попознат како MrBeast, е најследен Јутјубер денес со над 240 милиони следбеници на таа платформа. Во 2023 година, тој беше најуспешниот дигитален креатор, според Форбс. Неговата проценета бруто заработка е дури 82 милиони долари.

Свет

Аргентина парализирана: Генерален штрајк против реформите на Милеи (ВИДЕО)

Аргентинските работници денеска започнаа голем генерален штрајк против радикалните мерки за штедење и планираните реформи на новиот претседател Хавиер Милеи.

Откако повеќето големи синдикати се приклучија на протестите против владата на јужноамериканската земја, јавниот транспорт, секторот за преработка на жито, супермаркетите, аеродромите и банките се стопирани на 24 часа, објави Ројтерс.

Економистот и поранешен медиумски експерт Хавиер Милеи победи на изборите минатата година кога вети дека ќе ја реши економската криза, која растеше во текот на претходните влади, што доведе до троцифрена инфлација.

Мерките на претседателот за намалување на трошоците ги стабилизираа локалните пазари, но строгите политики на штедење им наштетија на реалните приходи на луѓето и ги подигнаа веќе високите нивоа на сиромаштија, што доведе до пад на економската активност на почетокот на годината, забележува Ројтерс.

Генералниот секретар на главниот синдикат ЦТА, Хуго Јаски, на социјалната мрежа „Х“ објави дека штрајкот е насочен против „влада од која имаат корист само богатите на сметка на народот, обезбедува природни ресурси и бара да ги елиминира работничките права“.

Владата го критикуваше штрајкот како неоправдан и наведе дека ќе влијае на луѓето кои сакаат да работат, а за време на протестите летовите ќе бидат суспендирани, пристаништата ќе бидат парализирани, банките ќе бидат затворени, а училиштата и универзитетите ќе работат на минимално ниво.

притисни ентер