Делчев е македонски револуционер и визионер за слобода на Македонија,граѓаните се горди на него - Канал 5

Македонија

Делчев е македонски револуционер и визионер за слобода на Македонија,граѓаните се горди на него

Најмаркатна и најзначајна личност во богатата македонска историја – ова е мислењето на граѓаните за револуционерот и херој – Гоце Делчев.

Делчев е македонски револуционер и визионер за слобода на Македонија,граѓаните се горди на него

Велат, станува збор за личност кој животот го положил за Македонија и се горди што е клучна фигура во поставувањето на темелите на македонската државност и идентитет. Но, сепак тие со поделени мислења за тоа колку неговата визија за Македонија се остварува и се почитува.

-Што ви значи ликот и делото на Гоце Делчев? Цел живот, минато сегашност и иднина. Големо дело за нас македонците се разбира, и горд сум што го имавме. Една од најбитните и треба да се гордееме што сме го имале.

-За мене Гоце Делчев е број еден од сите македонски револуционери и би требало повеќе да го почитуваме. Она што тој го мислеше, каква да биде нашата држава, тоа треба да го остваруваме. Тој е основата на Македонија, кога ќе се спомене Гоце Делчев, јас така размислувам.

-Се негува неговото дело соодветно? Мислам дека не, засега, во денешнава ситуација.

- Треба уште повеќе, а го негуваме.

И според историчарите, македонското револуционерно наследство позначајна лисност од Делчев нема. Универзитетската професорка Наташа Котлар вели е станува збор за идејник, организатор и војвода, пандан на италијанскиот револуционер Џузепе Гарибалди, кој ја разбудил свеста на тогаш ропскиот народ.

-Најзначајна личност во македонското револуционерно наследство. Тој е претставник на една македонска, национална интелигенција, авангарда, значи во тоа време во кое што делувал, а таа пак интелигенција и авангарда имале за задача да извојуваат морална, политичка револуција. Самиот Делчев едноставно истакнал дека револуцијата во свеста, срцето и душата на еден ропски народ, тоа е највеликата задача,- Наташа Котлар – Универзитетски професор.

Современа Македонија затајува во реализирањето на неговата визија и идеали за слободна држава, вели Котлар. Според нејзе, оние кои се обидуваат да го негираат како македонец се несериозни квази политичари кои не ја познаваат логиката на научното истражување.

-Оној што не негира има проблем со својот идентитет, ако го разгледуваме научно и историски Гоце Делчев, ќе си дојдеме до заклучокот дека неговата функција и неговото делување е во македонската национална идентитетска матрица, не е во бугарската, не е во грчката, не е во српската. Македонската историографија и македонската национална свест си го има Гоце Делчев станува збор за човек кој се определил за живот за македонската слобода и македонски идентитет,- Наташа Котлар – Универзитетски професор.

По договорот за добрососедство со Бугарија беше формирана и историска комисија која веќе со години е во целосна блокада, а за која Котлар вели, првенствено не требало ниту да постои бидејќи, заедничката историја е спорен момент, а Македонија како земја има значајни цврсти и значајни одредници, и тоа вели, не смее да биде дел од никаков договор.

YouTube video

Тагови: Гоце Делчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер