Дејан Трајкоски, член на жирито за наградата „Виленички кристал“ - Канал 5

Култура

Дејан Трајкоски, член на жирито за наградата „Виленички кристал“

Директорот на Интернационалниот литературен фестивал „ПРО-ЗА Балкан”, Дејан Трајкоски, од денеска до 6-ти овој месец ќе биде гостин на еден од најреномираните книжевни фестивали во Европа, словенечкиот „Виленица“.

Дејан Трајкоски, член на жирито за наградата „Виленички кристал“
- По покана од организаторот, Словенечкото друштво на писатели, Трајкоски ќе биде прв член од Македонија на жирито за наградата „Виленички кристал“ која се доделува на еден од авторите Од Централна Европа што учествуваат на фестивалот и кои се застапени во „Виленички алманах“. Доделувањето на оваа награда е еден од најважните настани на фестивалот, а секоја година се случува во местото Штањел, информира издавачката куќа Икона, организатор на „ПРО-ЗА Балкан“.

Во петчленото меѓународно жири за оваа награда досега учествувале директори на некои од најголемите фестивали на светот, а во последните години членови беа и имиња од рангот на поетот Пол Малдун, добитник на Пулицеровата награда за поезија и на наградата Т.С. Елиот, па Џефри Е. Тејлор - прв човек на најзначајниот литературен настан во Северна Америка, „Интернационален фестивал на авторите“ од Канада, Дени Гил - директорка на Интернационалниот литературен фестивал “Курт” од Ирска...

Наградата на добитникот му донесува статуетка, уметничко дело од сликарот Петер Абрам и гостување на престижниот книжевен фестивал Курт.

Исто така, Трајкоски е поканет да се обрати и да го претстави фестивалот „ПРО-ЗА Балкан“ пред повеќе стручни лица од областа на литературата од целиот свет на средбата насловена „Пазарот на словенечката и централно европската литература“. На средбата ќе учествуваат и Џон О'Брајан, основач на една од најважните американски издавачки куќи „Далки Аркајв Прес“, веќе споменатиот Џефри Е. Тејлор, Јанис Ога од Литературниот центар на Латвија, Катја Стергар од Словенечката агенција за книга и други. Модератор на средбата ќе биде претседателот на жирито за наградата „Виленица“, писателот Андреј Блатник. Заменик претседател на жирито за наградата „Виленица“, пак, е авторката Лидија Димковска. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Статуа на гол Доналд Трамп е изложена во Европскиот парламент во Стразбур (ВИДЕО)

Во една од зградите на Европскиот парламент е поставена џиновска златна статуа што го прикажува голиот Доналд Трамп, претседателот на САД. 

Статуа на гол Доналд Трамп е изложена во Европскиот парламент во Стразбур (ВИДЕО)

Скулптурата „Портокалова чума“ во Стразбур е инспирирана од бајката „Новите алишта на царот“, вели уметникот, објави Си-Ен-Ен.

Скулптурата висока 2,6 метри, наречена „Портокалова чума“, го прикажува голиот претседател на САД како држи вага на правдата и долга голф палка, со топка за голф дизајнирана да го претставува светот.

Познат и како „Крал на неправдата“, Трамп е прикажан како седи на рамената на помал, облечен човек кој го носи.

Статуата се наоѓа на една од најпрометните раскрсници што ги поврзува двете згради на Европскиот парламент во Стразбур, Франција, и е предвидено да остане таму до четврток.

На пиедесталот пишува: „Седам на грбот на човек. Тој тоне под мојата тежина. Ќе направам сè за да му помогнам. Освен да се симнам од неговиот грб“.

„Трамп претставува една од најголемите закани за светскиот поредок базиран на правила, демократските вредности и нашите колективни напори за решавање на климатската криза“, рече Јенс Галсјот, данскиот уметник кој ја создаде скулптурата.

„Мора да се соочиме со овој проблем и заедно мора да се соочиме со такво деструктивно влијание.“

Уметникот рече дека статуата, покриена со 23-каратно злато, е инспирирана од приказната „Новата облека на царот“, во која суетен владетел парадира гол низ улицата, верувајќи дека е облечен во најфина облека.

Во приказната, никој не му кажува дека е гол, од страв и ласкање, сè додека едно дете не му ја покаже голотијата, по што царот станува предмет на потсмев.

Пер Клаузен, левичарски дански член на Европскиот парламент, го покани уметникот да ја изложи статуата во зградата.

Тој рече дека не е загрижен за потенцијална реакција од Трамп, додавајќи:

„Ако некој е толку плиток што не може да толерира оваа скулптура да биде изложена во Европскиот парламент, тогаш за него нема место на светската сцена.“

Статуата претходно беше изложена за време на 30-тата Конференција на Обединетите нации за климатски промени (COP30), која се одржа во Бразил минатата година. Исто така, се појави во Германија за време на овогодинешната Минхенска безбедносна конференција.

Белата куќа не одговори на статуата или нејзиното поставување во Европскиот парламент.

На посетителите на статуата „Портокалова чума“ им беа дадени бесплатни минијатурни скулптури како симболи на протест, а Галчото, исто така, објави датотеки на интернет за луѓето да можат да ги печатат своите статуи дома со 3D печатач.

Ова не е првата златна статуа на г-дин Трамп. Ласкава статуа од 15 стапки, наречена „Дон Колосус“, беше откриена на неговото голф игралиште во Мајами во април, и го прикажува облечениот американски претседател со крената тупаница во воздух.

Тој, исто така, планира да постави две џиновски златни статуи од себе во неговата претседателска библиотека во Мајами. Американскиот претседател објави видео генерирано од вештачка интелигенција за плановите на Truth Social.

Тагови: Доналд Трамп статуа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Алесандра Амброзио позираше топлес (ФОТО)

Бразилската манекенка Алесандра Амброзио (45) објави серија фотографии на Инстаграм на кои позира во морето без горен дел од костимот за капење.

Алесандра Амброзио позираше топлес (ФОТО)

На сликите, таа лебди на грб додека со рацете си ги покрива градите, покрај објавата напиша: „Ќерка на сонцето, љубителка на морето“.

Таа исто така го означи заедничкиот профил што го води со својот свршеник, Бак Палмер, каде што ги документираат своите патувања.

Следбениците ја опсипаа со комплименти во коментарите. „Најубавата жена на светот“, „Како сирена“, „Секоја година е сè поубава“ и „Огнена Бразилка“ беа само дел од реакциите.

Нова свршувачка

Поранешната ѕвезда на „Victoria's Secret“ ја објави свршувачката со Бак Палмер во август оваа година. „Би те избрала тебе во овој живот и во секој друг. Засекогаш, љубов моја“, напиша таа тогаш покрај фотографија на која се заедно.

Пред Палмер, Амброзио беше свршена со претприемачот Џејми Мазур, со кого има две деца: ќерка, Ања, и син, Ноа. Таа и Палмер првпат беа видени заедно во јавноста кон крајот на 2024 година, на забава во Мајами.

Бразилската манекенка има успешна кариера долга повеќе од две децении и е широко позната во јавноста како еден од поранешните ангели на „Victoria's Secret“.

Извор: Индекс.хр

Тагови: Алесандра Амброзио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре сончево и релативно топло време, дожд од петок и за време на викендот

Утре времето ќе биде сончево и релативно топло со мала до умерена локална облачност, информираат од УХМР.

И утре сончево и релативно топло време, дожд од петок и за време на викендот

МАКСИМАЛНА ТЕМПЕРАТУРА

14 Попова Шапка, 18 Крушево, 22 Претор, 23 Маврови Анови, Берово, Прилеп, Крива Паланка, Охрид, Виница, 25 Битола, Тетово, 26 Зајчев Рид, Штип, Велес, Кавадарци, 27 Скопје Петровец, Демир Капија, Струмица, 28 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со мала до умерена локална облачност. Дуваше слаб до умерен јужен ветер. До крајот на денот ќе биде стабилно со мала до умерена локална облачност.

ВРЕМЕТО УТРЕ

Утрото ќе биде ведро, а во текот на денот сончево и релативно топло со мала до умерена локална облачност. Услови за врнежи од дожд ќе има во западните планински делови. Ќе дува слаб до умерен ветер од јужен правец, поизразен долж Повардарието. Минималната температура ќе биде во интервал од -1 до 7, а максималната ќе достигне од 22 до 28 степени.

Во Скопје, сончево и релативно топло со мала облачност. Ќе дува слаб ветер од променлив правец. Минималната температура ќе се спушти до 4, а максималната ќе достигне до 27 степени.

ВРЕМЕТО ВО НАРЕДНИТЕ ДЕНОВИ

Утре утрото ќе биде постудено, а во текот на денот ќе преовладува сончево време со мала до умерена облачност. Во петок, во деновите од викендот и во вторник времето ќе биде променливо облачно со повремени врнежи од дожд кои наместа ќе бидат пообилни. Локално врнежите ќе бидат поројни, проследени со појава на ретки грмежи. Утринските температури ќе бидат во пораст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер